水草情迷

唔駛一起缸就去谷個缸既，咁多淋審野都唔會有幫助，一個攪唔好，反效果重大。
唔駛用新水劑，幾蚊雞買個漱口盅同個6"既盤仔，個缸唔大，行多幾次就可以倒走1/4水，大盤留翻黎養水。
唔駛落菌，個缸順左自然會生菌，額外添加，冇食物菌都死，祗會多菌膜。
唔駛落活性碳，活性碳要慢水流先吸到野，水流大依頭吸個頭沖翻出黎，耐左重會反吐，除非你加個細水流既濾桶專門比活性碳用，唔係落都冇用，尤其是吸沉木色，沉木d色係慢慢咁滲出黎，係要時間。
忘記所有額外既野，忘記d色水，草照插、魚照加，咁就係最快令到個缸成熟既方法。