水草情迷

話說某日收工去魚街賣鉸剪, 八下八下咁入左去一間賣魚既 ... 係門口見到成缸兩吋幾既飛狐, 咁既 Size, 一眼就可以見到黑線上面有無條金紋, 係咁意望兩眼見成缸都有, so 都無乜意慾 ...

行返出黎時突然雙眼一亮 , 見到一條黑線, 金背黑網紋, 黑線由頭到尾, 雙目有神, 牛咁眼就望住你, 好靚仔 ... 忍唔住手, 就咁捉左佢 ... 見缸入面都仲有 D 黑線, 仲順手捉多條, 好開心咁磅水走人 ...

返家途中就開始有 D 後悔 ... 個 30L 缸, 已經有兩條黑線飛狐, 四條紅肚鉛筆, 我又唔喂糧比 D 工作魚, 邊度有咁多藻絲比個兩條大咁多既食 ?? 而且我成個缸都係一吋魚, 加兩條兩吋幾既入去, 個 feel 咪好怪 ?

而家兩條魚係個浮萍缸坐緊移民監, 坐完都唔知點處置佢地 ...

唉 ....

真係想唔要咪賤讓比網友 lu, 你喜歡o既話送贈都得嫁(如果真係唔要不如益下小弟.......多多益善, 小小無拘.............hehee........ ).

同意讓給魚友....或留後有需要時用....(不過就睇下換唔換大缸或死魚)

攞黎我度做Backup

嘩 鏍絲 兄 如果 Schenkopp 兄 有日要係你度做Backup 的兩條黑線飛狐返屋企做嘢 咁大個缸 捉返兩條黑線飛狐出來，天翻地覆都似

_________________
你一天中僅有這麼多個小時，你只能在這個時間內努力工作，那麼為甚麼為錢而拚命工作呢？是不是應該學會讓錢和別人為你工作？這樣你才能夠自由自在地去做其他重要的事情。

湯米兄, 缸大都仲好呀 ... 裝個陷井都有地方, 缸細連網都無地方落呀 ~

我諗要用孖蒸杜暈佢先得，或者可以攞埋D草過黎鏍絲工房做清潔，好似狗酒店咁，做埋Facial先走都得。

咁正@0@~~~哈哈哈~鏍絲兄果然係情迷5大偶像之一~~
哈哈哈哈

_________________