水草情迷

在國內買了幾本有關種植水草的參考書, 其中講到水草消毒, 打出黎俾各位參考, 順便練下我既打字:

水草在進入自己的水族箱之前,要進行清毒處理,因為商店裡的水草有很多不確定性, 因有機會帶有細菌, 為安全起見, 應對水草消毒. 常用方法有:食鹽消毒, 硫酸銅消毒, 高錳酸鉀消毒.

1. 食鹽消毒: 25g食鹽溶於1升水中, 浸15秒, 取出以清水沖洗,消毒時間不能太長, 否則會使水草出現脫水現象.太短達不到消毒效果.

2. 硫酸銅消毒: 3g CuSO4溶於1升水中, 水草浸泡時間為5分鐘,用清水沖洗, 由於 CuSO4藥性很強, 水草不能浸太長時間, 以免水草枯死. CuSO4溶液可重覆使用,不會失效, 對殺死藻類特別有效.

3. 高錳酸鉀消毒: 2g KMnO4 溶於一升水中, 水草浸5分鐘, 用水沖洗, KMnO4的殺菌殺虫能力很強, 缺點是不能重覆使用.

對於以上方法, 我會試下用方法2去處理鹿角台的絲藻, 到時再向各位報告情況.

有無師兄試過?

[/list]

D化合物對我黎講實在太高深，你d鹿角苔不如試下用"漂白劑治療法"(Bleach Treatment)，比較現成，我諗沙士之後，好多人屋企都會多左支漂白水，比較就手。
濃度：大約1:20-25，因唔同牌子既濃度有唔同，工業用既重係超濃縮，我諗要自己估計份量。
時間：大約2-5分鐘。
之後沖水，再用清水浸一個鍾，相信殘留既漂白劑唔會對魚兒有影響。
我自己未試過，遲d會用d莫絲試下，有網友試過用係三角莫絲度話得，浸完d絲藻明顯白化，不過唔會脫落。

(p.s.轉載寫埋書名同作者會好d，以示專重)

螺絲兄:

因為我本身工作係同化學有關, 所以, 以上化學品可在實驗室取得, 你個方法亦不妨一試, 以作對比..今晚會開始做實驗

剛將d鹿角台用0.3%硫酸銅處理完, 沖洗後, 再將鹿角台修剪並重新綁響另一塊沉木, 到而家我先留意到原先買既應角台沉木底部帶有少量黑藻, 真係睇到我眼都突埋.. 我已將塊沉木隔離並再浸多一小段時間, 睇下過幾日有乜現象.

補充: 兩塊鹿角台經處理後, 一個作修剪並重新綁在沉木上( 圖P7290017), 而另一個原封不動放回缸中(圖P7290016)

結果呢

食鹽消毒: 25g食鹽溶於1升水中, 浸15秒, 取出以清水沖洗,消毒時間不能太長, 否則會使水草出現脫水現象.太短達不到消毒效果.

但係我睇d國內書用食鹽消毒 要浸15分鍾才有效啵0.0

請問如果我只有tdc, 可否用tdc消毒呢?
重有, 硫酸銅可以在那裡找得到呢? 謝謝!
小弟是新手, 請多多見諒!

菠菜2, janson10884:

不建議用CuSO4, 原因, 草身浸泡後再沖水, 種出`黎會發黃, 唔健康..

manwong:

鹽溶液方面, 長時間浸泡的確會使植物出現脫水現象, 你個本書話20分鐘, 有無指出濃度 ?

关注结果