水草情迷

梗係用24"個大缸喇，泥可鋪厚些，插草可以多些，擺景比較好些，控制水質容易些！咁咪幾好囉！不過支燈一定要夠力些，20"高！？用T5HO。其他野有待各位大大再提供俾你喇。

12"？咪講笑啦

情況如同你好飽，但係一枱都係你最想食o既甜品，你都唔知食得邊款。我個缸30"，次次行到去草店，都係要左手捉右手、右手捉左手先行返出o黎。

_________________
我ｄ缸：
30" x 14" x 22" ＋ 幾個缸仔
ex120，t5ho 39Wx4

我ｄ魚：
三間鼠+新燈+櫻桃燈+黑裙+燕子美人+黑摩利+班馬+金翅珍珠鼠+印第安鼠+紫羅蘭鼠+精靈鼠+白雲山+金三角燈+琥珀燈+紅衣夢幻旗+小鬍子+紅肚鉛筆+火焰熊貓+安瓊

一定用24吋個果啦......玩草又玩得好d.....我諗都唔係貴好多之嘛....係支燈....不過支燈真係要用t5ho or 鹵仔.....如果唔係唔夠力......24吋個擺景都易好多...

haha...唔該哂你d 意見先....
係呀..個缸好鬼高...都仲諗緊換唔換個缸好...因為個背景版而家唔係咁鍾意...
想轉only黑色.

t5ho要用幾多支呀??

有師兄建意用150W HQI.... 係咪好貴架?? ^^".....
budget有限...

如果用24"..你要用唔少錢喇.. 20"高..點都要用HQI 喇.. 如果唔係有d草會唔夠光..
個濾桶都好可能唔夠用..又要$$$
泥既話又要差唔多2百幾..
CO2..800~1000左右..
咁攪一攪3千幾蚊都要喇..

如果用12".. 水質就真係難控制好多..同埋個缸唔高可以玩既草少好多..
不過用黎玩下莫絲都好... 燈應該唔難買到同埋唔會好貴..
泥可以買ada 細既黑泥.. CO2.. DIY就得..唔肯定攪唔看得掂既都可以買用粉開果d CO2 set..用完晒送既粉之後可以用番DIY CO2既材料..
濾水器換個501加生物石/生物環就ok喇..
咁玩法唔計草最多都係500左右

其實你都可以用12"試下玩d要求無咁高既草先.. 到有d了解點玩先用個24"..

個細缸得10"高種陽草? 剪草都剪到手軟呀

_________________
我係積及

12"缸只可種d矮草,唔係剪草剪到手軟.
不過我都係30"缸唔要轉12"缸.

12"缸co2都係用樽好好多唔洗煩,一支用3-4個月有多.

依你既情況,24"應似是較佳,器材易配兼且打理較合新手。建議你買過一個新既,不過要少過20"高,扣除泥厚2"-3",約14"-16"高就較理想,唔使用鹵仔,用PL/T5HO都可種不少品種了。幫你計下數:
1.24"缸(約60L)平既$200咁上下
2.濾桶Hydor P20/Tetra EX90約$500-600
3.燈Atman PL36Wx2/AcradiaT5ho24Wx3約$300-400
4.CO2利發行1kg鋁樽約$300
5.UP牌/Tiren牌雙錶頭連電磁閥約$300-400
6.背景紙,氣喉,止逆閥,計泡器,擴散器約$100(要求唔高的話)
7.ADA Amazonian黑泥9L約$110
8.除油器,暖管,溫度計,肥料,試劑,葯水........哩D有需要先慢慢加
以上約共$2000,只是非常粗略既估計,比個概念你咁解遮!

_________________
40"x14"x16",Eheim2028x2,Mr.Aqua CO2 set,Atman PL36Wx2, AB Volcanic sand,JBL base-fertilizer,Sunon cooling fanx1(25-28C)

唉..我而家仲讀緊書...見到呢對數字都驚...
不過我會續樣買.... 我諗我會試24"先....

snowing: hqi 大約要幾多錢架?? 係呀..我都想買501 好耐了...hhehe

jacob: hehe..如果12"我諗我會種d 矮d既陽草...or 想試下養個蝦缸...

fung.fung : 我同你既意見一樣...我係一個懶人...

山坑魚: 你d 資料好有用...等我知道大約幾錢...co2 我諗住上大陸買1kg or 2kg呀...好似話平d..之後就去新基攪雙錶頭連電磁閥...係咪新基有呢d 買架??

一係去買賣區睇下有冇人放d你需要既野.

係呀.. 一樣一樣買...hehe ^^

thank you ^^

一致公認係 24" 缸較好玩的了。其實 20" 高搞得掂會好靚，中高低的層次較明顯。

只要肯放棄前景草皮和幾隻較攪的紅草，20" 高是無問題的。燈具 recommend 2x24W T5HO 和 2x36W PL, 可以先買其中一套, D 草生到咁上下再加燈。呢兩套燈具都好多人出讓，學生哥耐性搭夠，步實交易區啦。其實買鹵仔唔難， Atman MG600 我見過交易區放 $500, 但無水冷用大陸鹵仔就.... 漫漫長夏了。

24W T5HO 和 55w PL 在前景方面，迷牛仍有機種到的，安全D 就尖葉皇冠，鹿角矮珍珠，椒草和睡蓮等。後景紅草，唔好咁貪心就先試小紅梅，血心蘭等，知道光度有限制就拾易取難，種定左才遂樣新草試下，挑戰自已個缸的極限。

濾桶就平有平用，小心D的話，大陸濾桶用 2-3 年是無問題的，但唔好貪平，去間服務好小小的，頭7日高險期都有D保障。

_________________
魚樂無窮的混養缸
viewtopic.php?f=33&t=67319

我的 60 吋 Community Tank 紀錄
viewtopic.php?f=5&t=66429

JazZ Cafe - 水族主題的蒲點
viewtopic.php?f=9&t=56663

Shinningforce 問:新基係咪有錶頭賣?
答:有。不過最好打電話比事頭婆先問一問有無現貨,乜牌子(多數係Tiren/UP牌),同埋幾錢先(電話可用尋找舊文工能search"新基")。早排聽到話某造景高手開既新店,錶頭做緊特價,好似唔知係咪大約 $350到(有錯請指正),舖頭響差館個便方向,正確位置同舖頭名就唔知(我都未去過,其他師兄知就講下喇)。

_________________
40"x14"x16",Eheim2028x2,Mr.Aqua CO2 set,Atman PL36Wx2, AB Volcanic sand,JBL base-fertilizer,Sunon cooling fanx1(25-28C)