水草情迷

上星期見到這裡的人都在談論天光墟, 所以我們決定今天去走一轉, 於今早四時半, 我把貪睡的kalvin從睡魔中喚醒來, 他竟然為了到天光墟, 史無前例、毫無怨言、自動自覺地起床 。因我們第一次去, 不知道交通情況, 所以五時正便出門口 (我們住在港島南區), 估不到沿途交通十分順利, 六時正已到達天光墟。

還以為尚早, 原來大部份檔攤已開始營業, 邊行邊看至中間檔攤已經人頭湧湧, 我們本來打算只是觀光, 不會入貨, 因據聞袋裝魚數量都不小, 但是, 我們從魚堆中找到一些小袋裝, 還是我們心目中想找的藍眼燈 , 魚街普遍賣$8一條, 現在十條只售$20, 見咁抵就買下了!

再行多兩步就遇到平生見到最大堆的紅蟲 , 那個阿嬸左手起、右手落, 就用報紙熟練地將紅蟲分成一包包, 不消一會就將原本十多斤的紅蟲賣出了。

臨尾時行過阿婆龜檔, 見到當中有金錢龜, 大的賣$380, 小的賣$300, 有個阿叔一口氣買了全部大的 (約7隻), 成為$2100, 在阿婆做緊大生意途中, 有個不知先活的學生哥, 竟然叫阿婆將賣$15的珍珠龜減至$10賣給他, 阿婆一口說, 要平就去通菜街, 誰不知個學生哥仲不知死, 叫阿婆揀隻細的給他, 阿婆好不耐煩地叫他自己揀。

本來主要目標的將魚, 今天攤售的就不算好品質, 但係個老板就講左好多關於飼養將魚的心得。

走的途中, 見到有個哥哥仔, 帶住三隻肥大可愛的鬆獅狗, 穿插於天光墟檔攤中, 引來不少魚友的目光及評論。那三隻鬆獅狗真的可愛極了。

總結: 未到過天光墟的魚友們, 真係值得去走一趟, 必定有所收獲 (見識也好, 入貨也好, 拍拖都好)。

鏍絲......今日我們見到有熊貓鼠賣, 仲係細袋裝, 不用跟魚友share都可以, 還只是售10元一袋................一條/一袋。

有收鑊咪好囉^^
哈哈~~天光墟的確好地方!!

_________________

大黑店d藍眼10蚊有6條呀~

_________________

哈哈哈買唔過啵~

_________________

我買左呀,佢地好活潑,不過有一條消失左....

_________________

我都係咁話, 因為我都見過真係好bb ga wor

我之前買過兩條大的, 佢地都係好活潑, 都係消失左......

亞DUCK好似唔熟行情....

天光墟而家買野一D都唔平,買少量,幾條魚果D貴過魚街架.....
買一大袋SHARE就抵,但一樣有風險,如果計到盡,有時有D魚會唔夠數,一袋入面一定會有D參差...
有時計返都差唔多....
而家天光墟旺丁唔旺財!
買龜既亞婆出晒名啦...佢既SERVICE係咁..果D亦都唔係正宗金錢龜...
得閒都可以去行下,睇下野...
有時都會有好野搏下既.........
但要靚要質素既,真係要靠運氣

其實抵唔抵都是其次, 天光墟有佢o既特色, 我們兩人去一趟的交通費都已經差不多五十元, 反正見到又喜歡, 不想空手而回。再講, 見識o下賣龜o既阿婆都抵番啦。

e~ 今早我也有去天光墟, 可能碰過面呢!
那個紅虫阿嬸,我都見到..佢真係好勁呀
今天真是勁多人呀~ 收穫很小
只買到最後一袋飛狐
想買既新燈同 豐年蝦都一早賣晒,

商業社會，有人老老實實賺錢，薄利多銷，靠口碑，長搵長有；有人老老實實呃錢，話明熊貓鼠、話明10元一袋、話明一條/一袋，買唔買隨你；亦有呃呃騙騙搵錢，東魚兩蚊條，西魚一蚊條，你要東魚，佢個半比條西魚你，話係東魚，依D就係所謂買東西。

天光墟有時賣得貴
但那裡的金魚也很超值...
說起飛狐
我有一次買過
全部是黑線
價錢好像是$1/條
(當然要一次過買60條)
不過行天光墟
醒醒定定

$10一條熊貓鼠不如去魚街洞X湖慢慢選好過la
都是等袋魚好過!$80/30條 Vs $80/8條

狗仔 ... 既然你都見到紅蟲阿嬸發功, 可能我們真係碰過面

鏍絲 ... 商業社會, 老實做生意, 必有明買明賣; 偷呃者, 只能求願者上釣

hoaq2001, wolf ... "醒醒定定" 永遠都係消費者o既智理明言

今日天光墟真係人山人海, 其實係咪每個星期日都咁多人嫁呢?

得星期日先多人...
其他日子去
無人又無野看...