水草情迷

我想問我而家用呢隻沙做底材,淨係加呢隻基肥養唔養得掂d草??
同埋我呢隻係咩草?難唔難搞?

原來你既沙係呢度.
先量一量水既 PH 吧, 看來是珊瑚沙既一種, 不合種草.
豬仔魚都同水草缸格格不入, 亦可能有咬草挖洞行為.

_________________
多多交流, 多多研究, 多多搜尋
我的水族相簿

點量水既ph?
同埋如果我用基肥落去d沙下面可唔可以解決到問題?

睇相就似係細粒珊瑚砂黎, 種草完全唔岩用,
睇下設缸教學啦, 基本上全部野都要轉, 魚都唔要得.
加咩肥都冇用.

市面有藥水係量 ph, 亦有用器材, 好似ph 筆, ph 錶咁.

咁如果我係養陰草呢?

養陰性草, 就好多都唔駛種係底層, 不過你現用既底層, 係會影響水質既, 對草黎講都係唔合適呀.
如果一定要加草, 都可以加鐵皇冠既, 扎係舊珊瑚度, 應該都捱到一排. 又或者你照挑戰, 可能得出一條成功既路添

我而家都拎走左舊珊瑚,同埋落左8滴檸檬汁落去
(新鮮檸檬渣出黎...)
而家pH7.2
冇問題嗎?

同埋下面係今日岩岩買~~可唔可以俾d意見??岩唔岩我用??(支ph水俾我倒左一半....渣極都沒唔出...最後成個口爆出黎...冇左半支...最後經過研究先知原來個膠口要開隆...玩謝人)
http://xqplus.com/upimg/20050323/FsIVje ... MG3418.JPG
http://xqplus.com/upimg/20050323/CymfXs ... MG3417.JPG
http://xqplus.com/upimg/20050323/f585sz ... MG3416.JPG

嗯, 我想草友要說建議改善既野, 最重要就係你要轉底層, 如果唔係, 買 ph down 既錢都買窮你.
你既底層如果真係珊瑚砂黎, 只會不斷咁提升kh, 而令ph 一齊上升. 點加野都冇用.
如果你真係想種好草, 轉底層做泥或者黑鋼沙係唯一辦法, 好過你買埋咁多冇用既野.
多些睇下網友既魚缸設定吧.

_________________
多多交流, 多多研究, 多多搜尋
我的水族相簿

我想問SuperCTW
kh值如果太高會點呢??
kh值係因為咩原因而上升呢?

同埋如果我繼續用呢隻沙,玩陰草都唔掂??
主攻moss同埋椒草可唔可以呢?
同埋我已經渣左檸檬汁落去~~HCL氫氯酸黎down番佢個ph值又可唔可行呢?
(我真係新手一名,已經睇過好多論壇...但係都想問清楚一d........唔好介意)
同埋果d根胞液肥基肥同埋ph test唔係必要ga咩??
我想知道我買呢幾隻個效果好唔好

"底層如果真係珊瑚砂黎, 只會不斷咁提升kh, 而令ph 一齊上升", 看到嘛, 珊瑚砂太多石灰質, 加酸性物質只會更加溶解多些石灰質,

都說首先"必要"既係轉底層呀, 最大令你種唔到草既原因黎.
如果唔轉, 就用咩都冇咩效果囉. 明唔明呀.
種水草係要用中性或者弱酸性既底層呀.

_________________
多多交流, 多多研究, 多多搜尋
我的水族相簿

咁我明白~~
我諗住養陰草~可唔可以list d底材俾我呢?

管大有講喎..
泥係弱酸性
黑鋼沙係中性.

咁我決定去買沙~

我仲想問~我而家14"缸
用直管~NEC
夠唔夠光呢???(直管得一支)
同一個size既光管係唔係有唔同w數呢??色差又係咩黎?????我要用幾多色差先岩呢???