水草情迷

請問師兄, 以下情況,母魚係咪巳經散左呢?
早一兩日, 條母魚經常走近公魚身邊挑逗..我見母魚唔算勁黃,所以冇點留意..
今日我見條母魚一味守住樽口, 仲時不時游入樽內. 一見條公埋就勁咬佢,..平時只有條公揪到佢冇得還手, 今日就相反喎...條公比條母魚打, 死死氣行開遠D,...
咁情況, 大家認為母魚係咪散左呢...我須要撈走公魚嗎?.. 由母魚帶BB 要否落甲基藍呢?
頭一次,.. 有點手忙腳亂添....

九成散左，快ｄ潛水做多ｄ功課！

唉...條公好驚覺,.. 我又怕嚇親條母魚,..
冇乜方法呢?.....

須要撈走公魚
如果由母魚帶BB就 不須要落甲基藍 ar

唔該哂你地呀... 不過, 我都唔知點撈好,.. 一郁條公就
呢埋... 冇哂計!!..

移走哂d草同木, 先捉公, 怕唔怕嚇到母魚呢?

你可以用食物放入魚網裏,慢慢放入魚缸
等候...........ok架

守樽未必=ok,不過如果母魚真的狠狠地追打公魚,9成已經搞掂左啦:c

其實見魚仔先撈公魚都可以,不過如果真係担心可以撈走公魚.唔好移走哂d草同木,會嚇親母魚,又搞到污糟野飛起晒,小弟建議方法(常用,work架!):

1.輕輕放魚網斜放於玻璃邊,待公魚走近迅速拍向玻璃邊;
2.放多鯛樽,公魚一入去即連樽帶魚拿走(記住用手指頂住樽口及樽背嘅出水孔)

仲有,如果由母魚帶魚仔係唔需要落甲基藍,因為母魚會替魚卵清潔.

希望以上意見帮倒你啦!

多謝大家將經驗相告, 事實上, 母魚也真的生了卵(這巳是不知多少天前的事了)
在此也想講講我d攪笑野比大家知啦...話說當時我並不肯定母魚產卵及卵有否受
精,.只見母魚不停追打公魚, 也不再多想, 一心要撈走條公, 經大家指點, 終於成功
搬走公魚了...之後, 母魚如常出入鯛樽(因為搬放時樽口向內, 所以看不到有卵沒有)
如是者, 再過三幾日, 發覺並無異樣,..心諗唔通中空寶, 樽內並無受精卵?.. 諗諗下,
一時忍唔住就一手取起了鯛樽, 由於拿起樽時, 樽口係傾向下的,..冷不防就在這時,
傾出了十數條身體仍是粉紅剛有頭尾的小魚,.小魚掉在泥上不會游只會顫動..這時,
心巳冷了一截, 很後悔自己一時衝動, 只見母魚動作迅速地埶走所有小魚,再次藏匿
於樽內....心想這次又失敗了..再過兩三天,..母魚如常在樽口附近活動,...這時我以為巳
徹底失敗了....於是把公魚放回缸內, 希望可快點再來過... 公魚入缸之後, 又被母魚驅趕..
也不巳為意... 點知, 尋日朝早起床之後, 行埋一看, 竟發現12/3 條小魚圍在母魚身邊..
而公魚則在較遠的一邊"發黑"... 天... 小魚竟還生存...真箇喜出望外哩...^^^

恭喜！恭喜！
有些母魚一受驚就會將卵甚至魚仔吃掉，
但母性強的雌魚衹會將幼魚搬左搬右躲藏，
你好彩喇！

_________________
水草來，田園去，情迷水族樂趣多。
閒將逸事思量過…
智者眾眾，愚翁是我！
爭甚麼？笑甚麼？

再有下次，記住要”慢慢來，輕輕力”呢