水草情迷

我個缸48x20x14 陰缸(多數係椒草、拉鍊、黑木蕨、莫絲、皇冠)但有4條中大型七彩神仙, 2條BB七彩神仙, 20多條燈魚 + 20多條工作魚
我只開燈 4 - 4.5 hours per day (放工才開,無timer)
有 CO2
用 AB 沙底+基肥+ADA根肥
只餵乾糧
The question is: 七彩神仙真係食好多,所以我都餵好多下,而家有1個 Fluval 204 + 1個 Fluval 104 + 1個Atman 3338
暫時d水都OK,但需要加液肥嗎? d神仙d排泄物都好勁下,再落肥掂唔掂呢?

你種陰性草多呀, 肥都唔駛點落啦.

燈光方面, 加返個 timer 會好些.

哦係呀,唔駛落肥架,唔該晒!
燈唔裝timer啦,唔想屋企無人時開燈(驚火災),信唔過d火牛,遲下d燈玩完自己diy燈用d靚火牛才加 timer.
而家 4-4.5個鐘都OK,我weekend都開8 hours比佢地嘆下.

七彩草缸係唔洗落肥架,如果一日喂三餐的話仲要每日換一桶(洗衣粉桶)水,你點解唔喂牛心蝦漢堡,只餵乾糧大得唔會快喎.有co2做乜唔種陽性草呢,係唔係唔夠光啊,我都中意係草缸度養七彩.大缸有大魚好睇好多.睇下我個缸俾d意見.http://www.aqugrass.com/phpBB2/viewtopic.php?t=51878

_________________

七彩會吃燈魚,小心喔

健康燈魚七彩好難追到架,多草就更加冇符啦.我個缸有一打新燈,幾個月一條都冇少,哈哈.

_________________

嘩chu兄你個缸好正呀!d水又清.
無呀,我無每日換水,只是一星期換2-3桶水(約20L水),我唔養得陽草,因只開得4個鐘燈,遲d換燈才考慮.
我最近上官塘6樓魚場搵張生想買對神仙BB試養(我本身有4條大野)但張生猛話草缸養好有難度(怕水質唔掂),我唯有買左對平野BB試下,而家已經2星期,對BB除左比d大佬"洽"唔敢日光日白出黎都好似OK喎(一關燈就出黎玩).
我只餵乾糧係費事杜蟲,而且我唔mind佢地唔大,細條d都OK喎.
但我試過買左100隻草蝦放落缸(我有幾舊挑左好多洞的沈木),以為神仙咁純無問題(因它們從束無搞d燈魚)點知發覺條藍威利藍到發光,條條魚d色突然靚左好多,跟住搵下-一隻蝦都無晒,看來係班衰仔補晒身!
張生猛話草缸養神仙好有難度,我希望證明下比佢睇.

但問題係:始終草缸與神仙好難兩全-d神仙真係食好鬼多,可能食乾糧係食唔飽,班衰仔又養熟左識得問你羅食(見我坐低游晒埋黎望住我),我成日忍唔住又餵(佢地通常60秒內食晒),真係食量驚人,我都有擔心水質,又無可能成日換水,唔通又加多個filter咩?
因為餵得多,連6條金青苔都大到好似神仙咁長(3-4寸長),咁加埋加埋,d排泄物都好勁下.

草缸養七彩真係有難度架.
七彩要高溫,30度以上(其實都係人為的,為了快大快繁殖,自然界d七彩溫度都係27-29度.)七彩食得多排泄物多,容易污染水.七彩每個月都要用TDC杜一次蟲,而草缸溫度唔好超過30度,唔好落藥,所以草缸養仙1.要缸夠大,你48吋缸係足夠大啦,2.唔好太多仙,48吋最多養八條成魚,手掌咁大都好勁了,3.草要夠多夠密,而且最好用生長得快的草,咁先可以吸晒的排泄物的有機肥料.4.要有一個細缸仔用來杜蟲,同埋買新魚時係個細缸度逐點降溫到草缸個溫度.仲有可做產缸.
養七彩最吸引人的係繁殖,你唔俾佢地食得好食得飽好似有點......,另外一缸七彩最好一個SIZE.
喂活蝦一定係最好的飼料.哈哈,不過喂唔起.哈.

_________________

係?我個缸可以養八條?正!下次又去幫趁張生買多2條BB!但我有以下問題:
1.我個缸keep到最高28度,但我一返屋企開冷氣便跌到26度,我仲諗住冬天keep住25-26度(best is 25度),但我d黑木蕨太熱會唔生
2.我從未同班衰仔杜過蟲(養左都5、6個月),乜唔係餵乾糧唔駛杜蟲既咩?
3.我d全部係陰草-又慢又唔密
4.我其實主要係玩草缸,所以唔想繁殖,不過覺得七彩神仙好正!樣又靚又大條、又好似有d靈性咁(唔似燈魚咁低B)
5.唔同 size好煩 - 大"洽"細,不過條條咁大我驚d水頂唔順
不過為左"挑戰"張生,我都有諗下計:
我自制隻有機液肥(其實唔係肥),我用環保用的多種菌(好似污水處理用個d)加有機菜(sogo買)發酵為液肥,然後每星期放2次每次放10ml落個缸,作用係加速分解沙中排泄物及廢物,轉化為有益草的原素.
唔知work唔work,不過so far so good(落左6 weeks so far),魚草都好似無乜事-好似好壯咁.

1.溫度25至28度都冇問題.
2.d七彩狀態好唔杜蟲都冇問題,如冇擦身,冇縮旗.
3.全部係陰草就驚吸唔晒d肥,搞壞水質.
4.唔想繁殖都要俾佢地食飽住好先會靚架.
5.唔同 size一定好煩,細個d成日貓係角落頭,心情都唔靚啦.
肥就一定唔洗煩啦,我咁多草,有紅有綠都從來冇加過肥.得閑影幅像來睇下.

_________________