水草情迷

小弟既蝦缸本來都會keep住開燈6個鐘左右
之後因水溫問題而試下停開幾日
後來發現蝦身淡色左好多,好似對水時一樣
但係活動能力應該係正常既~
其實燈照對蝦既健康有關係嗎
ps 我養既係櫻花蝦

吾同蝦吾同
主要係環境影響,佢地會變成最似環境既色
另外,食物都有,如果紅色蝦,比多d胡蘿蔔素佢地食啦

唔該曬先
但係長期係黑暗既環境下係唔係會比燈照冇咁健康?

我個蝦缸都係開燈4個鐘左右... 但d 蝦好紅嫁喎.....
d 蝦紅唔紅仲好好多因素

你地咁講姐係紅就健康?
我試過用唔同沙來養,白沙就淡色d,黑沙就深色d
咁代表白沙養蝦冇咁健康嗎?
太多問題了
我只係怕燈光影響佢地生理時鐘既問題..

其實我都認同係有小小光好d.....基本上所有生物, 除了深海生物, 或地底生物外; 其他生物都是在有陽光的環境下生長比較健康, 人類都一樣, 曬太陽可以幫助製造維他命D.

_________________

www.cau-aqua.net


http://killieclub.hk

唔... 我都覺係咁上下,冇燈照應該冇咁健康
唔該曬咁多位大大

我諗唔係,咁深海d生物味好大獲??!!

我讀書果陣時學過話甲殼類生物身上有d細胞,
入面有d黑色素,隻生物遇光時會刺激到神經系統(??),
令d細胞release 色素出黎,咁隻野就變深色左.
所以應該唔關健唔健康ga問題,而只係對光生出自然反應.


um..燈光好似真係會影響,所以d動物會因應太陽光照長短而繁殖,
原因好似都同d黑色素有關.
其實人都係受光照影響格,唔係你都唔會日出頭起身返工la
當然,冇光照真係冇咁健康,人晒太陽會皮膚會製造維他命D ga.

唔g有冇記錯呢,都成10年8年前學ga lu,
有冇大學讀生物ga師兄更正呀!!
悶親大家唔好意思.

有冇大大試過長時間封蝦缸?

其實我意思係有光d蝦色會深d(紅d??),所以你
"之後因水溫問題而試下停開幾日"之後d蝦色淡左.
所以深淺色我認為主要係光ga原因,即我之前講ga
甚麼細胞release色素(對光生出自然反應), 至於對蝦ga健康影響就真係天曉得lu(冇睇過呢方面ga研究報告 ).不過當年讀書時就係話對動物有影響,即你所講生理時鐘.
另外你有冇養魚ga??有冇留意熄燈後第2日d魚色都淡左?
同埋我買魚後習慣放入背囊,2,3個鐘後返到屋企,d魚d色都係淡左,落缸照燈後d色又正常返lu.
所以我諗想蝦靚就一定要光照,至於長短對健康問題,唯有不負責任d咁講,跟返d蝦ga生活環境law.

至於白沙淡d黑沙深d就正如utopia13所講因為環境影響,
保護色ma.

其實我想g你係味擔心唔夠光d蝦色唔靚,多得滯又影響隻蝦
ga健康??
唔好擔心咁多la,唔係開足24小時味得law(要比電費呀)

希望冇誤解左你ga問題la.

其實我只係怕長期唔定時光照
影響佢地既生理時鐘.
蝦仔靚同唔靚我都係咁養
只係想減低死亡率
唔該曬咁多位大大