[問題] 水草生藻

耶律 · **發表於 :** 2006-01-20 22:17

各位大大，我的草草下半部生左d黑毛同絲藻...

但係上半部就冇，我試過剪左下半部再插，但跟住又生過....咁我係咪不不停咁剪先得? 同埋d黑毛好頑強咁生係條暖管同出水位、擴散杯圍住咁生....點攪呀....好煩...

請大家幫下手丫唔該

chu · **發表於 :** 2006-01-20 22:40

你裡個問題其實係玩草缸者的必經之路,每個草缸都一定會有藻,藻一日多過一日表示你缸的水質越來越有問題,反過來即係水質好左.點先可以控制到藻各有各法,有的用藥,有的用工作魚,有的換水,有的少光少肥,不斷摸索即係經驗,缸有大細,魚有多少,經驗就更加重要,冇一個固定的方程式啱每個人.朋友慢慢研究啦........哈哈..........答左等於冇答.

dinno-ez · **發表於 :** 2006-01-20 23:23

嚴重的比我就反缸..

再唔係拎出黎洗得乾乾淨淨...
我見到細細粒黑毛藻就會即刻用手指甲整走佢...所以未試過爆發..

大猩猩王~ · **發表於 :** 2006-01-20 23:33

會唔會你草缸下半部已經滿哂藻而且水流又唔夠!?!?!?

聽人話細路仔比大人容易病.....唔單止係抵抗力較弱......

而且仲係佢地唔夠高......容易吸到地面o既細菌.......

將個情形套返入草缸.....因為水流唔夠.....污染物積累o係底層......

搞到好多菌(藻)咁囉......

試o下增加底層o既水流會唔會好o的!?!?!?!?

ps.純粹個人意見加推測......實驗我未做過......

SuperCTW · **發表於 :** 2006-01-20 23:50

建議你增加換水次數, 硬件可以移動有藻既, 就拎出黎用稀釋漂白水洗刷沖乾淨.
種草人冇生過藻既, 佢一定扼你, 點樣去除藻就唔會有一個必勝既方法.

耶律 · **發表於 :** 2006-01-21 10:17

好~我試下先

nichwong2001 · **註冊時間:** 2003-03-28 17:29 **文章:** 153

沈木有黑毛澡用左漂白水..在沈木上的d 黑毛孌左白毛,在沈木上的草都是如此..好像發(毛)的..那d白毛重係重在沈木上好實..
高手門要什麼做 thx.

matchung · **發表於 :** 2006-04-15 00:32

nichwong2001 寫:

沈木有黑毛澡用左漂白水..在沈木上的d 黑毛孌左白毛,在沈木上的草都是如此..好像發(毛)的..那d白毛重係重在沈木上好實..
高手門要什麼做 thx.

木都用漂白水?
唔怕舊木吸左D漂白水咩?到時毒死晒D魚咪死~?

Macbrush · **發表於 :** 2006-04-15 01:09

漂水用除氯劑就會無哂，洗完嗦一嗦無漂水味就 okay。

黑毛好多時係唔夠 CO2，加大一些會有幫助。

nichwong2001 · **註冊時間:** 2003-03-28 17:29 **文章:** 153

那...我那d白色的毛毛點攪

七蟲草 · **發表於 :** 2006-04-15 02:18

Macbrush 寫:

漂水用除氯劑就會無哂，洗完嗦一嗦無漂水味就 okay。

黑毛好多時係唔夠 CO2，加大一些會有幫助。

唔夠 CO2會有黑返毛的嗎，還意為是相反！

Queenie Ng · **註冊時間:** 2006-02-25 22:57 **文章:** 13

我都試過爆藻，　嚴重到連泥都生藻，　問過水Ｘ店，　佢建議我買ＡＤＡ　Ｐｈｙｔｏｎ－Ｇｉｔ，　但情況沒有改善，　最後都是買飛孤，　慢慢所有藻不見了，　不過小心買了假飛孤，　同飛孤差不多樣子，　但不會食藻，　特別小心買ｏ的袋袋魚，　假的機會大些，　這是我的經驗，　小心

水草情迷

[問題] 水草生藻

誰在線上