水草情迷

小弟買左6把電腦散熱風扇

跟住去鴨記配左隻牛(12A)(同風扇一樣)


但係唔知點張風扇接駁火牛--

呢個問題, 唔係難, 不過... 你知點叫"串聯"同"並聯", AC 同 DC, 仲有"正極"同"負極" 未呢 ?
你真係買左隻 "12A" 既火牛 ? 咁係幾多 "V" 輸出既呢 ?
你既電腦扇, 又係 幾多 V 同 A 既呢 ?

如果真係好唔清楚, 你最好睇多些舊文先, 唔係怕教左你, 會害左你.
先了解多一些好.

哦,我買左6把12A的電腦扇220V 跟住去鴨記配左隻牛(12A)220V

係科學堂到學左"串聯"同"並聯", AC 同 DC, 仲有"正極"同"負極"

鴨記職員叫我一定要用串聯!


因為個火牛頭同埋電腦扇頭唔同,所以我唔知點搞好...................

去黃金買個box for harddisk 有埋個火牛，直頭係電腦個種頭，乜都唔洗識，不過有竅門，就係一定要接中間兩條地綫一齊先用到，否則唔work，自己研究出來

插落電腦個牛度得唔得呀,即係搏長條線咁

搵個熟悉電路既人幫下你吧啦，咁搞法都幾危險!
慳係美德，但都要量力而為，否則好容易因少失大!!

不過都俾少少意見你啦:
應該要睇兩樣野: 電壓(V) - 電流(A)
一般應該係先配好電壓(V)，再配一個大少少電流(A)
電壓(V)一定要啱，過大會燒左個Loading，過細推唔郁。
電流(A)最好大少少，剛好隻牛會比較熱，太大短路會比較危險，過細會燒左隻牛。

例如6把12V - 0.25A既風扇:

"串聯(SERIAL)"就要 6X12V
= 72V - 0.25A既牛(如果可以的話0.3A或以上更好)，串得越多需要電壓越大。
"並聯(PARALLEL)"就要 6X0.25A
= 12V - 1.5A既牛(如果可以的話1.7A或以上更好)，並得越多需要電流越大。

"串聯"壞左是但一隻風扇全部都唔會著。
"並聯"壞左果隻就唔著果隻。

一般風扇無BUILD IN 變壓器，應該用DC的。
而且如果唔係買無殼果D一般都係DC牛。

最放便的應該係用"並聯"，因為風扇多寡唔影響電壓:
將所有風扇的"正極"(紅線)駁埋一齊，"負極"(黑線)駁埋一齊。
再將火牛的"正極"(紅線)駁到風扇的"正極"(紅線)，"負極"(黑線)駁到風扇的"負極"(黑線)。

用"辣鷄"辣少少錫線痴住，再包電線膠布。
或者可以去五金鋪買一樣叫"髻肉"(讀音JARM玉)既野(應該幾蚊一排)，不過要6條線"髻"埋一齊都幾困難...


220V - 12A 仲大食過部冷氣!!