水草情迷

未成年的澳洲留學生,簽証時會被要求有監護人(Guardian), 不一定是父母, 所以你嬸嬸無需要將佢在香港份工辭去, 一定無人解釋清楚比你嬸嬸可以是Homestay代做監護人!.... 可惜

據我觀察所得
香港地鐵裡
10個有3個看漫畫書
4個等到站
2個傾計
1個做狙擊手(找位坐...)
反而我見的是
小朋友經常問媽媽
他不懂的問題
媽媽懂答的都會答
不懂答的便說
"他就是這樣的,那有得解!"
玩game boy30個也許有1個(經濟低迷...)
但拿著一本文字書在看的
1星期才有一個
(有時有兩個
那便是看衛斯理的傻瓜...
便是我...)
最近地鐵安裝了"資趣台"
個個像傻佬抬起頭
有什麼看什麼...
(我也是其中一份子...)

feifei,
係呀, 冇錯呀~ 係要監護人, 不過應該話係16 歲以下的學生就一定要有父母陪同及要有一位監護人的呀~ (eg. 我媽咪便是我兩個堂妹的監護人), 而並不是所有未成年的留學生都可以有監護人就可留低的..之前可能寫得含糊了一點, 沒有提及監護人等事...令大家誤會了我的意思, 以為我亂作一通, 亂咁吹... oh well...依 d 資料都係幫我兩個堂妹搞留學果時得知的, 佢現在 d 例係點...相信要聯絡教育處先知喇~ 我嬸嬸計得比我還要精(數口精), 如果唔係迫不得已, 我相信佢都唔會辭職...因為佢係經理級人物囉...好難重新再搵工架喎~

彼得,
聽你咁講..你應該都係在這邊讀書啦~ 舊年年中時, 唔記得政府邊一個部門宣佈了一個建議, 話要加大學留學生既學費嘛~乜你唔知咩? 我有 d 香港過來既朋友果時咪成日討論依個問題囉~ 更加冇理由要加本地生學費啦...如果真係加的話, 澳洲咪會越來越少本地人才?...你估政府會唔會咁做呢? 而且你都知道有HESC (香港的朋友可能會唔知..即係澳洲的政府會幫本地的學生交學費, 到佢地大學畢業出黎工作後, 從工資裡扣錢慢慢還俾政府..), 所以如果加本地學生o既學費..政府咪自己挖個泥坑踩落去? 因為有好多本地生讀完書後就逃之夭夭呀~

唉....同居在這邊非常 common 啦~ 10 個朋友入面, 有 5, 6 個都男女朋友一齊同居啦~ Nothing special 喇~~ 不過...後面果 d 就...唔清楚我 d 朋友 lu~ It's not my business though..

delete

我讀書好差,唔適合發表咩意見
只希望大家唔好睇死同歧視 展翅 同 毅進 既學生.....

唔係每一個都人天生就係讀書材料,唔叻可以用死記死背勤力努力死讀
但係都有人死讀爛讀都係咁差, 佢地無犯錯的....可能係唔適合依種讀書方式
但佢地一樣有讀書,生存,選擇既權利, 無人會想一出世就天資不足,但唔到人去控制命運

希望大家唔好歧視 展翅 同 毅進 既學生 .... 謝謝:h

阿湘兒，都唔係歧唔歧視既問題，係現實問題。個個買魚時梗係想買條健康既魚。不過行行出狀元，祗要自己唔放棄自己，雖然唔係老套到講始終有出頭既一日，但要活得開心、活得精彩，唔係一定講錢既。
(改改你個腳註，好消極。)

所以先叫讀書唔叻既人去讀展翅同毅進 , 依兩個課程可以幫到好多人
希望大家唔好輕視佢地生存既權利,無論係 人 定係課程....

講番個主題: 香港人d英文不停咁退步緊
我有一個教我個仔既成功(我認為)經驗, 希望可以同大家分享, 首先講個結局, 個仔今年F4, 就讀區內一英文中學,因為英文成積優異, F3獲得全年全級第一名, 呀仔平日讀書好勤力, 落左唔少苦工, 這是他的功不可沒, 但係英文好唔係一朝一夕可以做到, 回想拒仲係小學果時, 我"稔"左好多辦法, 想個仔英文好d, 好多人話睇多d故事書, 但我就幾另類, 我比我個仔玩 PC game, 但係要英文及RPG(角式扮演)果種, 例如Tomb Raider 1,2,3,4 集, 然後同拒download 晒所有 walkthrough, 每個 game 閒閒地 300 幾頁 A4 紙, 全部簡單英文(鬼佬作), 但係呀仔就好好心機睇, 為左過關, 句句都睇幾次, 又查字典, 久而久之, 一D日常用既生字, 句子結構, 動詞運用, 都有廣泛認悉, 好早, 拒就好大膽甘用英文作文 , 今日既成積真係唔錯, 可能都係有甘既開始, 做爸爸的我, 當然係開心啦, 我唔係想威威, 不過比d意見大家參考.

哈哈
我以前也有用玩PCgame
學英文
我記得是SimCity2000
當時是新的Game
後來玩Commandos:Behind Enemy Line
學到什麼英文也忘記了
但玩上癮...

我覺得香港教育失敗並不是英文問題
用母語教學其實是一種好想法, 因會令到學生提起返個興趣(並不是每一個學生的英文底子都好)
但另一個問題是, 純母語教學的失敗是因好多技術上的資料和文章是由外國人寫成的, 因而令到由普及教育到學專科時出現問題
我是唔妥香港高官成日改, 又不檢討和認衰
用母語教學不是唔好, 唔好在於一時一樣

另外, 英文好又如何? hkcee 10優又如何? AL 全A又如何先?
世界不是只有這些人才生存到, 而世界上亦不是這些人來主導
我識英文唔代表我工作表現好, 另一方面來講唔識英文可以工作表現好, 相對是看你做什麼想做什麼, 何必執著?

政府做什麼什麼計劃不是唔好, 對我來講最大問題是治標唔治本
有無想過青少年雙失嚴重的原因?(不要講是因為d青少年學壞, 青少年自己衰)原因是社會問題, 我們成年人點看後生仔? 中五全u, 我們就看低他們講他們是垃圾, 出來做野做d低層工作就話看輕他們, 九巴就話10優先有前途送個乘車證給他們, 老師就為錢來教書, 學校就為錢來叫老師做埋行政工作, 父母就為錢來勞碌, 我們看看我們有無空間容納社會上所謂的不良少年和雙失青少年, 我們點看他們, 有無比機會他們? 他們知道沒有空間就自己開創空間, 那o米是我們所謂的"壞", 我自然絕對知道有很多都是本性壞, 但更多是本性善良而學壞, 但是我們有無比機會比他們? 我們只灌輸一d他們是"無用"的思想給他們.

我們做了什麼? 我們常常講政府廢, 搞到d後生仔唔知點, 但我們點看後生仔丫? 很多人o米又是看行為和成績, 多少人真心了解你們所關心的人呢? 我們又灌輸了什麼思想給他們呢?

而另一方面, 我相反問其他人, 去外國有什麼好, 如果只因為認為香港唔得而送了兒女去外國讀書, 有什麼用?
英文好重要? 養兒育女並不是我們覺得好就好, 他們都有他們的價值觀的, 比如, 因送他們出國而出了什麼事, 做父母的能即時知道嗎? 因而令到他們有童年陰影或意志消沉, 之後更讀唔到書, 那你們會有什麼想法呢?(多數人希望越大失望越大!), 除非全家移民啦.
做父母為兒女好是愛, 並不是物質(去外國讀書相對都只是"物質"而已....)

只是有感而打, 多多見諒

自從97後，香港政府只係實行左禺民政策，只不過係大家唔醒覺之嘛。