各位,
我咪早一個輪買O左個 EHIEM 2028 返O黎, 原因係我用過 ATMAN, 富華 都係[流]水收場. 其實我一向都有一個 EHIEM 2222 用緊係個大缸道, 不過一直都無用過其它牌子的同等水量的濾筒, 所以一直都無特別研究 EHIEM o既性能, 只係知道佢的配件非常之多, 有咩壞o左, 難o左都可以配返, 我都試過買返個 parts 因為配件老化. 至於佢的膠喉都係非常之正, 其它雜嘜牌的膠喉未用你都覺得佢
勁硬, 如果用o左一排(我指的一排係一個星期左右)佢就以經
超硬, 想[溜]o下佢都唔係好掂. 至於 EHIEM 就唔同啦! 真係長時間都能夠保持佢的柔軟度, 由於膠喉的柔軟度高, 濾筒的出,入水位咀同膠喉的接口都非常之實, [流]水及膠喉因老化而脫落的情況就大大減少, 至於 EHIEM 2028 不得不讚佢的出水力真係十分之強, 我舊時用開果兩個牌子的出水量都唔係咁強, 之前我都唔覺, 因為之前我都無用水冷, 所以出水喉係直接由濾筒直出雨淋管, 咁果時都覺得佢的水量好勁o架, 因為我搵個 2222 的出水量o黎比較, 不過後來我加多個水冷之後, 我就開始覺得個出水量即刻低哂, 個雨淋管出o黎o既水好似去小便
差唔多完咁上下咁, 成條水柱一出就落水, 之但係依家用緊的 EHIEM 就完全都不一樣. 出水力強, 唔係滴滴o下, 直情係一柱擎天, 水力不知幾強. 所以 Mr.Kong 問我點解要選 EHIEM, 仲要貴個其它牌子成四倍有多, 我只能夠話個 EHIEM 的料實淨o的, 有保証o的, 不過依家仲可以講佢勁過我用過的兩隻牌子好好多多.....當然我唔係話一定話其它牌子唔好, 不過雙對地比較, EHIEM 的而且確係一隻好有保証的牌子. 如果有人唔介意比多o的錢(不過都真係多3,4倍價錢), EHIEM真係幾耐用的. 我個 2222 都用o左成四年幾, 都無比咩麻煩我.
登入
註冊
問答集
