水草情迷

收到, 收到, tks!! 放心啦, 我而家換了個新濾涌, 將2個蝦缸死淨的集中一個缸養, 如果成功生蝦b的話, 我就會升級36吋, 當然希望好似你, 養倒靚蝦啦..

咁快中毒換大蝦缸?
36吋,幾多L水呢?泥+燈+2隻濾桶再加隻CL650水冷,開心死

唔好諗開咁大個缸住,先搞掂當前問題,再掌握好先,到時你會了解到36吋缸養蝦唔一定係好事

我地係要quality唔係quantity

_________________
寶劍鋒從磨礪出，梅花香自苦寒來

我都選擇用兩個17.5" 唔玩36" 希望可以挑蝦upgrade
希望啲蝦可以好似幾位師兄咁靚就好喇

_________________
我係積及

大缸有個好處,管理得一個,煩惱得一個,水質超穩定不過太多水如果做風冷就煩D,如果買水冷要買隻大D
不過經驗所得大缸多水,水質超穩定,高溫都無咁易死
但D水一出事就煩,翻缸時D蝦仔都唔知搬去邊

蝦米兄: 蝦毒一早重啦, 重越來越深添. 都係拜你d蝦所賜啦. 哈哈

蝦仔兄: 我是要求自己散到蝦b, 一切穏定, 才會買大缸, 況且我想開個大缸, 是種草和養蝦. 所以下一步打萛是 一缸細缸養蝦, 另一細缸養草, 再專注吸收經驗....諗起都開心.

大缸睇水量為先
玩盡D,魚街有日本牌子現成缸 36X18X18有 188L水

蝦米大皇, 哈哈!!又幾盡wor. 到時我會訂做一個柜, 放係廳度..

jacob兄~~~小弟好喜歡你個settup~~~正

_________________
寶劍鋒從磨礪出，梅花香自苦寒來

咁大果個就做草缸,細果個就做蝦缸,要挑走果d蝦就放落草缸,種蝦就細果個缸會好d

_________________
寶劍鋒從磨礪出，梅花香自苦寒來

哈哈!tks!
兩個細缸, 一個用p10(水質會好d,用來養蝦),,,,而另一個用501 + 掛濾(200升)用來養草....點體呢..

宜加個細缸水量幾多?蝦數量又有多少?

_________________
寶劍鋒從磨礪出，梅花香自苦寒來

一個用p10(水質會好d,用來養蝦): 8升水, 13-15隻蝦

個P10應該可以應付到嫁喇,如果可以的話又有時間又想搵D野搞吓,我建議加多個掛濾,再放白棉及其他濾材係裡面,當你想知蝦缸污唔污"JOE",你可以CHECK吓D白棉,如果仲係白白淨又唔係太污"JOE"的話,咁可以唔洗理佢,因為咁樣顯示左你缸中的微粒唔多,但係如果白棉勁污"JOE"啡啡黑黑,咁~顯示你個缸中微粒(或屎屎)增多,又或且係好耐無洗棉,如果日日都係咁的話,你就要開始小心打理D水喇~~

白棉加掛濾係呢個時間係有效率D,因為佢可以直接濾走D多餘微粒(或屎屎),只要你經常沖洗就會有好好效果,另外用上掛濾加白棉做評估~~咁可以唔洗成日攞D試劑去試(例如NO3)水,因為真係好煩,如果你日日都見到D棉勁污"JOE"的話,咁好明顯你個桶負荷唔泥,咁就要諗諗加桶或減少缸中蝦隻數量,ANYWAY,個掛濾同白棉真係可以幫到你,令你知道缸中有幾多多餘物係個桶handle唔泥的.

我宜加一個缸都用緊兩個桶,但都仲用緊掛濾,因為可以比我更了解缸中情況,需間中有CHECK NO3等的數席,但老實講,真係只作參考

不過呢個做法只係小弟個人經驗,只係希望分享吓

_________________
寶劍鋒從磨礪出，梅花香自苦寒來

ShrimpTheLittle,
掛濾加白棉e 個方法好好啊....可以容易監察、又方便清洗

_________________
我係積及