水草情迷

先謝謝兵工廠兄.
其實都請各男或女, 魚或水草迷, 要珍惜眼前人, 同養魚種水草冇關, 女朋友唔係嬲你個魚缸, 係嬲你對佢唔好.
你俾佢覺得你愛佢, 佢話之你養恐龍丫.
想別人愛你, 先要去愛人. 想別人體諒你, 先要去體諒人.

_________________

www.cau-aqua.net


http://killieclub.hk

岩喇!

小弟不知不覺結左婚18年喇(不過我唔係7老80), 女人同男人的確幾唔同, 衣食住行, 發覺有時大家睇法都好唔同, 男人比較喜歡研究, 花錢養魚養草, 有冇成果都樂在其中, 女人就喜歡打扮, 花錢買個LV手袋, 值唔值也是樂在其中, 男人得到個女人做佢老婆就認為佢呢世都係佢老婆, 一切從簡, 女人就計較要有不段延續的關懷, 有浪漫才是有質素的婚姻, 因此大家好多時就因為在同一件事情理解同期望唔同而產生磨擦, 人類話自己跑贏動物, 我認為只是電視/雪櫃/洗衣機, 人與人的溝通, 始終停留在石器時代, 在體諒及專重的態度上跟本沒有進步過, 講笑好, 認真好, 避免過份的用詞, 覆水難收, 對方一定記住.

大白菜兄, FANS兄,
講得真好。
大白菜兄你那句 : 想別人愛你, 先要去愛人. 想別人體諒你, 先要去體諒人. 好"正"呵, 我相信有情人會感動。

另外呢個post令我聯想到大師種蘭花的故事。

屋企我最惡,無人敢嘈我,禮拜六又去買第五缸。

第五缸??

估唔到大家一肚苦水!!

其實女人呢家野, 宜軟不宜硬, 佢地發脾4 , 味就下佢地囉!!

我等在7年,靠個仔片在4條金魚仔老婆先比買缸jar.
d金魚仔一死立刻接收個缸
就在這時侯,當我唔打online game 轉玩魚時.
我老婆就接收部電腦, 仲中左上綱毒
佢d上綱引仲大過我
宜家佢上綱,我玩魚.....佢理都唔理我
只是唔比我轉個大d缸

7 年...
你果然是好男"忍"...

服...

忍一時海

七年之癢，玩完電腦轉玩魚，睇你將來個缸攪成點？比啲魚玩成點？

_________________


我的親愛 (*@*) 狂牛妹

各位男仕們, 女仕們,

當女性被各位被label成為"喜歡打扮" , "花錢", "要浪漫", "要關心和溝通", 男的就label成為"喜歡研究", "有冇成果都樂在其中".....

沒錯男同女的確非常不同, 除了生理結構之外, 為什麼男同女有這個不同呢?
一個人的性格從童年養成, 老一輩的人, 物質生活低, 對人生大志的決定都是依靠口述, 女人自小被灌輸"三從四德".... 男的要"養妻活兒"... ; 到了現在, 時代真係唔同... 性格的建立便多了很多渠道, "玩具", "衣服", "媒體".... 一個腦袋空白的小孩, 自小就被"性格定位", 男孩子玩"槍", 玩"機械人" ; 女的玩"煮飯仔" , 玩"毛公仔". 男孩子"穿褲子", "剪短頭髮" ; 女的"穿裙子" , "留長髮". 男孩子一定要看"機械人片" ; 女的"公主童話, 充滿憧憬". 如果一個男孩子玩"毛公仔", 就比同伴笑女人型; 他們更沒可能留長髮, 因為校規不容許; 如果他們只看"公主童話卡通片", 就會與同伴沒話題了! 同樣, 女孩子玩"槍"會被笑男仔頭; 頭髮不能剪得太短, 因為隨時被停課直到頭髮留長為止(真的!); 看"機械人片"的女童也沒有女伴願意和她一起去洗手間呢! 首先, 大家不用看小這些小節, "玩具", "衣服"是間接影響行為心理, 而"媒體"是間接影響思想心理. (詳細的我也不多說了)

以上種種是直接形成男人都愛所謂 "研究" , 而女人都只愛所謂 "扮靚". 我看, 不是真的因為"男人"和"女人"的問題, 而是"性格定位"問題. 如果因為一些人的性格問題, 就認定女人都是愛"扮靚", 這樣不愛"扮靚"的女人就不是"女人"嗎? 而愛"扮靚"的男人就是"女人"嗎? 難道LV就沒有男人用嗎?

老實說, 一個女人要學你們玩"草", 一點也不易... 從體力上已經是一個問題... 如果沒有人幫, 一個女人要從魚街搬一些硬件回家, 可是不易. 女人要在魚街, 鴨記穿梭, 有時也不太好受 (真的, 只要你係女人, 在黃金時間在巷子穿梭, 就會知道有幾尷尬.). 剪草後, 由於水長期浸在水中, 皮膚也變得不太好了, 自己的皮膚唔好沒所謂, 問題係男人這東西會話你"皮膚唔好"!!!!
同樣, 男人要去女人的地方也不易.
我有一個男朋友, 佢身型好瘦好瘦, 跟本就穿不起男裝衫, 他就是每年要去找中性的女裝衫, 挑衫是不難, 但要拿一件女裝衫去試身室就是一個問題了.

要改變一個人的性格不易, 要改變成果社會生態更不易.
男同女之間正正就是一個凹, 一個凸才可能走在一起.... 凹凸拼湊才有互動, 正所謂"一個願打, 一個願挨". 當你希望做"打"的那一個, 你就去找"挨"的那一個; 當你希望做"挨"的那一個, 你就去找"打"的那一個. 當你唔相信"凹凸理論", "挨"的那一個就乾脆找一個"挨"的, "打"找一個"打"的! 找的過程不易, 但找到的, 就不要後悔, 萬一情海翻波後, 來一個"後悔", 你失去的是"時間", 同樣你也浪費"別人的時間"

我唔知男人養魚/草/等等會另另一半有幾不安, 而女人不停為著瘦身美容大花金錢的同時, 他們其實也一定有著一定的原因 (我也不多說了), 為了這些原因, 我們要了解, 尊重, 最後要諒解. 當你的伴侶要了解時, 你最好係給他了解! 當他/她要你尊重時, 就給他尊重! 當你無法明白對方時, 就只好諒解! 當你對他/她不能做到了解, 尊重, 諒解, hmmm....分手吧~

最後, 我送大家一句:
"是因為緣而來, 也是因緣而去"


ps.
- 當你以為你唔養"另類寵物"是對他/她最好的同時, 他/她可能已經找到"另類寵物"了.
- 其實, 唔知大家有冇諗過, 當一個喜歡種草的女孩子, 遇上一個不喜歡種草的男孩子時會係怎樣? 小氣程度糟過女人! 其實問題根本不在男與女, 別把問題都推到女人身上!

[quote]
七年之癢，玩完電腦轉玩魚，睇你將來個缸攪成點？比

Winz大姐, 不知道你身為女生, 心目中有多少%認同以上所說? >50? <50%?? 0%??? 又莫非你不"喜歡打扮" , "花錢", "要浪漫", "要關心和溝通"?

以上都是普遍而言, 是耳聞目睹後的感覺.

別看綱友嘴邊掛着” 俾女友嘈, 黄面婆, 老婆炸佢型….”, 其實佢地心底係甜絲絲的, 這是地道文化.

嗜好祗有喜惡之分, 別無男女, 年龄, 國界…之別. 請別把養魚種草與性別扯上關係. 更別把男女之別看得太重, 男女平等ar嘛!

再說, 能夠為人是一種福份, 能夠成為夫婦, 親密朋友更是不可多得的緣份. 要珍惜呀! 凡事如果能易地而置(這是指相方面而言), 嘗試想想對方的感受, 相信問題會少許多許多.

“hmmm....分手吧”, 最好唔提啦! 好傷感架!!

還有, "是因為緣而來, 也是因緣而去", 大姐你想把人為的結果歸垢於緣? 我了解: 緣是不受控的, 是隨機組合的.

ps :你的新logo畫得很有神韻, 很好很好. 是你男友的背影?
我也喜歡塗鴉, 曾經嘗試過, 可惜志大才疏. 不得不藏拙.

_________________
琉璃世界波光影 流轉逍遙逐水城
回首前塵疑是夢 迷濛醉眼羨魚情

Tony, 我同意你.
人總有自己不同的時間的執著, 我今天喜歡魚兒, 並不是我不關心對方. 而是想把今天事情做好一點, 看看有什麼不足, 我的格言是"一不做, 二不休". 男人就是這樣!
希望裂縫中, 有一份包容, 專重我們的嗜好!

比人嘈係好事，到有朝一日佢粒聲唔出，淨係望住你，你重驚呀，到時等劃句號啦。
Winz，唔駛咁多感觸，一句到尾，去魚街想搵人開路，Call鏍絲啦。