水草情迷

自從6月初開始養魚,我周不時都行下魚街,因為有好多野睇..
有魚,有龜,有鸚鵡,有貓狗,仲有好多其他不同的寵物。

昨天行左上一間賣鬥魚的店睇，我覺得鬥魚好搞笑，連指下佢都唔得，因為一指住佢佢就會發嬲d魚鰭豎起晒，真係好惡。
呢間店有成排鬥魚用膠樽裝住，有一個男人很細心在挑選。
我問我朋友：「揀鬥魚係咪要逐條對下，睇下邊條會羸先買？」
朋友剛好答左係之後，只見這名男人露出一個不以為然的笑容，輕描淡寫地說：「不用逐條對架，可以憑肉眼睇得出佢個種好唔好打架」
佢明顯係一個鬥魚迷，因為我覺得果度10幾條鬥魚，條條都係一樣，都唔知點憑肉眼。佢又問我地有沒玩鬥魚，我地當然係無啦。
後來我問佢點玩，佢就話佢地會將2條魚放埋一起3個鐘，打到死為止，最後2條無死就係和，所以幾百蚊一條的鬥魚，只可以用一次。
我即時覺得,(1)打3個鐘,好倦架喎,有d殘忍,(2)賣鬥魚都幾好喎,鬥完一次又要再來幫趁
後來，原來我同朋友都覺得，呢個男人個樣好強悍，有d軍人feel。

_________________
在２００６年６月１日開始迷魚,水草
最愛是鯛魚/孔雀/小精靈
12"X7"X9"缸+EDEN 501+ADA泥+火山石2舊+500g CO2+18w PL 白燈+diy 0.6A 風扇+各種陽草

咁殘忍....
而家d鬥魚是用黎展示的....唔係用黎打鬥的

哈...兒時已經玩嘅打彩...
豹虎,打蟀,打彩,年過35嘅應玩過,如住圍村嘅什至打狗,鬥雞都有...
人嘅根性就係咁...為咗爭1日之長短,威,出風頭,金錢,名利,乜都做得出...

_________________

鬥魚冇用黎打好耐啦, 而家係用黎睇架!!!! 相信條『軍佬』可能呢埋嚮山窿十幾廿年 ...

呢條友如果嚮情迷/展鬥天地出Post, 一定俾人鏟上天花板 ..... 但當然, 上網呢D咁文明既行為, 果條『軍佬』應該唔識 .....

我諗佢應該有一班志同道合的朋友呢,佢地玩係唔公開架,而且佢樣子看起來有一種很滿足於鬥魚贏了的勝利感,定自豪感呢?其實,我都好想見識下佢地點鬥..
不過真的覺得,可唔可以在唔傷害魚的情況下進行呢,比佢地隔住玻璃兇下都應該分到輸贏吧?..咁靚既魚打到殘晒..佢話打完一次就算贏左都唔用得的了..

_________________
在２００６年６月１日開始迷魚,水草
最愛是鯛魚/孔雀/小精靈
12"X7"X9"缸+EDEN 501+ADA泥+火山石2舊+500g CO2+18w PL 白燈+diy 0.6A 風扇+各種陽草

..

通常打到對手落荒而逃就win,分開條魚留番下次報仇雪恨

_________________

x3

唔係啊~~~三個鐘!?咁佢果d唔夠勁囉

_________________
寶劍鋒從磨礪出，梅花香自苦寒來

有冇小小覺得俾個"軍人碌""老點"

_________________
養緊鯛、養緊酋長、學緊養鯛、學緊養酋長；日日學、點解學極都學唔完！

水族圖庫

可能仲有人不公開玩鬥魚賭錢都唔定既。

[quote="Old Gold Fish"]有冇小小覺得俾個"軍人碌""老點"

冇睇新聞咩？旺角馬伕最鍾意玩鬥魚對賭 魚街有間餐廳逢周六都有鬥魚大賽，重試過俾差佬掃場好似

_________________
閒來養魚種草樂；悠哉生活過一天

玩鬥魚對賭,香港國內都有大把~~~

_________________
寶劍鋒從磨礪出，梅花香自苦寒來

至樓上某幾位:

從古至今鬥魚都是用來賭博的工具之一，現在香港及內地這種賭博玩意不是合法，所以不會大肆公開。但一直有人進行...
現在用來觀賞的叫展鬥(展示型鬥魚)，跟用來打的那些不同。小v說的那上樓店這兩種鬥魚也有售，那位店員說的全為事實及專業。
對某事情不認識就去取笑別人??反過來只有自暴其短吧。

_________________