我就o係度分享o下我試過o既方法 la
(好似好得戚咁 XDDD)
1/. 用吸管, 見一隻吸一隻. 夜晚熄燈後隔一陣再開燈再捉. 日間開燈前要做定準備, 一開燈又捉
好處:
- 熄燈後/開燈前 d 友仔會多 d 出現, 每次收成會多 d
壞處:
- 要有恆心 (我都有 d o既.... 為o左 d 蝦蝦), 久唔久就要 repeat
- 要有耐性, 因為一開燈你就會好驚訝.... 因為有好多.....
結果:
- 當然唔掂 la.... 都不知有幾多 "呢" o係泥底/濾桶等等... 最大問題係佢地有 d 真係好細, 未必睇到/搵到. 捉唔到果 d 就繁殖再繁殖.... 死未....
2/. 用 bb 魚, d bb 魚一見到就會食
好處:
- 完全 handsfree
壞處:
- d bb 魚會 "o釘" d 蝦, 蝦 b 就唔使講 la, 就連大蝦 d "so" "fing" o下 "fing" o下果時佢地都會去"o釘". d 蝦死唔死就真係睇個天 la
結果:
- d 蝦雖然冇咩傷亡, 但係都係清唔哂. 因為 d 友仔唔行唔游水, d bb 魚係睇佢地唔到... 結果都係繁殖再繁殖....
3/. 將所有蝦撈起放住o係第2度, 然後將2包 "生坑魚" 放入去大屠殺!! (呢個我最鍾意, 因為 d 友仔實在太可惡 la! 一於大屠殺!!
) 再洗濾桶 + 換綿. 清哂 d 虫後 (我等o左4, 5 日有多, 以免有後患) d 蝦再過一過鹽水, 清埋蝦身 d 虫先放返入缸
好處:
- 可以等 d "生坑魚" 盡情開餐而不經人手
- 平! 幾蚊攪掂
壞處:
- d 蝦搬缸好有可能會引致死傷 (我試過撈起隻蝦 b, 一撈起就死ed..... 可能太脆弱 la)
- 個新地方 d 水要養/預備好, 避免用原來 d 水 (因為有 d 虫真係好細)
結果:
- 結果.... 個缸真係冇哂虫
(之後好多日都唔見....不過...... 過多一排又出現.....
)
- 我由原本 9x 隻大大小小o既蝦, 變成得返廿幾隻.... 我估好多都係因為我個 spare 缸太細而攪到 d 蝦冇地方 "呢" 而被殺.... 不過經過幾個月, 我而家 d 蝦已經有返成百, 因為 d 蝦呢排好努力造蝦 ^o^
4/. (未經測試, 考慮中
) 將所有草撈起, 然後落大量o既鹽 (當然唔好咸到連 d 蝦都頂唔順 la), 將所有虫一 Q 清袋. 再洗濾桶 + 換綿
好處:
- 有可能真係可以一 Q 清袋
壞處:
- d 水有排先可以回復原本咁樣
- 仲可能有更多意想唔到o既事...
不過講真, 就算有虫, so far 我 d 蝦o既死亡率o係近幾個月都一隻手數得哂o既
以上只係分享我o既經驗, 希望你地可以從中改良/吸取教訓, 從而諗到一個真正 work o既方法 la
唉.... 終於打完.... 打到我呢.... 又唔係打得快 wor
登入
註冊
問答集
(無奈)
