水草情迷

一個多月前在深圳湖買左個EX90,見呢2日有D時間,終於的起心肝開個新桶用,當set好晒所有野開制pump滿水既時候,嘩! 2邊係咁標水,咁硬係即刻熄機,打後再試幾次一模一樣咁標水。唉!而家都唔知點算 。今次真係要請各位大大幫一幫我啦!萬分感謝!唉!我仲要係o係澳門住添。我睇過之前有一個post同我個case一樣,唔知o個位大大而家點呢?

落左濾材未？如果落左就抽起晒佢，試左個桶先，個別都聽過新桶真係qc問題而漏水，不過機會唔大。

以經試個啦!

試將桶上蓋膠圈 & 附近抹乾先再試水 ~

_________________
蝦蝦相簿
食獸柴房

好!我聽朝會試下。

x2

重有
濾桶裹面有空氣,都會令到個濾桶2邊係咁標水(我用cf 2400都有呢個情況)
你依家試下呢個方法,睇下得唔得
首先 熄左個濾桶,關上並拉起水閘,倒走少少水
之後打開個濾桶蓋,睇睇個濾桶入面水位,有9成滿左右就ok
濾材可以照放,之後合番個濾桶蓋
跟住係頂頭果2個出入水口度加水(最好用漏斗),
加到咁上下,輕輕搖一搖個濾桶,令入面d空氣可以走到出黎,重覆咁做幾次直到加滿成個濾桶
再插回水閘,開水閘,開著番個濾桶,睇睇有冇漏水
如果冇 但係又 抽唔到水
就按幾下吸水果個制,咁就應該冇問題ga la

再唔得都重有個更麻煩o既放法
就係準備一個水桶,將出水口放入水桶(出水口低過個缸)
照正常程序開濾桶,睇睇有冇漏水 & 運唔運作到
如果ok,之後就熄番濾桶,將個出水口放回缸再開濾桶咁就ok啦

希望幫到你
我自己就試過呢2種方法,都ok,
如果唔係都會好似你個桶咁係2邊係咁標水

Thanks TAI兄。你地真係好人,咁夜都打咁多字幫我。希望可以盡快攪番掂,唔使再煩到各位大大。唔該晒。

我今朝試過食獸兄既方法,再盡量將桶內空氣弄走。 OK喎,無再2邊標水喎,只是2邊好間唔中標2滴水出黎。 今次唔洗浪費左個桶,真係要多謝晒各位既幫忙。Thank you very much.

_________________
蝦蝦相簿
食獸柴房

間唔中標水都可以好大鑊, 最好可以再攪攪佢, 或拎去鋪頭整整/換過部...

頂...最近仲想整部返屋企擺下tim...

_________________
懶人nano草缸, 學問在其中, 亦樂在其中

個別情況遮, 我都用緊, 一d問題都冇, 好靜..

想問下係深圳買幾錢

2 n05

_________________
60x31x31cm 58L
Tetra ex60。
16W T5*3/36W PL*1。
迷你水榕,鹿角鐵皇冠,豹紋皇冠,啡溫蒂椒草,細葉黑木蕨,迷你椒草
魚:小精靈，三線豹鼠，金珍珠鼠，金小鬍子，小型紅鉛筆，紅蓮燈，正三角燈。

睇落多數係密封膠圈出左問題, 去買密封圈既店鋪配番個試試啦~~

_________________
姓草名民，尚草下民，號刁民，因體胖，又名大肥。