水草情迷

喺書同網上睇倒啲大師嘅水草境，特別係和風嗰啲，讚嘆完草正境靚水清兼無藻之後，就留意到個個缸都魚少，品種更少。草境缸嘛，咁梗係以草為主，估佢哋啲魚都係用嚟輔助下個境，强調返個主題；呢個我明。不過好似我呢啲喺呢方面亳無定力，又花心嘅人，又點忍得手好似嗰啲靚境咁，放一百條琥珀燈落缸就算吖；於是問題就出喺呢度嘞。印度梵文諺語好似有句係咁嘅：貪婪與愚蠢常常伴隨出現。
喺第一輪同泥一齊買嘅魚香得七七八八嗰時，增經清醒過一陣嘅。知道要保持乜乜鹽含量低就即係要少魚啦，仲有啲又酸又軟嘅水，唔係有鰭嘅都啱架嘛。於是乎咪加番碴平平哋嘅金燈囉，群游都幾好睇。平安無事一星期(單指魚唔計綠豆湯)，癮起，鬼掹腳又去咗魚街(下省五十字)。番到屋企(又下省五十字)。過幾日有人問我：呢啲神仙魚同一袋袋嗰啲有乜唔同啫？咪又係一間間黑色。如果眼神可以殺人，嗰個問嗰個問題嘅人喺嗰秒鐘就一定死咗！記得喺「水草情迷」見過呢個問題「ADA缸同普通缸有乜分別」，唔…對缸入面嘅嘢全無分別，對缸外面嘅人，準確啲講，對缸外面某部份人嘅心癮就分別好大。點解香港小姐唔係個個都係第一名，但個個都係女人。物本如一，係

_________________
花,鳥,草,魚,貓,龜

努力努力終有一日你會魚草兼得

_________________
寶劍鋒從磨礪出，梅花香自苦寒來

而家已經可以魚草兼得，兩頭住家~ 大婆與二奶：一缸草、一缸魚

小弟直頭試過魚與熊掌再加鮑魚，草缸養魚重要加埋蝦，死未？冇法，開得缸實會有呢d情況！

_________________
閒來養魚種草樂；悠哉生活過一天

而家個夢想(真係夢想而矣)係個大啲嘅缸，有番啲空間彼啲魚；不過錢同嗰一打插蘇都令人卻步。開多個缸就想都唔敢想，二奶一個已夠頭痕(唔係痛，係痕)。

_________________
花,鳥,草,魚,貓,龜