水草情迷

第一次繁殖荷蘭鳳凰, 幸運地開始有成果喇!!
於18/6/02 產卵, 今天已是第四天, d蛋已經變晒魚仔, 不過仲未識得游, 睇黎都要出去買輪蟲了, 不過唔知對父母會唔會一齊帶bb 呢...

小心其中一條會打交, 係就要分開了, 佢地打時係唔理o的魚仔係身邊o既.

_________________
多多交流, 多多研究, 多多搜尋
我的水族相簿

其實現在d魚仔未識游而佢地唔打, 會唔會遲d 又打架呢? 間中條母都有軾軾追條公, 不過條公唔理佢慢慢走咁.
ps. 請問一批魚仔要準備幾多包輪蟲比佢地呢? 吃幾多日要轉其他飼料? thank you.

呵呵. 係一包輪虫可以俾好多批魚仔食呀, 每次唔好溶咁多呀, 我多數溶一好少落水, 食唔晒擺雪櫃下一餐再食.

_________________
多多交流, 多多研究, 多多搜尋
我的水族相簿

唔好意思, 我完全未用過及見過, 是急凍的嗎? 你的魚仔一日餵多少餐?
我打算整個自動餵糧比魚仔.

是急凍的啦, 都未見有活生生o既.
我是早晚一餐. 自動餵糧 !? 新構思喔, 等你

_________________
多多交流, 多多研究, 多多搜尋
我的水族相簿

要睇下d 輪蟲是什麼形式至諗點做個餵糧器.
今日d魚仔仲係底部, 沒有游出黎...

我諗你要做個有冷凍設備餵糧器,如果唔係D輪蟲會臭！

餵糧器都唔係for 長時間既只不過好過無及方便家人幫手餵者.
ps. 到第6日d 魚仔仲未游出黎既?

應該游o左出o黎o架喎。

到而家都未游出黎呀... 是不是出了問題?

hi , 大家好 ! 我都有個問題 , 就係我 d 魚仔(鳳凰bb)已經開始游水了 , 而且佢地係游近條母魚或公魚 , 總知就係有一條會保謢佢地啦 , 因為我個缸係聯合個來的 , 而家既現像就係其他魚都俾佢地兩公婆迫 my 一邊,我睇佢地都好照顧自己 d 魚仔 , 但係會唔會遲 d 會食返 d魚仔呢 ? 因為前排佢地都有生過 , 不過最後都唔見晒 , 今次我都好擔心 ! 還有係唔係一定要餵豐年蝦呢 ? bb魚仔粉得唔得呢 ? 多多謝教呀 !

如果是在草缸, 是很難帶大魚仔O架, 在晚上公母魚是看顧不了魚仔, 而魚仔再大些, 是會周圍走, 很容易比其他魚食O左. 而且缸太大, 餵食困難, 都會餓死O既.
如果真的想繁殖, 獨立飼養是一定免不了.

最好的魚仔食物, 係孵了一天的豐年蝦幼虫. 或是急凍豐年蝦幼虫或急凍輪虫. 魚仔粉是不太吃的.

_________________
多多交流, 多多研究, 多多搜尋
我的水族相簿

我的魚仔今天終於游出來了, 公母都好照顧佢地, 而家出去買輪蟲比佢地食先.
ps. d 魚仔好似好餓咁, 四圍搵野食.

魚仔在消化完卵黃後, 就會四處游動找食物, 而且因為身體太小, 不能儲存能量, 如果不及時有食物補充, 很快會體質變差死去. 由於胃太小, 食物很快會消耗掉, 所以初時餵食要小食多餐, 以免餓壞了.

_________________
多多交流, 多多研究, 多多搜尋
我的水族相簿