水草情迷

好正，好想去玩下.........
不過我想知.....total 用左幾多錢，因為我都想試下流浪式去玩，但唔係好識預budget，
唔知去麗江果邊around 幾多錢呢？

haha幸好閣下沒有坐船遊洱海，包你一世後悔！
期待精彩遊記，我都好想去下麗江

我都想試下流浪式玩,無人倍!不曉國語!怎樣好?

多謝各位
wcl 兄。。我有去到中甸同瀘沽湖呀。。依兩個地方真係景色一流呀！！
ric 兄。。其實除左機票外，你預自己每日120-150蚊以經係好好好足夠了。。我整個trip 用左4200左右，其中我打左幾百蚊長途電話(同女友)，機票arround 2000，剩下的都夠用了

接著我地就係青年旅舍買了去麗江的車票，好像RMB40，坐3小時便到麗江了，下車後便徒走行入古城。。。
麗江的古城比大理的更美，但最差的就是游人真係太多了。。全部店鋪都是做游客生意的。。在麗江我地就住在古城老街青年旅館，20/person，雖然出名好多客棧都是15/person，但我覺得係青年旅館比較容易找一些行程的資料！
在古城行了一整天，上了山上看日落，到處影了很多的相，其實那裡雖然游客很多，但我認為都是一個很好的地方，而且在麗江裡真的有不少的旅遊景點。。
接著，我地係青年旅舍買了去瀘沽湖的車票，來回120。在早上8:30開車，往瀘沽湖的車路真的有少些危險，要爬過幾座高山，車路有一大段的路是"按摩路"(用石頭鋪成的馬路)，用意就是使司機和乘客都坐得不舒適，而減少睡意，避免車禍。約7hrs後，即15:30，車子駛到瀘沽湖的觀景台，聽司機講那可看到瀘沽湖的全景...瀘沽湖和洱海的最大分別就係瀘沽湖湖水十分清，而且湖水十分平靜，可看到四周的倒影，當然包括在湖旁的女王山！
16:00我地正式到達湖旁的落水碼頭，我地在湖旁找了一家客棧休息，今次係有toilet的標間，70/4人，不錯的價錢呢，而且床上是有電熱毯的，可以好好的睡一覺了！到晚上我地去左摩梭民族博物館，摩梭族就是住在瀘沽湖一帶的民族。在博物館內其實是甚麼也沒有的，唯一看的就是摩梭族的舞，但我地卻冷得不想看了。。當時溫度剛好0C，但我地主要的預寒衣物都留左麗江，所以凍得手腳發硬了。。
在第二天早上，我地趕到湖邊打算看日出，但天氣不佳，都看不成了。。只好等到有食市開門，給我們弄個米線早餐吧。。食過早餐後我地就坐艇出去湖中的島(30/person)，里務比島，島上有一個寺，但更吸引的都是四周的湖景，四周的群山都結了冰，對我地無見過雪既人黎講，真的十分吸引。。

麗寧18彎咁似秋名山既髮夾彎

咁真係要認真諗諗個行程囉
係呢，LV 兄你係自己點搵個資料ga？因為我對中國地方唔多熟，唔知有無d 好網介紹呢？

多年前四月左右去麗江，扁地小黃花，靚到絕，當年沒有DC，而家有DC冇scanner，D相好寶貴。LV帶我回味當年一個背句上路的豪情，感謝

中甸海拔3千幾,
感覺如何呀
瀘沽湖有無燒食全羊食呀

大陸就玩左5年( 每年新 年去2星期左右 ).真係好懷念 ! !而最長一次流浪式就玩左 53日 ! 不過而家走唔甩好多年無出門了 !

LV兄你好.
再POST多D今次的行程,睇出眼油呀!

無(油魚)看,WHY出油???????
祈待你的行程

真係好唔好意見呀。。因為依幾日要準備開學d野。。唔多時間可以上網。。。
等我今晚食埋飯上黎post 下相先。。

好多謝大家支持！！！

Ric 兄，其實我都只係係yahoo 搵下料，用地方名searh 下，大約plan 下自己會去邊度，之後就去到雲南先問人咋。。
其實係個度d青年旅館可以問下個老闆，又或者可以問下個度d旅客，因為好多時你d同房or 隔離房d人會去過你想去既地方，佢地會有好多資料，更有可能你會搵到人同你一樣旅程，咁就可以一齊上路，多d人，方便d！！

ＴＯ：　ＬＶ
話時話自己去，　好多時都有炒閙，　合得來就會更加ＦＲＩＥＮＤ　，　唔得就朋友都無得做　！而家耐唔耐同去玩的朋友食飯，　不時都講翻以前的趣事，　個個都好懷念　！