水草情迷

你地點保養自己個蝦缸~~~~~~~~~~
唔知點解我個櫻花蝦~~~~
一家大細死剩一半~~~~
我超唔開心囉~~~
求教求教~~~
p.s我用黑珍球做底~~加一細水妖

咁你個蝦缸又係點架, 又幾大, 種左乜, 開缸幾耐, 有幾多隻蝦呀 ?
死蝦好正常, 因為跟本唔易養.

水

加強水流/溶氧度,會有幫肋的
比少d野食,密d換水,少量咁換

邊個話吾易養
純蝦缸只要吾好太大個(冇錯,反而大吾好,易死蝦),吾好落d古怪野入水,d蝦冇理由易死
重點係一次放蝦量同d水入缸前有冇保證已經除氯

謝謝指導, 除氯的意思是用隔夜水打氣, 還是用新水劑呢.

隔夜水打氣
最好仲要晒太陽
吾好,吾好用任何新水劑
化學品除左ph down小小可以外,一律禁止

再唔得既話養水2星期啦

_________________
God doesn't forbid anything .

亞 13 兄,

請問你所講0既 "缸越大越唔好" 有乜理據呢?
細蝦缸又有乜好呢?

大既係溶氧,水流,溫度控制上都比較困難
水質本身可以用其他野去補救
再者,蝦好似會發出一d氣味.如果缸大既d蝦好耐先會安心正經咁生活而吾係走來走去吾食野

要大缸,冇幾個氣泵加水冷機都真係好難零死傷

1. 溶氧可以從種草同埋打氣解決, 大缸細缸都有呢個問題
再者, 缸氧好睇你個缸養蝦仔0既數量, 大缸控制蝦仔數目會更好

2. 大缸通常用上 2 個濾水器, 唔存在死水區0既問題

3. 溫度控制同細缸無分別, 呢個係同你個缸尺寸好有關係
係計你水同空氣接觸面幾大有關

4. 水質可以用乜0野來補救呢? 請指教

5. 乜0野生物一去到新地方都唔會立即安心正經0架啦!

6. 玩得大缸唔加水冷機當然無咁好啦! 但 so far 我個 30" 缸
無風扇, 無水冷, 個缸日日 32 度 D 珍珠蝦都無事
呢樣就好睇蝦本身0既耐力同水質0既穩定喇
唔一定水質好就叫做好, 最重要係穩定

唔穩定 + 水質差 = 死蝦
唔穩定 + 水質好 = 死蝦
穩定 + 水質差 = 死蝦
穩定 + 水質好 = 死蝦

所以點解我成日講大缸會比細缸易養魚蝦就係因為水質控制易好多

1.蝦缸用植物入夜會好易死蝦
2.蝦缸水流要細,幾多個都冇用,太大水流d蝦吾會安定,又會易死
3.好有關係,細缸只要58蚊就可以安全過渡夏天,大缸只有水冷機一途
4.吸氨石,活性炭,黑珍珠.反過來大缸用前兩者既效果較少,一有咩事你去邊搵咁多水換,真係換都換吾切.
5.蝦係大缸需要安定既時間多好多倍.而且,如果個缸之前有蝦生活過而d水冇換,d蝦都會立即安定
6.吾好講蜜蜂咁麻煩,你試試紅水晶睇下點.珍珠蝦吾怕熱,其他蝦死比你睇

錯,蝦事實上對變化既接受力好強,試過好多次直接由草缸放d蝦去蝦缸,吾對水,由ph6去ph8,次次都冇事,仲立即好好咁去食野.重要係冇NH4,NO3,NO2等等,夠多氧氣供應
我個細缸除左一次我吾小心加得太多ph down去到4時死左一隻之外完全係零死傷,仲增值左好多蝦b,水質仲穩定過草缸,NH4,NO3,NO2全部零,ph 7.8(水喉水ph,自從一次重手之後冇再加ph down),日日餵食物.

大缸係水質改變得慢,吾係易控制,一出事你去邊搵咁多已經除氯又冇化學藥劑既水

你所講0既係如果有事才發生0既事
我所講0既係一般保養0既事

1. 蝦缸用植物入夜後點解會好易死蝦呢? 唔夠氧? 咁細缸又好夠氧?
2. 大缸水流都可以做到好細, 好似我咁, 只需要係出水口前加舊木就已經減慢水流, 但流量無變
3. 呢個係錢0既問題, 同大缸細缸無關係, 唔係話細缸就唔易死
4. 只要個缸水質穩定, 何解會"有咩事" 呢? 細缸"有咩事"換水就得? 大缸"有咩事"換水就唔得?
5. 隻蝦識分大缸定細缸咁勁?
6. 又係0個句, 咁大缸同細缸如果熱都係一樣0者, 回番第 3 條

大缸水質改變得慢呢個 point 已經 support 到我所講易控制啦!
唔通改變得快又易控制? 奇怪

再0個句, 你將事件定性為"一出事"
咁大缸同細缸都會得出一個答案 --- "出事" 囉
無話大缸定細缸好呀, 因為都係 "出0左事" 啦!
乜缸都 "唔好" 啦!

1.正確係根本吾應該靠植物,除左莫絲外一律吾植,每10L水要一個氣泵
2.咁咪有死位囉,放D會浮既野入缸,可以發現有咩位係冇水流既
3.但明顯地對大多數人,細缸比較合適
4.大缸換水既水量好多,而事實上所謂有咩事好大程度係一直慢慢增加既NO2,當然,你如果講好有錢,大缸都用晒黑珍珠做底,又keep到ph 7而吾係再低,咁冇野講
5.隻蝦會分到d環境有冇蝦生活過
6.細缸只要冇陽光直射,本身都會冇咁熱,呢個係表面積同體積既問題,當然,你整個8"高但50"長既就冇得講

水質改變得慢吾等於易控制,因為同樣你要處理時反應都慢好多.吾係一定出事,好簡單,no2增加,只要係酸性缸,幾乎避免吾到,就算吾係都要個硝化系統做得好好先得,因為水少細缸相對可以換水換得更密,而底床同水量比都比較大,硝化效果比較好,正常人吾會用8"高既大缸掛

你水多事實上係加大左buffer,但同吸氨石+活性炭比,個buffer能力根本差好多.為左buffer大d而增加其實管理既麻煩,優劣好明顯

而再講,如果大細缸同一平方尺既面都一樣咁易打理,細既要花既時間就會更少(一日餵一次,1分鐘都冇,一個月都未必換一次水,一次只要1x分鐘).而所需支出都少好多,起碼冇左個水冷機.一比較之下,推廣細缸比大缸更有好處,而且細缸有位既可以多開幾個,放吾同既蝦,或者比吾同大小既蝦分開,生存率會更加大幅上升.以成本去睇,同樣可以零死亡率既蝦缸,一個大既可以變成最少10個細既,咁邊樣抵玩d?一個大既只可以繁殖到一係陸封一係海降蝦,但10個細既?

再黎
你有冇睇番d舊post,細缸而保持到底溫既缸,好多版友都養出蝦bb
但大缸既,只有有水冷機同好多裝備既先得,而大缸水溫keep吾到既就死蝦一堆
咁去睇,人地新學養蝦,係有限錢上當然係選擇易於控制溫度既細缸好,反正只要加左吸氨石同活性炭,黑珍珠底.以正常方式一次吾好放太多蝦,分次放入,根本吾會死蝦,吾會有買蝦一定有死傷既事

ps.如果用你既講法,水質變動事實上都係出事,咁吾出事既一杯水都得添.