水草情迷

有後啦!2月23日發現有好多鯛BB係泥面，既興奮又緊張，大約有30-40條，見鯛媽不時用口張鯛BB搬來搬去，真係好神奇。
自1月23日Set缸以來，剛剛一個月，多得各方大佬俾小弟意見，終於收成正果，還望各位多多指教題點，把BB養大。

問題:
1. BB可以同父母一齊養大嗎？幾時須要分缸養？
2. 我放$10一包嗰D BBS俾BB食，但佢地唔肯食，是否要再過幾日才開口食嘢呢？
3. 須唔須要加氣石打氣增加水中溶氧度？
4. BB剛出世第一日，見鯛媽好勤力，寸步不離BB，鯛爸想游近都俾鯛媽溫柔地趕走。但今日見鯛爸發惡，係咁追條女，情况幾嚴重，將條女趕到塊鏡後面唔敢出黎，請問點解會咁嘅？咁我又駛唔駛分開條公？
5. 如果分開咗，可以再放返一齊嗎？鯛爸會唔會唔認得D仔女而食晒佢地？

P.S. (本文於另一個主題Post過，但反應麻麻，所以於這裡再Post，不便之處，請見諒。)

1.最好先分開公,待bb差不多1cm再另外用缸養
2.外邊賣既bbs都已經比較大(營養低左d),最好自己孵,24小時最好,bb岩岩出仲有卵黃可以用,所以你可以以平時一樣餵,見佢地開始食先慢慢餵多d
3.本身有水妖就可以唔洗
4.如果有咁既情況,分開...
5絕對會,不論公or母,分開之後一定唔可以放返入bb度...

多謝指教！另外想問：
1. 換水有冇特別須要注意？例如份量及次數。
2. 因餵BBS的份量好難控制，泥面都幾污穢，可以如何清理呢？
3. 餵食嗰陣係開燈淨閂燈呢？因發現開燈後不久，鯛媽會捉晒D仔女去隱藏嘅地方，放咗落去嘅BBS冇魚食。但閂燈後，鯛BB好似瞓咗，一條條爬喺沈木面唔旭。總之見唔到平時一落糧D魚會追食嘅情况。