水草情迷

我個缸一直受黑毛影響
我有減燈加黑線飛狐,減糧
不過一直冇咩改善
矮珍珠,綠九冠,金魚藻,莫c一直都係高危
成日都生...不過蔶藻同水羅蘭就冇咩野wor....
所以想問下有咩計..同有咩陰同陽草冇咁易生黑毛

_________________

生命力強d既草(生得快).......用多d草去搶肥先.........as水蘊草, 大浮萍,.....滅藻先!

_________________
1. 48"x19"x 22" 家中的飯廳 草缸
2. 12"x12"x12" 睡房的書架 蝦缸

as水蘊草??
我唔知係咩草......

_________________

儲下錢, 買本水草圖鑑, 再唔係上網 search 下都得架.

都唔關草事，黑毛係有地域性，你試下剪走草上面d黑毛，再將d草掉位擺，看看放效果如何。
打黑毛係耐性兩個字，三幾日要我答一次如何滅藻，答到我都就黎冇耐性。
你睇住舊文先，各施各法，消化左覺得邊個方法岩用，試住先啦，記住唔係翻缸落藥之類方法，重有排一直落去，遲d攪唔掂再一齊研究下啦。

其實我都有留意下....
通常生果d地方都係俾太陽照到既地方
咁我就用左d黑色板封位等日頭冇陽光射到
不過兩日之後見到d矮珍珠生高左成寸
多左好多枯葉........

仲有我想問下黑毛呢..係唔係會吸佢附生左既植物d營養
因為我見俾佢生得果d好多都好快枯

_________________

黑毛呢家野，我o係14"缸俾佢玩左好耐，以下既野都有關係

1. 細缸水少
2. 魚太多
3. 掛濾，效能唔好，水多死位
4. 餵糧太多
5. 光照太多
6. 泥唔乾淨，枯草太多
7. 水流唔夠
8. 成日落手攪缸，攪到泥粉四起
9. 泥質唔好，做成水草生長不良
10. 水質唔好，唔穩定，環境常變 (和3,4,6,7,8有關係）
11. 某o的草，如牛毛，容易鉤住魚屎殘渣，藻就會在那地方生長

自從我整左個18"寸缸，水由十幾升加到四十幾升，嚴格控制魚量，光照，用強力濾桶，唔成日攪個缸（適可宜止），唔成日換草換魚，touch wood咁耐都冇黑毛

註：我既經驗係，清道夫對牛毛上生既黑毛沒有顯著功效，因為它們對牛毛既藻冇興趣，唔知係咪因為牛毛太幼！

_________________

鯛缸#1:酋長一對
鯛缸#2:藍袖一對
鯛缸#3:維吉塔一對
鯛缸#4:維ＢF1三兄弟
養鯛用清缸，美麗又健康！