水草情迷

fssunny:吾好意思，因回來後工作煩重及資料整理需時，同埋我打字較慢，所以要各位看官久候。

溜索奇藝坊：
離開獻九當後，走不久便遇上一條爛橋，背夫叮囑每次只能行一人，背夫過完後便到我們，由於木板已嚴重霉爛，每一步都要加倍小心，還要避開無數破洞才能戰戰兢兢地前進。過橋後，原本的小路已成一堆亂石，山坡也給削開似的，原來這邊也正興建起公路來，似乎在開發大西北的旗幟下，受保護的獨龍江也不能獨善其身了！走過亂石堆到了一個叫龍山村的小村落，這裡還保留一條完好的溜索—溜索是怒江和獨龍江千百年來兩岸的運輸要脈；單靠一條鋼索（以前是用滕織的）及滑輪，就能把人或貨物簡單快速地送過對岸。同時太巧合地就有位小女孩正準備過溜索，眾人二話不說屏息靜氣拿好相機DV機，只見她嫻熟地將繩子纏好身體及貨物，加上自備的滑輪，鬆容不迫面不改容便往洶湧江水上飛翔，向對岸滑去，看得我們心跳幾乎也靜止，待她順利到了對岸才鬆一口氣！對她像是很稀疏平常事，在我們眼裡卻像亡命表演一樣....可惜我們沒有滑輪，隊長也躍躍欲試呢！

終於遇上她：
走到6:30pm左右，便到了今日目的地"龍元"。背夫安排我們住進一所廢置了的鄉公所。之後便招待我們到一獨龍人的正宗高腳屋喝茶，屋裡有一個火塘正煮著開水，火塘上有一木架作薰肉用。一張矮桌及幾張小木凳，週圍放滿煮食用具，屋頂放了柴木備用。因為屋被架高，下面便可飼養一些雞及豬。這屋只用作煮食用，因是密封無窗，關門後除了火塘的星火外便漆黑一片，屋主是位中年婦人及一位老人家，老人家坐在火塘邊燴著土豆款待我們，隊長突然雙眼發光般緊盯著她，不得了！！！不得了！！！不得了！！！微弱的火光隱隱映照到她面上的剌青，不得了！！！不得了！！！不得了！！！是我們這次旅程的終極目的，紋面女呀！呀！呀！呀！呀！呀！呀！呀！我們強裝冷靜故作平常，心中盤算要如何找緊機會給她拍照。可惜當她招待完我們便揚長而去，外面亦開始入黑不利拍照，為免打草驚蛇，還是留待明早再算！趁不算太冷，我們便到貯水箱洗頭抹身，整理好後中年婦人亦煮好了晚飯，（是一盤臘肉韭菜土豆）及喝了些她們自釀的酒（孖蒸味）。而兩位年輕背夫亦買了一隻雞回來宰好明天吃！

獨龍走地雞：
先將雞宰好，斬件，將鑊燒紅。加油，放花椒爆香，再將雞件連內藏落鑊，炒兩下，加水浸過雞，放鹽。之後.........所有人離開，只剩我和隊長睇火加柴？？良久，一背夫回來將整鑊雞倒進面盤中再放入碗櫃中，明天翻熱便可以吃。

下回送上紋面女特寫

欲知後事如何...且聽下回分解...

_________________
凡事包容，凡事相信，凡事盼望，凡事忍耐；愛是永不止息。 ------ 哥林多前書13:7-8

獨龍走地雞：
先將雞宰好，斬件，將鑊燒紅。加油，放花椒爆香，再將雞件連內藏落鑊，炒兩下，加水浸過雞，放鹽。之後.........所有人離開，只剩我和隊長睇火加柴？？良久，一背夫回來將整鑊雞倒進面盤中再放入碗櫃中，明天翻熱便可以吃。

無雪櫃的日子 ...記得細個返鄉下過暑假,炆猪肉都係放入櫃中留待明日食,入味啲架
係呢,半人魚兄你team人返到黎仲有無食土豆呢?係咪高原啲土豆好味啲呢 (無農藥有機耕種)

_________________

o係台灣出書囉,可能唔使蝕o既.

千万不要误会，绝对不是这个意思。
你的“连载”已成我每天的必备“节目”了。
非常感谢鱼人兄给我门带来如此详细且图文并茂的分享

小二哥：慘啦！今朝發現本筆記留左係公司，要搭車番去取回

FORLOS:係呀，都幾入味架！那裡的土豆很細，好似珍寶珠咁，佢地多數當小食招呼客人！而家我仲好懷念

wahnui:寫得吾好，都係要蝕......

fssunny:承蒙錯愛，定當全力以赴

見到個d橋我都 想像緊你地team人過橋....
突然又諗起<剛果驚魂>呢套戲...
真係...恐怖....你話如果俾我...明知唔係玩玩下..
無野保証你安全..都好難會行出第一步過呢條橋....
寧願跳樓都唔跌落下面條河
仲有..
你地係黑忟忟既屋裡面見到...紋面女....就會覺得好興奮...
但..如果俾係我...我會好...嚇親囉....
果然...真係勁...好羨慕你地team人既勇氣....讚

_________________
[img width=256 height=192]http://cdn-channels.netscape.com/gallery/i/t/tornadoes/lg1.jpg[/img]
天氣變得咁惡劣..全球天氣既變化..!

係咪想話俾我地知..就黎上演明日之後?

那裡的土豆很細，好似珍寶珠咁，佢地多數當小食招呼客人！而家我仲好懷念

有一種細粒嘅茨仔叫做新茨(new potato)皮薄,肉帶白色,燒就最好食

_________________

cae688:吾使驚....到時無得你揀就會過到架啦！
紋面女勁好人，既是一張善良的臉，又點會嚇親呢

FORLOS:邊度有得試？

20-5-06 密雲，間中有陽光
龍元》迪政當》雄當
無言感激：
今朝一早就被背夫叫醒，可能他們等著吃雞？昨晚又成了惡蝨的大餐，痕癢難擋！梳洗後雞已翻熱。每人先來一碗汁當湯喝，（從來沒有想像過會喝"送"汁，仲要一大碗杰撻撻....)吾怪得下這麼多水去煮，不過又出奇地好味，大家係屋企不妨一試！當然又要來一輪掠奪，老實講.....真係吾夠食！(阿...隊長...下次買多隻啦！$12∕兩）
飯後首要任務當然是找紋面婆婆拍照，開始時只是用長鏡捕捉她工作時的神情，但這並非最佳辦法。時間無多，厚著面皮上前指手畫腳，（她只懂獨龍語）示意可否拍個照，意想不到她如此大方有禮，還笑容可鞠地讓我們輪流合照，被我們弄得團團轉也樂此不疲，如此順利地進行拍攝，真令我們感激不盡...之前所受的艱苦亦是值得的！

紋面大法：
獨龍江山上有一種藤蔓植物，叫"芒"。待它長成有一個人的高度時，榨取它的汁液，再加上火塘的灰燼調配備用；少女洗好臉後，用竹簽沾上煙灰勾畫好圖案，再用小木棍敲打荊棘的硬剌戳破臉皮，再用之前調好的汁液，反覆塗在剌孔上，使其滲進皮層；待幾天結疤癒後，便成了終生不滅的紋面剌青了，而紋面多數是以蝴蝶圖案為藍本的。

睇到前一頁 - " 過河篇 " ，
開始有睇緊 史匹堡 d 戲o既感覺

_________________
蝦蝦相簿
食獸柴房

照紋面族既紋面方法...
咪可以免費紋身囉...
不過睇到紋面女張相....
唔知點解..我覺得好核突..可能因為我本身都好怕見到d密麻麻既野卦...
e.g.我見到d洗涼精個d泡泡(呢~~咪會買形一粒粒痴埋既...)都會起雞皮

咁你地搵到紋面女之後.係咪就回程喇?

_________________
[img width=256 height=192]http://cdn-channels.netscape.com/gallery/i/t/tornadoes/lg1.jpg[/img]
天氣變得咁惡劣..全球天氣既變化..!

係咪想話俾我地知..就黎上演明日之後?