水草情迷

為了把相傳的事變成科學,找出原因來改善技術
現正徵求所有有關水晶蝦的已知事實及數據

先來一些問題
德系是否和日系完全分開發展,德系蝦好像一般比較大隻,紅色鮮色但白色很少,但同時不易退色
日系白色大片,但身形較小,紅色也像沒有那麼鮮色,退色問題較重

白色是來自色素細胞,還是外殼的一些物質變化?

蝦所有需要吸收的元素是什麼,及一般食物包括那一些元素?

蝦身上的感光器官是否只有眼,及光源影響生物還是化學反應,引發體色轉變

我手上有德系 及 日系 ， 個體大小分別不大，紅色方便德系的明顯較鮮

我是分缸養的 有三個缸

缸一是純德系入門版:現在已經有粗間的表現的個體，過多幾代德系也會有 s grade
缸二是純日系s grade : 未繁殖
缸三是德系母蝦溝日系sgrade公蝦: 繁殖出來的大部份是德系入門版的樣子，有幾隻有 s grade 表現

由於是純天然養法所以不知道crs 需要什麼元素，目標是希望做出一個crs 的自然生態系統

我個人估計德日是分開發展出來的,基因也許有分別...可惜沒有足夠的資料,日系的基因看來比較弱

日系的基因"看來"比較弱?
因為養日系的時間短想問如何"看出"?
德系唔一定強因此我有經驗一次大病死左百幾隻德系

這裡係指色素基因
可以確定紅色係因為失去藍青色色素才出現紅色個體
白子本身係基因弱化既結果,退色既容易度及紅色素既表現可以睇到相關基因既情況,紅色素細胞有減少或變弱先會出現紅色天生較淡既情況
而基因強度同生死無關
當然,要確定最好方法係近親交配4-5代,睇下出黎既外表分別作出統計.無估錯既日系變成全透明,失去紅色既機會比較高

太雜集了不太明白

如果將基因睇成一條繩
白化係條繩短左,但再短落去就會紅色都冇埋
咁日系條繩好似短d同條尾散d,好易會再短落去
而德系條繩就長一d

當然,現實吾只係長短問題,可能仲吾只一個基因做成影響,但情況同呢個例子相似

其實有冇發現德系也好, 日系也好, 小蝦大部份都係有粗白間, 只係成長到某段時間, 粗白間就會消失, 尤其是母蝦, 抱一次卵就甩一次, 越抱越甩, 最後甩晒. 挑蝦就係要挑一d甩得慢或唔會甩的蝦, 再利用優生學方法, 繁殖出白多紅小的後代. 我心信日本人都係咁做, 挑蝦就係一定, 至於買返黎好白, 跟住就開始甩, 暫時呢個好似無解決方法(狂加怪粉都有機會甩), 個人認為水質影響發色都幾重要. 再唔係就套用返上面所講基因弱發色不好容易退白.

如果你有研究過孔雀魚的基因, 好容易明白why細時好靚仔, 大左會變醜的原因. 玩孔雀魚需要的魚缸一定比養水晶蝦多, 而且基因更加複雜, 要挑選的因素更加多, 變數更大.

問題係白色其實係咩一回事
同紅色係吾係一樣都係色素細胞
先知道佢本身係d咩,先有機會搵到方法刺激佢增生
挑蝦我都試過,鑽石由c養到b-a,其他就去魚缸工作或者賣出
一日吾知d白色係點黎,講真,根本冇方法搵出有保證效果既方法處理白色問題

ps.有一點,鑽石如果比龜糧佢地食,會大得快同換殼換得好,但大得快會影響白色,引發退色,但有可能慢慢生番