水草情迷

我條三線落左缸幾日都唔食野,同呼吸都有d急速,請問什麼辦呀???

新缸 ? 新水? 是三線吧 唔係 三條乜 ?
買時有冇異常, 比左乜佢食 ?
落缸時點落, 有冇對水, 小心 ph 改變太快, 影響鰓功能.

唔好意思,打錯左!!!係三線唔係三條
我條三線係新買返黎,買之前見佢冇咩野,見d色幾靚咪撈左佢lu,落缸前對水對左個幾鐘,但落缸後唔食野幾日!!!

你俾咩佢食？

鯛魚只吃蟲...
但魚不吃東西也沒大關係
牠們一定會吃...
(當然要考慮魚缸水質)

我餵過豐年蝦同豐年蝦幼體比佢,但佢都唔食,淨係張大個口呼吸,
我個缸本身養緊魚,有黃金同數條工作魚,佢地好健康睇黎唔關水質問題,而且水好清!!!

再口多多問下....
佢係唔係一直都沈係缸底，唔多郁，鐘意係d 暗d 嘅地方，口部活動呼吸好密??
餵豐年蝦俾佢，有無試過用個草夾夾住一隻放係佢前面?
你魚缸幾多度?打氣定係用co2 only...


.....可能......係有病

條三線有時沉係底,有時游上水中,但唔多游水,口部活動呼吸都好密!!
我試過噴d豐年蝦幼體去佢面前,但佢都唔食!!!
個缸有26度,係水草缸,所以有用co2,不過唔多!!
我都覺得佢有病,請問有冇得救,同用邊隻藥呢???
thx

唉，如果有留心鯛板，久不久都會有lee 種情況o既問題出現
a.唔食野
b.呼吸急速
c.沈底唔郁

話佢病...又唔似，唔摺尾唔反鰓唔爛口無白點無外傷......最多係淺色左，但係多數都會魂歸天國... 我都因為咁樣就無左一條亞卡西，但係其他魚就一d 事都無 .....

點救我都唔清楚，搵唔到太實在o既答案
只可以話，分缸control 水溫去26-27度，打氣，俾D海鹽佢....

希望有其他人幫到你啦

條三線已歸天國lu

可惜...好貴?

_________________
~狗會~有興趣可以加入
http://www.hkschnauzer.net

我之前出post話條超紅阿卡西都有呢個情況,最後條魚好似"午夜空零"咁死法,我都好想知條魚係咩病....

_________________

我之前條亞卡西乸都係咁/﹏\
好彩得高人相助~先知道佢原來係比人蝦@0@
而家放左落大缸就咩事都冇lu~~~
正晒~~你試下隔開你個缸最大最惡果條~試下work唔work

_________________

我果時係得一條魚係魚缸...

_________________

貴就唔貴,$40好cheap既野生魚!!!
我試過隔開左條三線,但都係唔食野,到左今日應該係餓死左!!!
不過佢d色係幾靚,背其特別紅,所先要左佢,但點知敗絮其中,下次小心d選擇lu><!!!