水草情迷

我大年初二係發記用280買左對起紅鳳尾. 個肥叔叔話好易養, 我問佢可唔可以過倒人日. 點知開口中. 條姆就係人日就升左天. 尋日我再買番條姆, 個sale話之前條姆可能係俾條公打.

尋晚我同老婆就check 住條公有冇古怪. 我地發現佢係條姆面前開哂d鯺, 又用條尾 Hi 條姆,不過隻姆就冇理隻公, 我地就諗住應該係條公溝條女啦, 心諗今次仲唔開枝散葉.

點知今日放工回來, 見隻姆躲起來, 又見條公追住條女咬, 唔知係咪食完檸檬打條姆呢?

我驚隻姆好似之前0個隻咁, 上前我已經心如刀割. 希望各位幫幫忙, 睇下有冇辦法救救鳯尾姐.

最好方法都係分開住佢地先..
隻母剛剛轉去新環境係會有點壓力
一係分隔開佢地養住先
等隻母魚身黃發情時才放隻公落去陪佢開支散葉

個sales話條姆已經黃發情, 依家我捉左條公, 放左落個魚仔箱裡面, 然後同我個仔講, 叫佢唔好百厭如果唔係我就好似對付條魚咁困住佢. 不過我個仔得10個月大. 我老婆話我痴線

鳳尾好惡架，小心又打死條母魚

我尋日仲見條公魚好似好溫柔咁用條尾hi條姆, 點知今日就見佢追住母魚咬

你在發記買?(條母魚..)
你睇落去黃唔黃?
如果真係發情d母魚會追條公多d
會叫條公入去鯛屋到嘿嘿

師兄..你應該睇多d舊post...汲取更多經驗...
如果唔係..好易比人呃../﹏\

_________________

達哥:

我已經search過D 舊post. 依家就已經落左疊, 洗濕左個頭, 唉, 希望佢兩條魚生生性性唔好搞咁多花樣.


IBelieveLung:

我唔知佢黃唔黃, 發記個sale就話黃，我見佢都係黃黃地色, 唔知夠唔夠, 但就唔係條姆追公, 而係條公追姆, 仲好粗暴下. 頭先見條公係個BB箱裏面轉來轉去, 好似好淒涼咁, 就放番佢出來, 希望佢兩公婆好好相處啦!

我都同意阿嫂

^^"
可以有幾個方法避免既~~
一係放幾舊石頭去比佢離下..一係就比舊木加d水榕(比較靚囉)
為左比佢地喱下又分下地盤咁~咁可以慢慢黎喇...
久而久之佢地就拍拖...之後.. 又...嘿嘿嘿...!

_________________

你係發x買條母魚買左幾錢丫= =?
可以唔洗一定去番o個間買呀
去第2間搵番條鳳尾母都得嫁啦~.
因為o個度o野真係有d貴.....
小心俾人呃喔

達哥,

我個缸32", 而經有好多草同埋沉木, 條姆有得躲埋, 但係就係咁成日就見唔倒佢, 上次條姆又係咁, 當我見到佢時已經係屍體一條.

jack,

算咯, 財散人安落, 有話俾人0屋, 人地明碼實價, 係我自己撞埋去.