水草情迷

最近開了一24"缸，泥面好似有青台，點攪呢，次次細缸都輸比佢。

減光照至5小時，清泥，唔加肥同兩日換一次水夠味呢

請問有沒有其它建議啦

試下放四五隻大和沼蝦入去~~

蝦唔係好食青苔, 用冇用的信用card 鏟走OR 加d 螺

ThankThank，

其實加多D快速生長水草有沒有用，如金魚草等等，等佢吸收多餘"樣"份。

我都試過此問題, 應該係綠水先兆, 如果有臭味, 有可以中埋藍綠藻, 你可以先2日換1次水, 如果仲係唔得, 加枝UV燈應可行

派１０條小精Ｏ大軍　ｏ拉！

不如用餵魚的蝦仔~
咩都食的(除了屎...)
沒有藻湯左佢地餵魚......

呢個問題都一路困擾我,依家全屋窗簾都拉哂(比老婆鬧緊啦),
叫做比之前好,但都要一星期擦一次缸

我之前都有同一個問題,成日要清潔玻璃,
尤其是近泥面o既更甚,但加左4隻粒縲之後,
未至於可以完全清除,但真的方面左好多

我咁樣講完之後,我諗魚街d粒螺又唔洗幾日又比人買哂 lu

其實每個新缸都好容易發生這種情況，主要的原因是草比青苔生長得慢，養份的吸收不及青苔快，而導致青苔爆發。

減光照確可以令青苔減少，但草也一樣會受影響。本來生長得好的草會出現追光的情况，生長得差的可能會死，所以若非迫不得意，最好不要試。

兩日換一次水確可以令青苔在水中繁殖用的苞子減少，但卻會令產生黑毛藻的機會大增，到時更煩。

清泥？無用，因為無論清多少次附有青苔的泥，它一樣可以在新泥上爆發，繁殖速度之快任誰也不能想像。

建議試試以下方法：

１，裝ＵＶ燈，殺死水中的青苔苞子，減慢其繁殖速度。要知道若青苔苞子在水中的含量若出現失控時，綠水就會出現，到時就大件事了。長期最有効的方法是裝ＵＶ燈。

２，用小精靈和小鬍子等魚將玻璃面上、造境板上和葉上的青苔除去。個人經驗小鬍子比小精靈强和快，但對水質的要求比小精靈高得多。

３，去灣仔水Ｘ店(魚街黑店都有，但不建議)買枝ADA的"PHYTON-GT"，防藻、防青苔、和防草病的滴劑，以一般２４吋缸計每星期滴２次每次３至５滴，連續２星期後視乎情況再作份量上的減少，如是者應該可以將青苔打敗。

４，將草缸搬離有太陽直射的位置，要知道青苔愛太陽。

其他如換水和用過期信用咭刮玻璃等動作一樣要做，但跟平常一樣便可以了，不用太過頻密。

當然，最有効的方法還是想辦法令草健康生長。健康的草可以將水中的養份快速地吸收，令青苔在缺糧的情況下減慢繁殖，達致一個平衡的環境。要將缸中的青苔百份百殺死是沒有可能的，能夠平衡到整個生態環境才是最終目標。

以上是我個人的經驗，希望幫到你。

多謝littlepillow兄的分享
小弟都受青苔煩緊
睇完真係幫到我唔少呢

最簡單既辦法係買鮑魚螺

以前我係定期用牙刷刷玻璃清青苔，但效果唔好又麻煩
引進一隻鮑魚螺之後 ( 12" x 7" x 7.5" 既缸 )，就唔駛再刷喇
以前刷唔到既泥面同玻璃交界 ( 即係第二幅相 )，鮑魚螺會塞個頭入去清埋
然後會有工作蝦填平返個凹位，全個清青苔過程不經人手

其他螺都會清青苔，但唔夠鮑魚螺咁高效率
唯一問題係當用泥底鮑魚螺會好短命，大概三幾個月就開始溶殼，要定期更換

_________________
草缸週記 http://aqua2.blogspot.com/