水草情迷

不久前我亦差點兒為了草缸綠水買uv燈..............
已試過減燈, 減餵食, 換水, 洗桶等方法, 效果仍然不濟...........
最後試著提高濾桶的出水位, 使出水入缸時撞入氣泡, 憎加缸水溶氧量, 利用嗜氧菌類改善水質...............結果真係ok喎....

試下以"生態平衡"作出發點，盡量平衡生物和植物的數量，和多樣性，水草缸比淨養魚較容易達到生態平衡。

Ken T 你尼個辦法真正！ 又有錢落袋。

Macbrush 兄客氣了......對水質研究這方面,Macbrush 兄才是高手.....
其實我亦只是撞彩........同埋之前太過迷信草缸不需要額外氧氣......

咁加個氣泵打氣會唔會直接0的?

我非常同意，如果經驗同技術都去都一個高水平時，用一級的器材肯定可以得到理想的效果，而且在日常管理上肯定輕鬆很多（比起用ｄｉｙ器材）。　我清楚很多魚友認為ｄｉｙ是一種樂趣，但長遠計可能是一種負擔，試想想十年都要定時換ｃｏ２，每到夏天又要擔心水溫不穩定（風扇會不會跌落水、突然停、太大噪音）等等．．．．．．。到時你我都可能會有西裝友的心態（或許是心得），人家十多年的經驗總有他的道理（養了十多年都仍在魚街打滾，應該不會是個門外漢吧！）

玩魚既主角係生物, 器材係為佢地好

可能用較簡單既器材玩到貴器材既效果係好有成功感

但係咁樣等於用缸內生物既命黎賭你既既虛榮心

無錯, 有d 人覺得自己用白綿頂濾養得d 水靚係勁, 有錢既話用個浴缸咁大既桶係咪好好多先

廿升水養廿條魚係勁, 用七尺缸養係咪好好多

成年唔換水係勁, 換d 優質水比佢更好

用廁所水都勁

玩生態缸都勁

但係如果有米得很, Bill Gates 咁樣, 我直頭微型濾水廠都似.....五十升水養兩寸魚

負擔得起既話點解唔比好d 環境呢

正如車神都無謂搾架無break 既車, 以取得成功感啦

打機, 你可以用手槍仔爆機, 勁過型過用機槍既人

但係養魚要對生命負責

"玩魚依家野,其實玩器材嫁之麻"! 唔同意. Li d 純綷價值觀念作崇.
有錢人二三萬算得乜野一回事. 對我黎講就係大件事.
千金難買心頭好, 有人對某種興趣一擲千金, 但平時多方面都死慳死抵, 因為佢認為值得.
對我(窮鬼一名)而言, 將有限資源作最好運用, 我行我數, 達到目的. Eg. 種陰性草避免用昂貴太陽燈及降溫設備, diy燈罩及co2, 塘泥加沙面instead of ADA泥. 咁咪一樣咁開心. 對住個缸果種心情相信絕不遜於他人.
盲目跟風, 強行與人睇齊, 辛苦自己之餘重失埋自我.
若果要威, 奉勸: 寧為雞咀, 莫為牛尾. 因為幾痛苦架.

_________________
琉璃世界波光影 流轉逍遙逐水城
回首前塵疑是夢 迷濛醉眼羨魚情

我對物質既要求係好低~
養魚我都係用個掛濾同個缸就咩都冇~
講到低我個缸係5"x6"x7" 4升水都冇
我都係咁養~
個缸都係二手$$15
我覺得二手同新冇咩唔同一樣係果樣野~用到就得啦~\
我單車都係二手架~
講到低我都係個中二既學生~
我唔會要人送我想要既野比我~