水草情迷

本人有些關於荷蘭鳳凰的問題想問問，我今天的荷蘭鳳凰生了蛋，牠們不是第一次生的但是前幾次都不能孵出，最後都是給蛋蛋的父母吃掉，我現在的魚缸內只養了一條小精靈和那對荷蘭鳳凰，我想大家給我一些指點，其實怎樣才知D蛋是否受精呢？是否一定會受精的，要不要取起那些蛋呢？怎麼幾次都不成功呢？我真是好想成功一次！大家請幫幫忙吧！感激！感激！

我唔係專家~因為我d荷鳳散過好多次~頭幾次都成日失敗~
但最近兩次才成功養成魚仔~最近一次仲有十二條健康成長添~我都講下我既經驗俾你參考下啦~如果有錯既地方~希望其他網友都指正返我啊~~
我24"缸養左兩對荷蘭鳳凰, 兩對都成日同一時間散~佢地都會係沉木上產卵~
佢地d卵通常都會係生左之後一日半到見到卵上面有一細點黑色, 即是受精了~
因為之前佢地都會俾其他魚嚇親~會食晒d卵~所以我都會等到一見到d魚卵受了精之時~將整件沉木拎出~放在一個已載有魚缸水的膠盤內~(我的經驗話我知如果用水喉水, d卵會壞死)~等到見到d卵變做魚仔~有條尾仔既時候~
我會將d魚仔放返落個魚缸度, 用個隔隔住佢地~
等多個幾星期左右~會見到佢地識得正常咁游水~(有眼仔同鰭仔, 好得意架)~咁就可以開始俾d用黎餵魚bb既魚糧俾佢地食~呢d魚糧都係粉狀~夠晒細~所以佢可以食到~
不時清潔下個魚bb隔~如冇意外~d魚仔就可以健康成長~
不過我都唔知點解d卵通常都好多~我諗都有百幾二百條~但到最後都只得十幾條可以生存到~(死得最多係岩岩識游水既時候)~
唔知係咪我有d地方做錯左~
希望其他網友都分享下你地既做法~我都想偷下師~等下次可以多d魚仔健康成長~

可以等一,兩日之後分開條公...因條公好多時會食卵(我個人經驗)