水草情迷

今日想去買部 SmartPhone...
睇緊幾個唔同o既 model....
問豐澤個售貨員, 佢話 $4000 - $6000 蚊o既手機,
可以加 $498 延長保養期至三年,
三年入面仲要係跌爛同入水都會整....

計法係:
例如買 O2 Atom Executive $5880 + $498,
然後就會有 $5880 o既維修 budget....
嚮三年入面, 每次維修, 就會嚮果 $5880 o既 budget 入面扣... 自至用完為止....
如果維修唔到, 豐澤會換過部 (當然維修 budget 即刻用晒)
如果同款 model 無晒貨同唔再出, 可以換其他 model...

跟住我問佢 "咁我第三年部機入水, 整唔番, 係唔係即係用左三年之後, 可以換部 $5880 o既新手機"
果個售貨員話係 "當然你要表示部機係意外入水, 雖然豐澤無人會核實係唔係意外"
我諗... 如果我部機用到三年, 是但有 d 野壞整唔番, 拎去換, 應該唔會仲有三年前o既 model 換俾我...
我換第二個 model, 咁我咪好著數??

各位有無試過呢個保養計劃?
有朋友話豐澤o既保養係自己做番, 做得好屎... 有無人拎野去豐澤維修過?

謝!!!

可以諗諗喎~
就算三年後仲有用緊的model,全新咁賣返出去都值錢d
不過依家好少人用機會用到三年...

係揾笨嘅，當年小弟買部sony dc 三千銀 得400萬象，又係俾多300幾作所謂延長保養，三年後今日買部二手400萬象咪又係幾百？講真d機有幾可壞？白白俾多一成錢呀

_________________
閒來養魚種草樂；悠哉生活過一天

壞到無得整0既機會係好難
你要記住 ... 部機上到修理部,佢一句話你係人為就係咁先
真係加幾百蚊就咁著數一定唔會係你先諗倒啦

如果入水都會整... 係真o既話
點分人唔人為?

入水就係人為啦
保養還保養
唔同保險,保險係包任何意外
保養係出左事先去修理,修理無可能唔洗錢
入水佢係同你整呀,修理費用都係照扣數
整幾多係佢地開
之前有報紙有人投訴過又係話得之後又唔得果D衰野架啦
我無研究啦,因為我唔會係豐澤買野,因為豐澤唔識人無著數

我試過這保用計劃，在三年前買了部casio三百萬像相機當時機價$2XXX加了300元延長保養三年，當初只當買個保險，怎知最近該部相機壞了，打去豐澤保養部問因未過保養期(還有一個月)
他叫我自己拎去修理後比番張單佢即刻有錢過數(整了$1500)，其實都幾抵。

P.S 我都用緊O2但不是最新版, 覺得幾好用, 但最大缺点是电話响聽不清楚, 很容易miss call

[quote="dakkilee"]我試過這保用計劃，在三年前買了部casio三百萬像相機當時機價$2XXX加了300元延長保養三年，當初只當買個保險，怎知最近該部相機壞了，打去豐澤保養部問因未過保養期(還有一個月)
他叫我自己拎去修理後比番張單佢即刻有錢過數(整了$1500)，其實都幾抵。

P.S 我都用緊O2但不是最新版, 覺得幾好用, 但最大缺

相似的計劃，我係英國生活果陣都見過．
我有朋友ｊｏｉｎ左計劃後話俾人偷左手機（當然講緊大話），
佢地真係賠番一部新的俾我朋友，
結果我朋友拎左部機番來香港賣．

JMS 我想問下你朋友所買計劃係咪唔駛証明部機比人偷左架?
如果唔係咪可以任擰= =正常佢都唔會再搞掛

其實呢個計劃o既原理係 => 保險...
幫部手機買保險~~我今日幫襯左... hp 6828
我叫個 sales 嚮張單上面寫左"包入水"....

我估 JMS 朋友的個案同旅行保險差唔多...
如有損壞... 戴番條屍, 可以賠償~~
如有遺失... 要報案... 有報案紙... 都可賠償...
當然如果俾佢查到你講大話.... 保險公司有權報警~~

我上次都買左部w810i 用左1個星期跌壞左 (跌左落馬路散哂)
跟住擰返條"屍"去...都有得賠 如果你係大意既人係絕對絕對買得過

原來真係咁著數,咁去買部幾萬蚊DSLR加幾百數,玩幾年停左產整壞佢如果無得整就換新型號
咁就底啦,係唔係咁?
如果真係咁唔好講幾百,我比夠幾千都肯呀

俾人偷左, 有d咩可以證明 ???... 只有報警.
拎住報案的記錄就可以拎新機了.
間公司咪係Vodafone囉.
可能英國d死鬼佬自律掛, 又可能佢個plan貴番少少,
博下唔會太多人咁做, 拉上補下, 有得做吧.

仲有1個好...就係可以換機 佢話用三頭幾個月就可以返去搵佢換返部同價既機...唔知係咪真啦 不過多數都係架啦......
如果係既話＠＠　咁咪好正．．