水草情迷

魚街草店門口, d草經常預先入袋, 各位認為入店內自選與買這些預先包裝嘅袋草, 在質量上有冇分別呀?
我發覺這些袋草價錢上會平d, 而且仲寫埋草名, 對新丁來講較易分辨, 但未知是否喺平靚正喎?
襟唔襟種呢?

_________________
(喜歡站在咸淡水交界)
謀事在人, 成事在天; 不懈努力, 輝煌人生!


草缸: 24"x10"x14"
蝦缸: 16''x10"x12"
底泥: ADA
石材: 火山石
燈管: T5HO (6500K) 24Wx2
開燈: 9 Hrs
過濾: Atman CF-1000 x2
水冷: 海利 HC-150A 24度C
CO2: UP 1L + A151雙錶(2泡/秒)
pH: 6.5~6.8(pH Controller)
草蝦缸水冷串聯共用
氣泡式除油器

好多書都提議賣插在泥中的,因為根都健全.

袋裝草成日都有好野, 唔好臨收工至去買, check清楚狀態先買, 我以前成日都買袋裝草。

要計狀態, 當然冇得同種住黎賣既比, 不過, 種住黎賣既逐支同你計, 價錢都係一個考慮因素~~

起初種草而通常都買袋草,因為貪佢平,但往後都比較少,可和其他網友交換.

唔好買，千期唔好買，有可能帶絲藻或黑毛藻庖子，到時成缸都係，又會懷疑自己唔夠料。

袋草好多都係水上葉要比耐性等佢轉水

等乜鬼,同人交換咪幾好,水都轉my,善用 下internet.

唔好貪平，最緊要

草友們留意：部份掛在門口的袋裝草，與_種在泥內 和 藻類無關，特別是剪枝沒腳沒根的 OR 顏色特別鮮艷怪怪的 & 感覺似曾在那裹見過 ？？？
疑團揭盅→ → → 它們並不是生長在水邊的植生，所以無關轉水問題，重點是它們本身就是陸地上的草，不信的話：請移玉步到魚街附近的 花虛走一趟便明白！

據小弟所知，魚街有２至３間賣假水草的，特別肯定的一間在通菜街與弼街交界處，檔主是２至３個中年婦人，我約在廿多年前已認識她們，N年前至今仍是這樣蒙騙顧客。該店正確位置是通菜街與弼街交界，向油站方向右手邊的一間，據聞約在２個多月前，檔主又在對面街口(弼街)再開一間，小弟曾在金魚批發商(老友)之車內看見她們在兩店間穿梳往來。

水草店門口d袋草.. hmm... 都算ok, 自己小心揀下,
我都買過幾次, 大部份冇問題 ^.^

我都買過，ok喎。宜家生長得好快添。不過小心、細心d選擇。都有d好野

我都係係水草店買嫁.. 聽d 魚友講,有真係會拾到好野,買水草裡面有埋蝦,嘻.. 我就未試過la...好采都未試過買水草送蝸牛姐..

我都有係個度買過水草呀!!!
兒家生得好好...因為企係門口揀左好耐...

raman講既係真
不過samwat問既唔係呢間
水x店門口d草ok架
買得過
佢都係剪出黎買0者
信自己 揀清楚就得

_________________

水草店外的袋裝草多數係大路草種，所以較平，而店內缸裏則為少有或較貴價草種，兩種都係冇問題。