水草情迷

記得細個時候, 未有耐就掛住過新年. 一到放寒假, 七手八腳拿拿龍二三日就做晒d功課, 改拾書包好過年. 當時d大人個個都忙到七彩, 最好你唔好煩佢地, 一於無王管. 巿面一片歡樂昇平, 毫無怨氣. 放火箭焼爆仗, 由朝玩到晚. 夜晚係個被斗仲倒數有幾多日到新年tim. 真係發夢都流口水架.

聖誕就唔同嘞, 課餘仲比個惡鬼miss留住唱聖詩, 平安夜又要報佳音. 私人時間比佢霸晒. 仲有放假之後就要考試, 玩都玩得唔開心.

今日大個左, 人又老左嘞, 樣樣事都要親力親為去打點, 工作永遠做唔完. 新年又要打掃整理, 唔鐘意見到既人都要同佢拜年. 一到初二己經無晒d新年氣氛.儍吓儍吓咁就過左一個新年.

E+聖誕節係放假就真係放假, 無咁多煩陳俗節, 無節目都唔緊要, 得到那額外一兩天既寧靜. 拋開一切, 幾舒服架.

不過,…. 最好卄五號係星期一, 跟住元旦一定唔係禮拜嘞. 打工仔有邊個嫌假期多架??

_________________
琉璃世界波光影 流轉逍遙逐水城
回首前塵疑是夢 迷濛醉眼羨魚情

記得細個時候，冬天凍D，一到冬天tea tea震架。
係啦，細個時覺得新年熱鬧D，但聖誕會跟老豆出去睇燈飾，以前細路時一年都唔會有一晚出去架嘛，所以印象都好深刻。
到大個左，我鍾意年尾，年尾生日，之後聖誕，再過埋兩個新年。不過跟住，就係漫長既一年，好悶。悶，都係因為日日都係返工放工，覺得一生人咁過去好無意思。不過黎緊呢一個農曆新年之後，就會有新方向啦。
許個願先，希望來年開開心心，事事順利！

_________________
老鬼一隻

新年!!!有錢洗!!

_________________

無乜所謂~返正年年新年聖誕都要幫手架啦
不過人大左
新年=煩...執屋買野搞餐死(就快到啦 )
聖誕快樂D~成班FD出街食下野行下街咁...出街影下燈咁
細個就想快D大~~大左就想做返細路仔

_________________
~狗會~有興趣可以加入
http://www.hkschnauzer.net

我好贊同htimsorea, 可能大家仲都係學生
新年d利是真係一筆橫財, 買咩都得心應手

某程序上來說, 我的節日節目同F91都好相似
反而係大個左, 唔係好重視執屋搞清潔
而且細個果陣我都唔想長大直到而家, 因為細個真係無懮無慮
唔似而家為考試為前途煩ma...

兩個節日我比較喜歡新年
因為可以見到平時少見的親戚
朋友平時見得多, 聖誕都係果堆走埋一齊, 今年都唔例外
明年可能會和家人過聖誕, 扮下乖仔ma

新年利是~我唔多理...因為太少~好話唔好聽~我同人修理一次電腦都多過佢
學生果陣可能無搵錢~真係唔錯既~無啦啦多少少錢用~~大左d就唔同啦我想要個氣氛多過要d錢
我唔執屋搞清潔~買過年要用既野食既野一定俾人鬧死
都係樂趣黎既~成家一齊做清潔都幾好架其實
買野又可以扮師奶去掃貨喎(我以經成日俾人話我係師奶 )
聖誕係因為我無女朋友o者 有既話第1個陪佢先啦死都
朋友見多d無壞~真係出左黎做野你就知朋友.....係好難見!!! 要成班一齊出到黎係更難
出左黎做野唔搵唔搵~~真係好易朋友都無埋

_________________
~狗會~有興趣可以加入
http://www.hkschnauzer.net

我都係鐘意新年多

新年~因為新年考完試~

_________________

有邊個唔係日日都係返工放工, 悶到嘔? 不過今時唔同往日lor, 有工返先至有寄託. 有新方向就有突破, 有突破就打開悶局, 希望Leelee姐馬到功成, 一婦闖關, 萬夫莫敵.


可能我果陣時儍吓儍吓無乜奢望啦! 有幾蚊雞買個摩打轉吓轉吓己經好開心, 若果買到盒模型仲誇啦啦呀.


咁你就醒過我lor! 都唔知乜解究? 未曾試過搵到外快, 暑期工都唔夠人爭, 失敗! 憾事! 我都係追求氣氛, 當時果種感受非筆墨能夠形容. 過去就係過去, 無計啦, 只能懷愐過去.


哈哈, 廉仔你又梗係鐘意(才豆)利是嘞!

_________________
琉璃世界波光影 流轉逍遙逐水城
回首前塵疑是夢 迷濛醉眼羨魚情

無錯ge~
氣氛真係好重要
以前過年果陣比阿媽迫住同人拜年周圍去
而家大左, 都唔係好想出門, 可能大左就唔重視傳統lo
就上一年來講, 成個新年都無出過遠門同人拜年
有d野可能真係過去就過去la
希望來哽ge一年會好一點

果汁先生,
我做左好耐整電腦架啦...我有一班熟客架....不過收入就真係唔定囉...我家陣都未搵到正式工(之前係我頂唔順走左) 我返緊工果陣都會另外做整電腦架(兩邊頂有時真係死得).....唔停得架...停左就無客路架啦(客路會不停增大)...只要搵得你1次~9成會搵你第2次~~靠網友~親戚~朋友介紹客囉~無錢開鋪係咁架啦~

_________________
~狗會~有興趣可以加入
http://www.hkschnauzer.net