水草情迷

[討論] 有蝸牛要小心什麼?
唔知會對草有什麼害處?
如何消除牠?有冇魚專門用來吃牠?

有蝸牛要小心什麼？
唯一要小心o既係會有更多蝸牛.....

唔知會對草有什麼害處?
會食草(雖然食左都唔多覺)

如何消除牠?
唔多o既話人手夾走，亦有專殺蝸牛o既葯，不過唔建意使用

有冇魚專門用來吃牠?
金娃娃，8字娃娃

金娃娃，8字娃娃,,,好厲害but食完的蝸牛就食你的魚

昨晚草缸開燈時，被女友發現到有蝸牛「大搖大擺」地在玻璃上「示威」（其實這種情況很少見，因為蝸牛比較喜歡在夜晚才活動），為恐防牠會爬上她自己那棵心愛的「澳洲穀精 II 型」和「夕燒」上，便迫令小弟要快些將之清除，還罕有地決定要在將至的星期日來個「獵牛行動」……。

雖然 Draco 兄和小里兄已經答得很詳細，但興之所致，故也來參上一脚。


《有蝸牛要小心什麼？》

蝸牛的麻煩之處，並不是因為牠會吃水草的關係，而是在於牠的繁殖速度快，兼且具有「單性繁殖」的能力。所以若一直置之不理的話，好快草缸中就會生滿牛牛。


《唔知會對草有什麼害處？》

其實若果數量不多的話，以個人觀察所得，蝸牛對水草的影響確實有限，最多只會令草多了兩三塊爛葉。只要水草本身夠健康，問題相信不大。

不過若然數量太多的話，除了會令水草的爛葉情況嚴重之外，還會令水質受到不必要的汚染，這個情況在細缸中會較為嚴重。因為舉凡任何甲殼類的水中動物，其排泌物中所含的毒素會比魚類多出好幾倍。當缸中水多而蝸牛數量少的時候，問題當然不大；但當水少而蝸牛數量多的時候，問題就會變得相當大，因為那會直接增加過濾糸統的壓力。

可幸的是一般魚友草友若一發現蝸牛的踪影時，都會第一時間清除，並不會留待讓牠繼續吃草或汚染水質。而且若缸細的話，水草密度不高，蝸牛可藏身的地方相對地有限，發現牠們的機會亦會比大缸為高。


《有冇魚專門用來吃蝸牛？》

有！娃娃魚，高手中的高手。

不過有利就有弊，除非缸中有控制不了的蝸牛數量，否則絕不建議引入缸中。因為娃娃魚主要在開飯時才會對付蝸牛，遇有空閒的時間，都會可能因為生活比較枯燥的關係，或想去磨下牠那個無敵硬的嘴，而去追下魚仔呀，或咬下魚仔尾呀、蝦仔呀咁過下日神。所以除非缸中無其他魚，或其他魚的體積要比牠不知大上幾多倍，就算被咬去了一少部份鰭也不會感到礙眼之外，否則引入娃娃魚絕非上策。

另外亦不建議用藥。坊間除了有些「完全無敵超級摧毁白點蟲藥」外，亦不乏一些「完全無敵超級殺死蝸牛藥」，聽聞效果都算幾好，不過對於水草甚至是已建立起的硝化糸統會帶來甚麽影響，仍是未知之數，只怕最終會弄巧反轉。其實個人一直都很抗拒在魚缸草缸中加入任何不必要的化學物品，因為始終覺得弊遠多於利，所以愈少愈好。


《如何消除蝸牛？》

個人覺得最好的方法，是用人手「鉗」或「吸」。

晚上當水草燈（最好在屋中連缸附近的燈也一同）關掉個多小時後，都是蝸牛最喜愛出來「蒲」的時間。此時用水草夾「鉗」，或用氣泵硬喉「吸」，最為方便不過；而經驗上覺得用吸的會比用鉗來得更有效，因為最怕鉗不中，卻反而令牠們跌落泥面。前景的話問題當然不大，後景的話就……。

另外如果當時身傍有女友、老婆肯幫忙的話，效果會更佳。因為除了會多對手之外（主要目的，因為蝸牛一見光就會「散」，所以要快），過程中又可以增進大家的感情，培養默喫，共同建立更和諧的關係，為將來………（下删幾百字，大家到時自由發揮便可），當然還要說服她大人肯聽……（自己想辦法，雖然可能比起對付黑毛藻還要難……）。

所以講到尾，最實際和最有效的方法，還是為新草在落缸前作個簡單的檢疫吧！

當我發現到有蝸牛出現 (為數約少於十隻時) 我試過一條約 1cm 金娃娃效果超然.
對我D草又冇咩傷害.

但到最後我非常傷心
因為當冇曬蝸牛,(我當時又唔識比紅蟲金娃娃食)
金娃娃冇野食之後.....
佢每日每日咁消瘦,
佢最後兩星期仲唔識活動, 我冇曬心機. 睇住佢死.
到我知道可以食紅蟲已經太遲.

以後 我就好似 littlepillow 咁講
"...個人覺得最好的方法，是用人手「鉗」或「吸 」..."
"...還是為新草在落缸前作個簡單的檢疫吧"

我本來個缸都有@@"
但唔知點解近來見唔到有.......
個缸有好多唔同種既魚.........
不過是但一種食左都唔知........
可能鉛筆可能塘鯉....=_="
有時見到佢地淨返個白色外殼....
不過可能玉其輪都會食.....

我就養咗條金娃娃, HK$20蚊條, 早知佢咁鬼懶又冇用, 買棵草種下仲好過 ,
d牛牛喺隔離都冇眼睇, 其實最好都喺吼d牛爬上缸面時, 一手襟鬼死佢就掂啦 !
果d牛肉碎跌番落水度, d魚仲爭住食, 好過樽裝魚糧, 一舉又兩得。
( 以上只代表本人立場:lol: )

_________________
(喜歡站在咸淡水交界)
謀事在人, 成事在天; 不懈努力, 輝煌人生!


草缸: 24"x10"x14"
蝦缸: 16''x10"x12"
底泥: ADA
石材: 火山石
燈管: T5HO (6500K) 24Wx2
開燈: 9 Hrs
過濾: Atman CF-1000 x2
水冷: 海利 HC-150A 24度C
CO2: UP 1L + A151雙錶(2泡/秒)
pH: 6.5~6.8(pH Controller)
草蝦缸水冷串聯共用
氣泡式除油器

我個缸蝸牛好嚴重呀!
鉗唔晒呀,佢生咁多仔!
請問點「吸」 ???

蝸牛入侵大災難, 無處不在, 好難吸, 魚缸末日!

_________________
(喜歡站在咸淡水交界)
謀事在人, 成事在天; 不懈努力, 輝煌人生!


草缸: 24"x10"x14"
蝦缸: 16''x10"x12"
底泥: ADA
石材: 火山石
燈管: T5HO (6500K) 24Wx2
開燈: 9 Hrs
過濾: Atman CF-1000 x2
水冷: 海利 HC-150A 24度C
CO2: UP 1L + A151雙錶(2泡/秒)
pH: 6.5~6.8(pH Controller)
草蝦缸水冷串聯共用
氣泡式除油器

咁點算

係呀，點對付好？
我個缸仲有蝦仔，我諗娃娃會食佢地，所以唔用得

我構思重新清缸, d泥用滾水浸過, 利用高溫殺牛, d草用水澈底清淨, d泥重新落肥,
唔知得唔得就在考慮中

_________________
(喜歡站在咸淡水交界)
謀事在人, 成事在天; 不懈努力, 輝煌人生!


草缸: 24"x10"x14"
蝦缸: 16''x10"x12"
底泥: ADA
石材: 火山石
燈管: T5HO (6500K) 24Wx2
開燈: 9 Hrs
過濾: Atman CF-1000 x2
水冷: 海利 HC-150A 24度C
CO2: UP 1L + A151雙錶(2泡/秒)
pH: 6.5~6.8(pH Controller)
草蝦缸水冷串聯共用
氣泡式除油器

我最近亦發生和閣下描述完全一樣的"金娃娃"悲劇！

兩條娃娃中較細的一條(0.5cm)死了 好彩另一條及時食紅蟲救番

我新買左兩條娃娃 <1cm
可唔可以唔喂......

小心繁殖更多