水草情迷

前晚發現屋企個缸有兩條魚起白點, 第二日即刻加暖管同落藥啦, 不過返到屋企發現有幾條魚已經感染左喇, 尋晚見佢地都未好返, 反而見到三條孔雀 b 既情況仲好嚴重, 除左魚身有白點之外, 對眼都有 d 白色好似雪咁既野圍住, 今日見佢地都仲係咁....其他魚魚既白點亦未好, 想知道三條孔雀 b 係咪無得救架喇? 通常白點病要幾耐先好? 我支暖管較左 29 度夠唔夠呀? 因為有蝦係裡面唔知 d 蝦可以受幾多度.....?? 好擔心呀? 如果佢地再唔好返咁可以點呀? 唔該各位解答下丫.....

日本冇色白點藥 (綠色盒)，温度keep住30。我落左一支細60ml。呢隻藥OK，七曰內不換水，魚兒及蝦巳完全康復，水草冇問題，誠意推介。

唔該哂先, 不過想問下有無藥既牌子名呀? 我個個係 12" 缸黎架, d 藥既份量要幾多呀? 係咪一次過落哂就得架喇? 仲有就係係咪連孔雀既眼病都可以醫治埋架?
唔好意思, 救魚心切, 好多問題......麻煩哂~~~~

哎呀........真係唔好意思呀?? 問漏左一樣呀? 我已經落過藥水, 兩隻藥可唔可以溝埋一齊呀? 駛唔駛換咁 d 水先呀? 如要, 要換幾多呢??? 多謝解答~~~~

其實加粗鹽都OK嫁WOR

都試過落粗鹽架, 不過唔得呀~~~~

加鹽+30度我次次都得
比d耐性啦
不過驚唔得既都係用藥啦~~好過死魚

_________________
~狗會~有興趣可以加入
http://www.hkschnauzer.net

試過加到32C 度水，效果更快，但D魚要頂得住先好！

多謝各位解答, 不過今日返到黎兩條孔雀及兩隻蝦已經升天, 其他魚仔仲有白點, 連前兩日無既魚今日都發現身上有白點, 都唔知佢地命運究竟會點??? 希望佢地吉魚同吉蝦自有天相啦!!!

藥名:白色透明白点病治療藥 魚病藥+日本字-科技水族有售 (小號裝-60ml)，寫明 水草に安心 觀賞魚用
我個草缸之前都落過AZOO籃色藥，但只要先換三分一水，120L水落晒60ml (說明書有漢字)，然後 Au 7日。期間不換水，不落肥，魚兒便會在等6至7天康復(包括缸內蟲卵)，水草不會變差。