假如妳淨養魚，沒有種植水草，咁妳要加一個氣泵，以增加水中既含氧量。
另外養魚必備既係一個濾水器，須知飼養缸唔同大自然，缸內既水可以話係死水，魚兒既排泄物長期積聚係缸內，係會產生有毒物質，唔清理會毒死d魚。
濾水器既作用有三：
一：物理過濾
以隔離方式，分隔開一些廢物，如魚的糞便，從而令魚缸更加美觀。
在濾水器中放一些白棉，可達致這效果。
二：生物過濾
利用細菌去分解一些有害物質，從而減少缸內毒素。
在濾水器中放一些生物環，讓一些益菌有地方寄居，從而大量繁殖，可達致這效果。
三：化學過濾
利用化學作用，去吸收一些過量物質，讓魚兒有一個更加好既生活環境，視乎妳要除去既物質，而加入相對既濾材。
唔知妳知唔知水有分酸鹼，每種魚都祗會適合係一個特定既酸鹼度生活，差些少或可以適應到，差太遠唔可以適應d魚會死比妳睇。譬如非洲慈鯛適合係偏鹼既水生活、南美短鯛適合係偏酸既水生活。
唔講太遠，就當水喉水為中性，養非洲慈鯛(如非洲鳳凰、非洲皇子)就要舖d偏鹼既砂係缸底，令水偏鹼，養南美短鯛就要舖d偏酸既泥係缸底。
發完牙痕，比少少意見妳：
carmenlai1219 寫:
1. 我個缸要黎養魚, 個缸底咩都冇!~咁好唔好嫁??
都可以，清缸養魚，水屬中性，一般魚都可以適應。
carmenlai1219 寫:
2. 如果我係only養魚,用掛濾定係用氣泵好呀??(如果只用一樣的話)
跟據妳既資料，個缸大約有10L水，建議妳用一個氣泵仔駁落個水妖度，可解決妳二選一既煩惱。
carmenlai1219 寫:
3. only養魚,有咩野要注意??
以妳個缸黎講：
唔好超養，兩條好喇。
唔好超餵，定時一日一餐，少少就可以，唔好貪得意鍾意又餵，超餵會污染缸水。
注意水質，大約三日好換下水，新水記得留過夜。
登入
註冊
問答集
