水草情迷

已看了很多舊文...但對底濾 / 濾桶的運用仍有幾個問題

大大曾講過: ""底濾的最大壞處, 就是污物會積在底部, 如果太多時, 就有機會產生有毒物質, 就會一次過反水了. 所以要定時用吸沙器去清潔底沙.""

1. 如果蝦缸 (假設 12x 12") 用 501. 咁入水位是在泥面 / 泥底 ?
2. 如入水位是泥底..係咪即係底濾 ?
3. 咁底濾駁 501 能否解決 反水問題 ?
4. 如果入水位是泥面...因為考慮到蝦 b 所以不能經常吸泥。
那物理過濾會否不足, 令蝦的便便積聚 ?

想了又想的幾個問題... 希望各大能幫幫手

先要攪清楚你所謂既出入水係乜？從缸角度睇，定從濾桶角度睇？當你由濾桶角度睇，入水即係缸出去濾桶。
你所引用既可能係舊式隔屎板加氣泵用氣動過濾。由於過濾效能差，先有大大所講既現象。
之後出現左用喉架駁頂濾/桶濾，已經解決左之前既問題。
不過如果用泥，水既流程會將d泥越啜越實，更甚係扯走埋泥既養份，所以又有人諗到用泵水去代替抽水，即係入水係泥面，出水係泥底，問題係水流好難控制，太大會好似火山口咁，太細又過濾不足。
所以一般用泥都唔會用底濾，真係要用就改用砂底。

如果12X12蝦缸, 用501接底濾板, 恐怕501好快就唔夠力。
不過小弟眼見過CO2兄個ADA 12"細缸用501接底濾舖白倉泥, 效果
相當好。

不記得在那裡看過, 說可以用
底濾板 -> 火山石 -> 粗砂 -> 泥.

小弟就係底濾板接濾桶, 上舖火山砂 -> 黑泥, 一樣種到草添喎!

感謝!
但如果長時間唔清理泥的廢物. 那又能避免反水嗎 ?
其實應該幾耐到吸下泥?
因為蝦缸或者繁殖缸頻頻吸好似對佢地都有影響

小弟開缸至今近九個月, 出水仍然非常暢順, 從缸則看到近底濾板附近泥層及火山砂
層情況, 幾乎係冇泥粉積聚, 而遠離底濾板位置就有泥粉積聚情況。
同時, 係底濾板對上及附近之泥層, 泥粒態況仍然非常良好, 睇嚟黑泥因底濾而容易
分解及愈啜愈實情況冇想像中嚴重。
黑毛藻是有的, 大概係設缸六個月時出現, 懷疑係當時落怪粉太多所致, 其後少落怪
粉, 現在黑毛已不斷減少。
此缸屬驗試性質, 實際情況, 仍待時間去驗證。