水草情迷

想問下各位有經驗的草友
其實呢個問題都想問好耐了
如果我個草缸用俾之前多w數o既燈光照
係咪可以縮短光照時間呢
比如 完先用20w光照8個鐘
而家用40w光照4個鐘可行嗎

You can try....But not recommand.....

不行啦...4hrs...太短啦...
至少7hrs 啦...
光合作用要用時間run up 到peak period 架...

最大問題會有可能燒死d草

是啦, W 數同 光照時間唔可以咁比較, 如果係咁, 比支150W 鹵仔, 咪只係照得 1 個鐘囉.

又調返轉諗, 如果係低 W 數光管, 亦唔可以用長時間光照黎代替呀.

hi royyeung,

如果配合得好, 應該是可以的.
因為來來去去都係rate of photosynthesis既問題, 這關係葉綠素action既process.
只要乎合:
1. 不能太暗: 因為要平衡"light reaction"和"dark reaction"
2. 不能太光: 正如utopia13大說, 怕燒草

其實係大自然, 由於會有影子(shadow)和天陰既日子, 可能一天只有兩三小時係有很充足既陽光(其餘既都可能會比較暗)...所以最光既時候, photosynthesis rate 會急劇加快....

我只疑惑, 如果人工草缸利用"急劇加快"的方法做light source, 會唔會令植物有追光既問題? (那"追光"是指植物生長高速度加快, 節距加長.)

ps. 其實如果你有本事, 搵到一枝Watt數大, 而又fit到你既缸, make sure可以解決到"死位"既問題, 再配合我以上所講ge.... 我覺得真係work ga (當然你唔好捉我字失, 將枝燈整到好高la)... =P

to Winz: 但係點先叫配合得好呢??講就易,做就好難

我覺得如果photosynthesis去到peak之後, 再加光係無用...正如你每日要食十個包,但係一個鐘只可以食到一個,依家俾十個你,要你係五個鐘食完.食唔晒就收番. 咁你夠唔夠飽???

不過我又覺得試下無妨,自古成功在嘗試

呢d都係玩魚玩草既樂趣黎

to K仔:
photosynthesis 去唔去到peak rate 唔係睇時間ga....如果所有野都係optimum, 幾分鐘就ok
問題係四個鐘d草草做既product(starch)夠唔夠佢食jei (我諗你的意思係咁gwa)

少少更正!!!

hi tommysllo,

你沒有看我說:

每一種植物都有不同份量和種類的葉綠素, 有多有少, 只要你測試到那些植物的葉綠素在缸中何時可以去到optimum位, 之後關燈就可以了 (就是用這方法控制時間). 可是還要顧及dark reaction的時間, 太長的話就會失衡了. 當然, 開燈時間也不能太長, dark reaction太短一樣唔掂!

正如有大大用150W HQI在24"缸種草, 開了5小時就關上, 草一樣靚ar... (但不用忘記, 日間家中還有自然光, 而不是全黑ar...封缸另計 =P)

欣賞這個網...因為一個專業的網...
一定要具備''theoretical base''...跟住先到''practice''...
這是其他網不能做到...

其實...如果講大自然...
植物的光合作用最有效時間應該為10:00- 11:00am...
咁我地開燈時間以經反大自然...咁又有何計算可然...

而我的理論為...
光合作用要用時間run up...
所以開始果一兩小時...吸光實在很有限...
當然啦...唔夠w...開24小時都不行啦...

但如在以往每分鐘夠w 的情況下...加大w數...只係浪費能源...加速香港空氣污染... (倒不如用相機閃光燈照一下來得環保... )

Hi Winz,
我既意思係係屋企好難去measure個 rate(有咁多種草同要有唔同Watt數的燈)
sorry for 我個句"講就易,做就好難" 令你誤會
其實如果火數suitable,可以開少d時間都係好事....

K仔: 我以前做bio lab(F.7) set 好d野....個photosynthesis 就巴巴聲..maximum rate好快到ga...
咁當然開始既時間梗係唔係最快la....我堅持的是photosynthesis不用一兩個小時run up先去到你個缸的conditions的maximum rate(conditions include Light, CO2.....等等)
開小d時間係d草唔夠食....我上面講的
其他完全同意....呢度係一個好地方

死啦...我睇唔明tim

仲有....之前唔記得左打

Winz 兄:light reaction and dark reaction在有光的時侯是同時進行的, 無光就得dark reaction
如果有與趣, 可以去商務搵AL bio 書....都幾好睇ga

royyeung兄: 唔明唔緊要...再問囉!!

養魚既野就唔敢講, 我對AL BIO 既野都仲記得D, 希望可以幫到大家
理論還理論...始終經驗都好重要....請各位幫下royyeung兄la

有感而發! 好似work done, manhour li d 計算法激死好多人架!
Eg 一件工程要100 manhour完成, 咁係昧200人就可以半粒鐘攪掂? 一日食廾一餐, 就可以成個星期唔使食? 唔得架嘛!!

_________________
琉璃世界波光影 流轉逍遙逐水城
回首前塵疑是夢 迷濛醉眼羨魚情

只修過少少...大學時...general education 無意中係生態書看到的...
只識少少...又唔多明...
唔知有無生化專家可以分享一下呢?