水草情迷

HQI牛係電子牛(鴨寮街), 魚缸 o係 電視隔離, 試過將個牛放離電視9呎遠, 用金屬盒全封閉入住隻牛, 拖長條電線去魚缸, 認為這樣便減少干擾, 但都有雪花(情況同牛放近電視一樣), 一拔離插酥就無雪花, 唔知點做好, 請各位幫幫忙

你個金屬外殼有冇落水線？

有.
燈殼, 牛殼, 金屬外殼全部同一條水線番插酥.
不過試過拆晒所有水線都有雪花

唔使咁煩,去鴨記買條防干擾嘅電視天線綫,幾蚊碼,再加個磁環,包你有意想不到嘅收穫。我剛剛先因為雪花問題走去買咗隻幾百蚊嘅放大器都唔得,一換條綫,見嘅係前所未有咁清嘅畫面。

_________________
"一起推動水族設景潮流, 集思廣益, 雅俗共賞。"
Life is to enjoy.....

咁當你支腦仔熄燈時....電視會唔會閃一閃呀?
我之前都有用....鴨記....腦仔....起動時...拍拍聲巳好危咁....一時又無故熄燈.....
我放棄左囉....感覺好危險.....因就快夏天...水氣多時....怕...出事......
重之------萬事小心

_________________
鯛毒巳毒發攻心了^o^

[quote="GWU"]唔使咁煩,去鴨記買條防干擾

無閃播, 支燈開果陣就有幾秒小小拍拍聲, 電子牛無聲, 自認有d電器常識, 水線fuse駁好, 防水氣, 就應該安全.

唔好買現成嘅,個D有包裝嘅線祗係睇到電視,對防干擾嘅幫助唔大,要買成卷剪果D,你會見條芯係單枝銅線,外面隨了有電線網包著重會有多一層錫紙,頭尾兩個電視插好似裝,中間芯接中間芯,外圍成著接地就OK.

_________________
"一起推動水族設景潮流, 集思廣益, 雅俗共賞。"
Life is to enjoy.....

[quote="GWU"]唔好買現成

GWU 對!
今日買左"條芯係單枝銅線,外面隨了有電線網包著重會有多一層錫紙"果 d 線, $7.5 一碼, 不過加埋一對靚插$30, 一隻"濾波"磁圈$15, 共$60大元, 換左條線果然清好多, 以前d雪花簡直搔擾, 多謝晒, 唔洗換牛喇!

唉!!
換左條天線接線以為搞掂(畫質就清好多 - 多謝GWU ), 但係試耐D(同一晚)又發現雪花出現(畫質仍然清), 即拔HQI牛插酥,雪花即刻消失, 冇晒辦法, 只好換牛, 昨天買左隻, $280, 灣仔駱克道, 德國貨, 傳統牛, 即晚換走隻電子牛, 好喇, 好喇, 看了幾個鐘, 雪花完全冇了(不過隻牛就熱D), 希望問題已經解決啦

我也在鴨寮街買了兩個HQI電子牛叫金鹵(HID)燈電子鎮流器, 係佛出明宇電器有限公司出品。
用了三個多月, 我魚缸與電視相距不足一米,冇出現你的情況。天線用什牌天線。起動時超靜冇熱。
諗住遲些推介, 好彩好彩。

想問"濾波"磁圈應該點駁及有冇圖片看下. thx

磁圈唔駛接駁的, 就好似一個介子咁, 夾/套上條電線就得架啦.

磁圈係邊到有德買, 我問新填地街附近都冇.....