水草情迷

依個問題好像有點無聊.
但如果我有兩個缸~兩個缸想養的東西都是差不多~
pH亦接近一樣~但同樣需要使用水冷降溫.
那我是否一定要買兩部水冷?
可唔可以兩個缸用一部水冷?

我有個無聊想法......
A缸的水經水冷流向B缸~
而B缸的水經濾筒流向A缸~

唔知依個想法有冇問題?
當然我是流量的差別是重點~
但唔理流量的問題,我的想法有冇問題?

我而家用緊P20~想買部CL280
我想知水冷有冇得控制流量?
如果有就可以平衡返~咁就唔駛買多部水冷機^_^

希望各位能幫幫手~因為我一直在思考這問題

最直接o既方法係買個大缸間開兩邊..
每邊養唔同但又差唔多o既東西..
好過你o的水左走右走..

想法我諗冇問題..但係應該會用多好多電囉~哈哈~
因為o的水左走右走o既時侯會吸返好多熱入去..
變得冇咁涼快..

_________________
http://www.aqugrass.com/phpBB2/viewtopic.php?t=39365
我的魚缸資料(2008-5-13更新)

<<<<<<最直接o既方法係買個大缸間開兩邊..

可能行不通.因為買個新缸,我而家兩個缸都無位放~哈哈~

用電問題.........係喎~無諗到~........

_________________
放棄櫻桃

1大缸 + 1 小缸就可以, 因為我都用緊. 如果 2 個都係大缸就一定大大鑊!唔好試.先講大細缸我點安裝法再講2個大缸點樣大鑊法. 細缸用小型瀘水抽去大缸,再用燈喉從大缸接回細缸,用虹吸式回流大缸水,水冷可以一個,瀘水可以共用,co2 亦ok.2個大缸有幾大鑊,我試過有次有條魚走左入虹吸管,令到大缸水不能回流小缸,結果成個細缸的水差不多全部抽晒去大缸,只餘下2吋水,好在係大細缸,如果2 個都係大缸會滿載而歸,全屋都係水,流落電掣好危險.

哦~我明白你點樣運作啦~唔該你咁詳細影埋相話比我知~


但如果我兩個都係大缸~但水冷條喉同濾筒條喉應該有d野包住架~應該無魚入到去~
咁樣問題咪解決左囉?

_________________
放棄櫻桃

唔係瀘水入水位,係自制燈喉(圖199-1左邊白色喉)吸水位走左條魚入去,所以我先加個瀘咀落去(圖198-1),有時水草都會吸入去.你自己小心d.有次我發現細缸多左2條鉛筆,1條小精靈 .

我都係唔多明唷.........

但我唔種水草的,哈哈^^

如果我唔用虹吸式.我用返我套方法~咁咪咩問題都無?

_________________
放棄櫻桃

水流量一定唔同.爆缸情況會出現,必定要有虹吸管平衡水位吧,而且電源一出問題又有大災難.

咁如果我用虹吸管~電源有問題都唔怕?

_________________
放棄櫻桃

好叻呀!!

_________________
http://www.aqugrass.com/phpBB2/viewtopic.php?t=39365
我的魚缸資料(2008-5-13更新)

唔好笑我啦 ,我係新手馬.

其實我都係諗緊流量唔平衡o既問題..
不過一睇到你哩段o野後就醒哂~
真心讚你叻架~

_________________
http://www.aqugrass.com/phpBB2/viewtopic.php?t=39365
我的魚缸資料(2008-5-13更新)

如果水位唔係太高應該可以(80-90%),我無試過,但係試一試可能大大鑊,不如你先買定格新屋先試 ,<--- 講笑! 另外如果虹吸管塞左都死人.我唔敢建議你試.

不過條虹吸管要長d,如果唔係有時唔小心碰一碰條虹吸管一入左氣就失效,又會爆缸,如果係我用2個大缸,我會再去鴨寮街買個水位警報器,再改裝成水位一到就cut 電,小心d好.但是諗落都係有問題,只有大細缸可以咁做.