水草情迷

我諗住把個魚缸放在窗台, 但是它距離廚房和廁所很遠, 想問下大家有冇咁的問題, 有什麼工具可解決? set 缸和換水會有什麼困難呢?

我換水的時候會駁條20呎網喉到厠所將水排走

我想如果真的太太遠, over10米...
除了拖喉還要加個抽水頭。

我都係用條喉.

淨係用喉得唔得架,使唔使加d其他設備.

我個缸得24吋,所以用水桶搞掂

咁不如你講下有幾遠吧. 幾十米或更遠, 就梗係要用水泵啦.
得十幾呎, 就可將水喉一邊放係缸, 一邊接上水龍頭, 先係水龍頭放水落缸, 等水喉充滿水後, 就將水龍頭個邊條喉鬆開, 放到排水口, 咁虹吸原理就會將水由魚缸倒流排走o架啦... 係好自然o既事, 唔駛要咩其他設備啦掛... 點係魚缸固定條就睇你囉.

_________________
多多交流, 多多研究, 多多搜尋
我的水族相簿

一般家庭都用既花灑,其喉頭都係固定size,我現時長二十尺的網喉的做法係:

工具:
網喉+幾吋鋼喉(一邊已經開好螺絲軌,五金店有售)=把鋼喉直接駁在綱喉的某一邊。

魚缸放水做法:
1)把花酒頭另開;
2)連接上述的鋼喉頭及網喉;
3)網喉的另一邊,加上固定在缸壁上吸盤及"防吸魚"膠頭,之後放入缸內;
4)先開水喉,等水喉水抵達魚缸,把水喉關上,另開原來接駁花酒的鋼喉頭,魚缸水自然源源流出......

其他如加水....吸污物....等等,如何調整?你應知如何做啦!

僅供參考!

都是用水桶好, 我都有兩三個桶啦

細缸水桶應可以，入水我用５L蒸餾水樽，當做運動．．．
用長喉就方便d就真．．．

好多謝大家意見, 其實我仲未有缸, 不過依家傾緊個二手32"缸, 而我諗住放缸的窗台距離廚房同廁所都有17,18尺, 所以搵大家俾d意見, 因為我要有詳細的解決辦法, 先可以同老婆攞approval. 參考過大家的意見之後,暫時都係一動不如一靜, 用水筒搞住先, 唔好買咁多野, 搞咁多野會易批D,
Hei Hei

你可以同老婆講買定條喉洗地囉!32"缸起碼要十筒水啦,如果唔覺意倒瀉你都幾麻煩!

換一次水要拖一次地都幾大工程