水草情迷

今個星期二一心落去支持下, 用了$31才買了個"UP"CO2 Atomizer玩吓, 回家一試之吓發現好似好困難令它出到氣, 並且的波波好大粒咁係表面(如圖一), 不到三分鐘連塊白色片都"BO"一聲飛了出來!!

咁今個星期五行開太古所以拿去問吓, 有個肥哥哥Sales招呼我, 咁我向他講完個情況後對答如下:

肥: 你返去用啲漂水浸吓就無事啦!
我: 新買返來都要去浸漂白水? 係咪這一隻有問題呀, 定係隻隻都係咁?? 你可試吓我個隻, 然後試吓你地嗰啲睇吓得唔得, 我可唔可以加錢換另外啲牌子??

咁肥哥哥正在想想怎處理之際, 忽然有位好以張達明咁樣嘅Sales走過嚟問我, 對答如下:

張: 你有無單呀? 係咪係嚟一間鋪買呀?? 係咪要退錢呀?? 無得退咖!!
我: 無單. 因為你開了張單比我去收銀處比錢, 然後我比返你地先取得件貨, 所以我比了張單你地!! 我係嚟一間鋪買嘅, 不過水族廣場間間鋪都係你地開.
張: 咁無單無得換, 如果試到係咁, 係件產品質數差咁更加無得換!! 我地無得試!!

我聽完之後火都嚟!!

我: 你地有無經理??
張: 無.
我: 你可Check返枱面啲手寫單, 並且個盒都有你地啲價錢牌(如圖二), 如果係咁你要同而家睇嘢啲客講無單無得換咖, 啲產品質數差都無得換無得試先得.............件貨有問題你都係退返比代理................件嘢氣都出唔到買嚟做乜!!
張: 換比你呢就係人情, 如果係件產品質數咁差我地都無得換.
我: 咁你地唔使試啦(叫住肥哥哥), 比返件嘢我.

最後肥哥哥Sales試了我那個真的有這情況出現, 再試一個得嘅給我. 本想要求加錢換另外啲牌子, 一想到個Sales話產品質數差我地都無得換, 容乜易又中招又要比多幾蚊

試吓較細啲氣吖！

咁我都分享下啦

係唔係落左escalator第一間,如果係,咁我就知邊個似係張達明個位sales,好似係senior staff

上次我想買CO2 set,睇到up牌單標頭加電池閥,佢就係當日sell我個位,都幾客氣,落足嘴頭

我問聽人講雙標頭好似好d,有減壓作用
佢就話,lee款都有ga,雙標頭咁大舊,唔岩d細樽ga (0.5kg)
佢又話個個up牌單頭係tailor made for aquarium use

anyway,佢計成set, 要差不多一千蚊

最終我都冇買,買左二手

其實真係唔太知up牌o ng ok

講到sales既services attitude,基本上都算係咁,雖然十問八唔識
撈魚雞手鴨腳,扎魚袋唔夠實等... 仲之一句講曬暫時睇住高達先,等佢地run多一陣子先再去

無錯就係落左escalator左手面第一間. 原來係senior staff嚟, 唔怪得之肥哥哥試試吓都停了手要睇他頭!! 希望他睇到這編文章, 改善吓的服務及說話技考!! 另外我都係用UP 雙表頭接500g細樽, 用左成年都無事. 所以咪試吓UP CO2細化器咯!! 可能第一次那個細化器係萬中無一都比我撰中啦. 好啦ICD! 今晚返去試吓較細啲氣, 但而家個計波器都係一秒兩個波, 不到三分鐘塊白色片就飛出來了.

同情你遭遇
如果連service都無好過魚街
實在唔知仲去水族廣場做乜

唉....我都中過招啦..
我諗住去買 set 新魚缸，聽佢話有85折，又話已經計到好平啦...(但都好貴)
一埋單結果用咗$39xx(我覺得有D搵笨)，但原來 FS 唔洗講價都唔洗 $3000，，所以我以後都唔會到.. 超搵笨，傻仔做一次已經好夠，唔好有第二次，要怪就只可怪自己冇計清楚...中咗招

_________________
我係一個鯛民

感覺水族廣場 d staff 又唔 Pro..
又無禮貌~~ D 野又貴...
真係無乜野好..
最好就係佢可以俾人影相... 當旅行其中一個景店就 OK...
去買野.... 怕怕....

上次去水族廣場想買co2 set 點知真係貴到買唔落手........千幾蚊先得一套
係新基定利發行買都係750蚊 明呃水

水族廣場係啱d新丁去買，買貴咗自自然然會精明d..
這是不變的定理..

_________________
我係一個鯛民

去過一次，得過大字，冇料到。
唔明白佢老細投資咁大，點會攪到禁失敗。
除非要尼洗黑錢，如果唔係我睇一年半載玩完。

我都好同情你遭遇.我都曾經接觸過的sales都有同感,你問他不如自己睇吓說明書重好.我曾經係魚街買了啲嘢唔合用都可以換,便何況工能唔得.好似魚街唔見有這隻嘢賣?睇怕都係入錯貨.

我係魚街買了一條鯛魚,過了一日死了,同老細講,佢俾個條新的我,
這才是物超所值

咁正, 老細同你梗係老死嚟, 死咗都有得翻生:c , 邊間咁好有售後服務?

_________________
(喜歡站在咸淡水交界)
謀事在人, 成事在天; 不懈努力, 輝煌人生!


草缸: 24"x10"x14"
蝦缸: 16''x10"x12"
底泥: ADA
石材: 火山石
燈管: T5HO (6500K) 24Wx2
開燈: 9 Hrs
過濾: Atman CF-1000 x2
水冷: 海利 HC-150A 24度C
CO2: UP 1L + A151雙錶(2泡/秒)
pH: 6.5~6.8(pH Controller)
草蝦缸水冷串聯共用
氣泡式除油器

我的新缸新設備都係水x廣場買的...無錯個度好多sales 都唔係好pro ...但average 黎講service 一定好過魚街好多...起碼唔會郁d就黑面..言語單打..依個都係我唔係咁中意去魚街既原因..因為我覺得比錢仲咩要受氣...

水x廣場 有d sales 都好pro 同好好人...

價錢都算合理呀
24"日本缸 $224*0.9 = 201
wilsome m30 $336*0.85 = 285.6
atman pl 2x 36w 294*0.85 = 250
ada 9l 黑泥 140*0.9 = 126

個sales 見得閒仲 連個 m30和atman 燈 都幫我"齊"好埋tim~!! 攪左成粒鍾..
都係個句...比錢既話..要我受氣勢係假!!

我都試過買左對魚返去有D問題,負責人都主動話可以換過對比我
另有2個朋友仔係第2度買都係有D問題,另一間負責人都肯換丫
魚街真係唔錯,雖然我未去過水族廣場,但睇完咁多負面評價
買野唔會去果度,返魚街好D
又雖然買硬件比人滾左好多次XD