[討論]套缸加燈和頂瀘

Andy Kong · **發表於 :** 2004-10-22 04:23

我的魚缸大致如下：
http://www2.aqugrass.com/phpBB2/viewtopic.php?t=34589

現有兩個問題。
問題一，唔夠光，想加燈，已在科聯買了 75w HQI, 現需做燈罩
http://www.aqugrass.com./phpBB2/viewtopic.php?t=33688

問題二，用緊日生水冷 CL650, spec. 寫 < 1800 L/hr 水流， 2 個瀘桶也是 1000 L/hr, 為免水流過慢，故另設一個 1800L/hr 潛水泵餵佢。
http://www.aqugrass.com./phpBB2/viewtopic.php?t=32037

但潛水泵直出水冷怕有污物積聚，故現想加一頂瀘在潛水泵與水冷之間。兩個問題一齊玩，便構思了附圖的設計。兩樣高寬相若，可在外觀上併埋一齊。 HQI 燈罩用不銹鋼，頂瀘用阿加力膠，全部再噴黑佢，然後一齊「塞」入原來套缸頂放 2 個壓力箱的空位。

請問這個新頂瀘用密封式壓力箱好還是用滴瀘好？用密封式壓力箱行迷宮／隧道是否不可行？我想只用不同密度瀘棉作機械過瀘，常清洗以免水冷藏污，故不會養到箘，生物過瀘將留給2 個外置瀘桶。

大家可有什麽提議？

amen · **發表於 :** 2004-10-23 02:12

不如用1800hr濾桶啦!咪唔洗咁煩惱!

( 你左加右加都要洗錢啦!)

鏍絲 · **發表於 :** 2004-10-23 03:02

唔駛咁複雜，照以上器材，應該出水口駁一個濾桶，再駁水冷，因出水口有虹吸作用，再加濾桶，夠晒力，反而經過水冷後會唔夠力入缸，你向入水口駁落潛水泵，幫手抽一抽重好。

老柯 · **發表於 :** 2004-10-23 03:23

Andy兄，你好似話將支HQI放入套缸蓋入面。怕唔怕熱溶個蓋呀？

純粹擔心問下。

Andy Kong · **發表於 :** 2004-10-23 04:56

wow, 全部係不夜天的貓頭鷹呀！

amencheng1113 寫:

不如用1800hr濾桶啦!咪唔洗咁煩惱! ( 你左加右加都要洗錢啦!)

我都想，但有無平小小的 1800L/hr 瀘桶？同埋唔好大到好似廁所個馬桶咁大就最好啦！

其實我係揾過，但暫時未見過咁快嘅桶呀！

鏍絲寫:

唔駛咁複雜，照以上器材，應該出水口駁一個濾桶，再駁水冷，因出水口有虹吸作用，再加濾桶，夠晒力，反而經過水冷後會唔夠力入缸，你向入水口駁落潛水泵，幫手抽一抽重好。

"出水口駁一個濾桶，再駁水冷" 同我構思差不多，不過我用頂瀘之麻, hahaha

但講到後來有小小亂 tim ......

"出水口駁一個濾桶，再駁水冷" 的出水口應是潛水泵出水，錯不了吧，right？

但當你話 "你向入水口駁落潛水泵，幫手抽一抽重好"，咁呢個係水冷入水口？

你係話在濾桶和水冷入水口中間 add 多個泵？

有無圖可解釋下呀？又或者出來 tea 再指教下Ｄ新仔呀！

Old Gold Fish 寫:

Andy兄，你好似話將支HQI放入套缸蓋入面。怕唔怕熱溶個蓋呀？

純粹擔心問下。

咁我又無咁夠薑

我的套缸頂蓋的後面 1/3是露天，原來用來放 AA 自己的兩組細壓力箱/瀘泵，個缸係 60" (W) x 18" (D), 個田露天位約 50" (W) x 6" (D) (左右各有 5" 比光管電子牛)。

鏍絲 · **發表於 :** 2004-10-23 23:57

唔明再問

Andy Kong · **發表於 :** 2004-10-24 04:33

清楚晒，謝謝！
在這情況下我用潛水泵直落缸，不會再加頂瀘。咁
1000L/hr 濾桶 -> 水冷 -> 1800 L/hr 潛水泵, right?

個大潛水泵會拉多過 1000L/hr 過水冷？多成八成水 woh！

如果我照另一篇文 DIY 咁但大瀘桶，http://www.aqugrass.com./phpBB2/viewtopic.php?t=34780
1800 L/hr 潛水泵 -> DIY 瀘桶 -> 水冷然後直落缸，得嗎？會不會潛水泵唔夠力谷水去瀘桶後再去水冷? 我其手上仲有兩個 100L/hr 的潛水泵，是６月時比人老點買落的，有用嗎？

這樣駁法我共有三個濾桶，終濾水最加了九城，應能更進一步改善水質！

鏍絲 · **發表於 :** 2004-10-24 12:36

如果你D器材係低過魚缸，就要記住一個原理：魚缸出水係靠虹吸原理，再經濾材，最後才靠摩打抽水入缸。如果以濾水器為分隔點，個潛水泵擺係後面效果好過擺係前面。
何謂夠力、何謂唔夠力：基於以上擺法，漁缸入水喉係由低於魚缸位垂直向上至高於魚缸位，相信你都知喉既水位越高，壓力越大，你個泵可以推到D水過喉既最高點為之夠力，反之就唔夠力。潛水泵既作用係當單靠濾水器唔夠力時，幫手抽走喉裡面D水，唔駛D水壓回喉既最低點。亦由於水源(喉既下一半)有限，你用1800既潛水泵同用1000既潛水泵係冇乜分別。
我懷疑你個DIY 瀘桶得唔得：想唔漏水一定要用玻璃膠封死，不過冇得洗濾材，唔封死一定漏水。

Andy Kong · **發表於 :** 2004-10-25 01:52

鏍絲寫:

如果你D器材係低過魚缸，就要記住一個原理：魚缸出水係靠虹吸原理，再經濾材，最後才靠摩打抽水入缸。如果以濾水器為分隔點，個潛水泵擺係後面效果好過擺係前面。
何謂夠力、何謂唔夠力：基於以上擺法，漁缸入水喉係由低於魚缸位垂直向上至高於魚缸位，相信你都知喉既水位越高，壓力越大，你個泵可以推到D水過喉既最高點為之夠力，反之就唔夠力。潛水泵既作用係當單靠濾水器唔夠力時，幫手抽走喉裡面D水，唔駛D水壓回喉既最低點。亦由於水源(喉既下一半)有限，你用1800既潛水泵同用1000既潛水泵係冇乜分別。
我懷疑你個DIY 瀘桶得唔得：想唔漏水一定要用玻璃膠封死，不過冇得洗濾材，唔封死一定漏水。

明白。若單從過濾觀點，夠力便可，1000r 和 1800 無分別。但若我要 feed 水冷，流量便成是一個要顧及的 issue 了。

唔止你懷疑，我都唔睇好，度緊可唔可以訂造個阿加力密封式蓋，然後每 4-6 個月便可換個筒 (有需要的話)。

暫時唔諗個桶防漏，我想知以下幾個 scenarios, 邊個最好 (大流量, 安全耐用):

(1) 1000L 潛水泵 -> 瀘桶 -> 1800L 外置泵 -> 水冷 -> 10 呎喉駁雨淋管落缸
(2) 1000L 潛水泵 -> 瀘桶 -> 水冷 -> 6 呎喉 -> 1800L 潛水泵 -> 4 呎喉駁雨淋管落缸
(3) 1800L 潛水泵 -> 瀘桶 -> 1000L 外置泵 -> 水冷 -> 10 呎喉駁雨淋管落缸
(4) 1800L 潛水泵 -> 瀘桶 -> 水冷 -> 6 呎喉 -> 1800L 外置泵 -> 4 呎喉駁雨淋管落缸

amen · **發表於 :** 2004-10-25 02:16

1),3)~10呎喉太長.,2)係可行,但怕唔怕1800L大力過1000L,個濾桶會有機會長期得70%水!
如果我會用4),相信效能會發揮好D!

鏍絲 · **發表於 :** 2004-10-25 02:38

個人認為四個都唔好。第一部份既潛水泵作用唔大(假如你D器材係低過魚缸)，可以不要。
如用外置泵，應放在水冷之後(4)，一來瀘桶已經有泵水作用，兩個泵放埋一齊(1,3)效果冇分開擺咁好，二來抽水好過泵水，因虹吸加濾桶已經夠力推D水入水冷，出左水冷行10 呎喉再向上上缸頂，中途冇加泵恐怕唔夠力。
我既意見係：瀘桶 -> 水冷 -> 6呎喉 -> 1000L 外置泵-> 4 呎喉駁雨淋管落缸
或者用你喜歡既方法，加上實踐，會得到一個滿意既效果。

Andy Kong · **發表於 :** 2004-10-25 03:00

可能有小小誤會，我說的瀘桶是不內置泵的齋桶！

看來可以 (2) 為基礎再改善！

因我是 DIY 或訂做齋桶，而手上又已有 2 個 1000L 泵和 1 個 1800L 泵，三個泵應全都可做潛水泵或外置泵，咁 DIY/訂做個桶有２組入水位可行嗎？

2x1000L 潛水泵 -> 齋瀘桶 -> 水冷 -> 6呎喉 -> 1800L 外置泵-> 4 呎喉駁雨淋管落缸

Assume 齋瀘桶+瀘材做成 10% 流水量損耗，條數有得圍 woh! 兩個細潛頭比一個大頭要易收藏和更靜，分開抽水位置又更有效率，好似得 woh！

老柯 · **發表於 :** 2004-10-25 03:20

咦，Andy 你唔係經已行緊２個桶咩？
小小意見，如果你兩個桶都係低過缸。最理想係抽水出桶instead of 抽入桶。同埋你想２合１入水冷，平行返２個桶行程長短影

Andy Kong · **發表於 :** 2004-10-25 12:23

現在用緊 2x E仔 2217, around 1000L/hr each, 都是放在缸底柜，低過缸的。

6月開缸時被老點買了沙和底喉，和 2x 1000L 潛水泵。買水冷又入了隻 1800L 潛水泵。Ｄ水入水冷前要 filter 乾淨，見又有泵在手，咪想加多個頂瀘或桶瀘。我想落到 500 條魚，照計對filter 都幾 demanding 架！

5呎缸底柜分 4 格，桶放最右手格，水冷則放在缸柜則。桶去水冷只約 2 呎，但預個順Ｄ彎位，便要 4-5 呎喉了！

我唔係用 2 個桶，係打算 2 個泵 feed 比 1 個桶。2 個細潛水泵是放在缸內，經 6-8 吹喉去瀘桶，，所以DIY桶喉位不用會預入面有潛水泵！ DIY 失敗便會在訂做瀘桶，應不會太貴吧！

Andy Kong · **發表於 :** 2004-10-25 14:19

早上不能上傳圖片，要等 Super 大佬發功！

圖片上藍色是新加的過濾組合，估計總濾材量多了一倍，水的更新率提升至每 6 分鍾 1 個循環 (3800L/hr 處理不足 400L 水)！

缸面兩枝雨淋管都是由缸前到缸後。

水草情迷

[討論]套缸加燈和頂瀘

誰在線上