水草情迷

見到 D 生物環有好多唔同牌子，價錢由 $25 - $200 一個 L。

究竟效果分別係咪噤大？？ 係咪物有所值？

各位魚友又用緊邊種生物環？

幾錢一 L??

我都有疑惑，可能貴野真係會好好多。
有無高手可以講解下，平貴的效果如何?

我BUY環個日係某一間鋪頭見到有一個sale 同個客講：
客：「點解差咁遠(價錢320蚊 對 50蚊)？」
sale：「一隻係纖維，一隻係陶瓷」
客：「有咩分別？」
sale：「你想濾得好就一定要用玻璃纖維，陶瓷環養唔到菌架！」
客：「唔係表面粗糙、密孔，啲菌就可以生啦咩？隻陶瓷環又唔係光滑，點會養唔到菌？」
sale：「無纖維環養得咁好，陶瓷環水流大啲就會沖走啲菌」
：
：
：
客：「買一盒試下.....」


而我就當然係買平貨啦
我buy左BG 環
M size
1 L
50蚊
18吋缸 501 plus (我加左桶同pump)
setup好等左3日...就開始見效~

而家有1條7吋的九角龍、4條5吋銀/虎鯊、1條4吋豹斑、重有3條虎紋琵琶、
兩條白鼠、兩條飛狐.......其他的重有過百條活生生的魚糧。

都幾好呀，而家個缸密密麻麻，但啲水非常清！！！
又無濁或者漿的感覺、又無咩味、最緊要係清呀麻~

_________________
岩岩轉左一米缸
都係太細... ...點算呢????

當然有一分錢一分貨囉.
貴既咪PH囉
價錢同質素既中間位就MA

_________________
放棄櫻桃

MA係最底玩最穩陣牌子之一

我都係ma既fans~~~

我仲用緊o的 cheap 野呀 ... $30/L .... 仲要放落潛瀘度 ... 得十粒八粒 .... 加埋生物棉,
水都好清, 頭幾日就好清 ... 開缸已經半年 ... 都ok呀 ...
仲未知平貴實際效用 ....

arya... 出錯post....
明明唔係答哩個 唔知做乜去佐哩個thread... r 頭...

用唔同生物環真係有唔同效果??
咁真係要聽o下你地意見

但三日有效果會唔會誇佐一d???
養菌唔係一般都要廿日左右咩 ???

跟濾桶有濾才送 之前無諗過要換....

我本來都用生物環，不過無啦啦屎忽痕一次過換晒做生物石，又唔錯喎！

_________________
CJN 的草缸

生物石可以用幾耐架
我都係ma fans

無誇ge...因為我係換大缸，要加多啲環，新搭舊之麻~
有舊野係快好多ga.....

同生物環一樣，都係用黎養菌，並非化學

_________________
CJN 的草缸

MA 幾好 但唔算平

_________________
My CRS Blog!
Passion For CRS

看看別人以下分析：
http://mt.freebsd.org.hk/archives/000011.html

用Dazs啦! 個賣相幾好吖! 小弟都用緊!

咁邊隻又平又抵？