水草情迷

我不嬲對工作魚無乜興趣, 係因為佢地周時成條咁掛係缸前面, 又同埋個樣平平. 因為爆啡藻, 無計啦! 換水減糧之餘仲要搵佢地幫手. 卒之咪買左四條飛狐, 四條小精靈lor.

我好密切咁mon實佢地, 期望有成績睇.

飛狐 – 無時停, 姿勢動行多多但一d都唔實際. 東咬一啖西咬一口, 非常非常之唔專心. 見到有糧仲搶埋一份tim. 速度比燈魚仲要快, 激死! e家仲食埋d嫩草tim. 為左要佢地做野, 一於三日一次糧, 餓埋其他d魚tim. 我比E佢地.

小精靈 – 佢地心無旁貸, 專心果個程度自嘆不及. 做到頂唔順就原地不動, 畧作小休之後又再黎過. d啡藻比佢地攪掂七七八八. 我比個A佢地. 之不過我覺佢地真係少左一d精靈(唔識蛇王). 之所以叫做’ 小精靈’. 事必無因架.

有感而發, 佢地都幾似我地架.

話時話, 開始發覺佢地都幾得意. 一望埋去就想搵吓佢地係邊度? 做緊乜野? 通常都要花成六七分鐘至睇到晒. 但有時真係搵唔番晒佢地係邊.

_________________
琉璃世界波光影 流轉逍遙逐水城
回首前塵疑是夢 迷濛醉眼羨魚情

小精靈好D，唔會點大；飛狐唔覺唔覺又大D，四條養到終老(10年左右)都幾係野。

我都覺得飛狐好唔得，仲成日吸ｄ蝦仔，嚇到有隻跳缸死左！慘！
不過我無養小精靈，但我的金青苔都好乖呀～好落力工作（不過一批批，呢批好乖，上批成日發神經！），我都會俾個B+佢地呀！

_________________
老鬼一隻

養金青苔不如養金鬍子，又靚又定 再瀟灑的皇冠直升機仔 靚。
d 飛狐大左殺傷力都幾驚人(巨大航空母艦級)，食晒我舊迷你鳳尾苔 嬲嬲地真係想賣鬼左佢地 飛狐真係會食蝦架，有養就小心啦

_________________
你一天中僅有這麼多個小時，你只能在這個時間內努力工作，那麼為甚麼為錢而拚命工作呢？是不是應該學會讓錢和別人為你工作？這樣你才能夠自由自在地去做其他重要的事情。

我草缸的飛狐同鬍子都係食糧大，最欣賞小精靈偷食得最少
不過其實我覺得唔係種種藻佢地都食
有次我試過放一稞葉面生滿了啡藻的鐵皇冠落草缸，三種魚即刻衝晒埋去係咁啜，一陣ｄ葉就由啡色變左做綠色
證明如果有o岩佢地胃口既藻類，佢地係會一滴不留咁同你清左佢

果果都話小精靈好...
不過唔知點解我果d可以吸1住一個位幾日唔"沃"...
好似d大師入定咁樣..

我舊迷你鳳尾苔比五條飛狐圍嘔，渣都冇，好彩之前比左一半網友做Backup。金青苔越大越傻，水中駝鳥，大D玩泥沙時你就知味道，B+聽改為打靶。

(p.s. 湯米哥，有D記掛你個<A Href ="http://www2.aqugrass.com/phpBB2/viewtopic.php?t=33522" target="_blank">五兄弟</A>)

講真呀，我都唔知佢地挨唔挨得大，我個缸，落乜工作魚都瘦身死，有效過羞辛糖。

_________________
老鬼一隻

鏍絲大大 五兄弟影完相，賣左條比同事，變返我至愛樂隊之一四兄弟合唱團(THE BROTHERS FOUR)，好似大左D，好靚 咦 不如比四條巨大航空母艦級飛狐你做Backup囉

_________________
你一天中僅有這麼多個小時，你只能在這個時間內努力工作，那麼為甚麼為錢而拚命工作呢？是不是應該學會讓錢和別人為你工作？這樣你才能夠自由自在地去做其他重要的事情。

嗯~~~~~我基本上係一個工作魚狂, 因為我覺得工作魚吸下吸下d水草, 覺得d水草同佢地有d互動關係, 同埋覺得佢地最重視d水草......
唔係好似其他魚咁, 魚有魚游, 草有草生......
我現在缸內有四十幾條工作魚.....重想加迷你皇冠直昇機及斑點鼠.....反而觀賞魚得十幾條....!
我覺得工作魚真係各有各好, 而且唔係用來救命.....係用來防治, 因為我覺得好多已成形o既藻類,工作魚都食不掉......所以應該在沒有藻時就用工作魚, 吃掉浮游或依附在葉面o既藻泡子.....

p.s. 不過我太多飛狐, 而水草生長唔夠好, 有點枯, 就不停被飛狐吃掉........ 真係自找麻煩~

_________________

www.cau-aqua.net


http://killieclub.hk

三角莫絲、迷你鳳尾苔全軍覆沒，迷你寶塔、十字珍珠吊緊命，最多放得落八吋，加埋等於幾多條，你自己計，聽晚過黎收貨。

我都同意小精靈好似成日吸一個地方幾日, 好似冇飛狐咁勁. 我既飛狐係食糧大既, 平時唔會食藻, 不過如果有藻的話, 我就停糧, 佢地就好快清左啲藻.

我自己覺得飛狐無論對魚同藻都好大殺傷力, 我有次見到我條孔雀俾我既肥狐打中, 真係飛開幾 cm. 不過草佢地就唔多咬, 好彩...

如果d草真係好多藻,其實拔起佢放左蝦缸仲好,清潔左再放入大缸,順手剪剪佢
真係咩藻都乾脆晒,黑毛都食晒
比魚有效又安全(大和以外)

哈哈...年尾 appraisal，飛狐得份好差，唔係減人工就係被炒尢！

LeeLee姐，你發喇，你缸水咁勁，一樽樽入起佢，包靚佢，改名瘦身水，賣翻1-2千蚊支，平冇人要，註明唔洗做運動，一支見效，諗諗佢。