水草情迷

媽媽不比我養草養草! 因話電費多 話過濾一日開24小時--"
真係好慘--"去左E個網成2個月到 睇到敢多勁人的草缸當到非常道忌--" (有得睇冇得食__)

你搵日同你媽咪坐低慢慢解釋俾佢聽啦... ...其實電費唔係太多
以一個p10為例 10w
10(w)/1000 x 24(h) x 30 (day) x 2 (m) x0.86=12$左右
即係一張兩個月既電費單 只不過有十幾蚊來自個過濾器 平時慳d就已經補晒數

你應該搵日同你媽咪去魚街行下.....比佢睇下d做境缸幾靚....然後就話美化家居多d生氣麻

我都係用呢招..e+我老豆重叫我開多個海水缸..不過玩草都吾點重玩海水= =

正係草缸 燈/過濾/暖X/ 4樣野 最普通 一個月要幾多錢?正係養草到

你地真好--"不是富家子弟 真係好慘 之前試過養豬仔--"搬左家 媽媽就唔比養--"

香港地真係好多物質引誘，比你開得個缸可能又覺得單調，又要加左加右，條數真係有排計。
環境唔許可咪遲d先囉，唔好下下同富家子弟比，香港大把快樂既窮人。
開唔開心，睇你識唔識諗。
我都做人老豆，你開唔到個缸，你阿媽仲唔開心過你，生性d啦。

貴有貴玩,平有平玩,開少日冷氣d電費都係邊到

讀好書,大個識賺錢,自己想養咩都得

有時你唔係0個個位你又唔理解個情況, 好似鏍絲兄咁講, 有頭髮都唔想做辣哩喇, 可能屋企真係負擔唔起, 你媽咪先唔比你玩遮, 個個阿媽都想自己仔女開心架喇, 你唔開心, 可能佢都成日計住度住, 可唔可以負擔個缸比你架喇...可能真係唔得, 咁你都要生性至得架, 明白個處境喇...你而家仲細遮, 咪大d先玩囉, 草呢d野, 又唔會遲d冇得玩既...等你第時自己搵錢時咪自己買囉, 係咪? 唔駛唔開心既, 唔通見人有車, 又要車, 見人有樓又要樓咩?! 想要都係要靠自己架喇...

對. 可能呢位朋友仲細, 唔識諗吧.
當慢慢成長, 就會明白咩都要靠自己賺返來.

正確

從小開始培養從別人立場去思考,你媽媽讓你看這個網站,相信她都希望你先學到水族方面的知識,到家庭狀況許可時,你就一定能夠一展所長,站於媽媽的立場....想一想.....

_________________
寶劍鋒從磨礪出，梅花香自苦寒來

同意 明白晒 多謝訓示

愚子可教 也:-n05 有前途

如果真係電費問題，不妨做下功課，計清楚每月的電量，向家人解釋一下，如果家人維持原來的決定，你便需學習一下體諒家人的決定。但如果澄清電用量後他們認為可以接受，我們恭喜你了。

至於計算用電量，有以下 tips:

以一個 24"長約 100L 水的草缸計算：

燈: 120W x 每天 8 小時 (以 2x36W PL + 2x24W T5HO, or 5x24W T5HO 計，照計實夠光了)
過濾: 約 40W x 每天 24 小時
暖管: 100W x 每年 4 個月 x 每天 8 小時 (24小時長開但發熱線運作應小於 1/3)

合共多小錢你自已計啦

_________________
魚樂無窮的混養缸
viewtopic.php?f=33&t=67319

我的 60 吋 Community Tank 紀錄
viewtopic.php?f=5&t=66429

JazZ Cafe - 水族主題的蒲點
viewtopic.php?f=9&t=56663