水草情迷

頭先回家吃飯,竟然發現佢地散左~
好開心~
但一睇,唔對路~
條公魚條尾有d闌wo~鰭都有d咁ge問題.....
再睇真d 佢,又發現佢隻左眼都有d白色ge野,好似霉,遮住左隻眼一半....
好驚呀!!!
立即將佢放去我唯一ge醫生缸!
我捉佢時,2條魚合力攻擊我隻手!當我捉左條公,安置好佢,又發現d蛋蛋冇晒!!!唉呀!!!救命呀!!!!!!!!!點會咁,由天堂變地獄....
我對d水質一向keep得好好ga.....點會咁!!!!我只係呢2日提升個溫度由平時26去到28姐.....仲有俾d冰虫佢地!($9蚊/包)我有叮熟先俾佢地食!

我出左咩問題呢?水我都立即check冇問題wo....

我應該點救條魚好?我睇過之前師兄們ge post,都唔明我魚ge係咩病同埋用咩藥?
希望師兄/姐可以指教!thanks!!

D EGG應該食左.等下次

_________________
http://www.ec-photo.com/orsaikit/

"我捉佢時,2條魚合力攻擊我隻手!" ....... 你用手捉魚架?點解唔用網?
母魚散果時係惡d.可能係條公比條母魚打成咁.如果係就用鹽水浸下佢,又或者落黃粉可以喇.
重有,兩條魚一齊攻擊你,証明已經比你嚇親,咁就會用最原始方法保護d蛋蛋,就係"肥水不流別人田,寧願自己把肚填".

thanks 各位師兄~
我真係太大意喇~太心急!所以用手捉~
我都明白係食左d蛋~
但我怕條公係有病先會咁做~
經驗不足.....
小苦榮兄,想問下咁佢隻左眼問題點搞呢?因為有d 白色mo ge 物體遮住左隻眼一半~
用黃粉都可以嗎?份量上,向我呢個case 用幾多好呢?
thanks~

正常小擦傷, 自然會好架.

落鹽或黃粉主要係幫佢消炎殺菌,好似草人兄講,佢係靠自己好架.唔知你個缸幾多水,跟佢包裝份量5-7成無壞,落藥寧少莫多.

係呀!!
thanks各位師兄!
咁我今次咁搞咪真係捉虫?
下次再有呢d情況,我點做好呢?

下次最好咩都唔好理
最好望都唔好望就最好
荷蘭好易受驚...一驚就食晒0的卵嫁喇....

哎呀~
情況好差~
公魚已經就快唔得喇......
而母魚依家又再次盤泥....
我今次係唔係做得好錯呢? v.v"

無計..
有時心急..就會做錯事
我都成日做錯

心情好差....
覺得我害左條魚

開心d啦,下次唔再錯就得喇,經驗好多時係要響錯誤累積返來.

我見到條母魚....不停咁向缸邊游......
好似等緊佢老公返來咁....
佢地平時真係好好ga~出雙入對...
不禁神傷~

條公...
終於死左喇....
唉~
想問下師兄....
如果我配返條公,可以嗎?
條母魚會唔會唔肯"改嫁"?
thanks!!