水草情迷

真快手，有D擔心，又想佢生，又怕生一大堆。不過都預左送俾朋友～
但，點解生出來係半透明啡色既？到底經手螺，係邊個？！

_________________
老鬼一隻

等佢再係咁開枝散葉o個陣你就知味道!!!!!

你好似好得戚咁喎...
生出來係半透明啡色架?會唔會變紅?

_________________
老鬼一隻

水不足鈣質,生出來可能係半透明啡色.

因為我有個中央屠宰場(草缸), 螺就o係蝦仔缸養, 出現螺口爆炸o既時候就送去實行中央屠宰, 屠夫就係娃娃魚1號 & 娃娃魚2號 , 當然最好梗係送比人啦, 但係如果送唔切就唯有出此下策, 為左控制螺口, 犧牲係難免嫁喇.............唉...............

佢地梗係會紅啦, 越大越紅......越紅越大........

一定要加鈣嗎?
mareal兄的有沒有加?我估沒有吧?

中央屠宰場，都幾好...

_________________
老鬼一隻

我冇落鈣嫁, 不過咁, 我 D 螺如果o係草缸(黑泥)養就好快自動去左, 但係我試過o係黑鋼砂同唔知乜砂底就勁生, 我都唔肯定係乜原因, 照計佢地(草缸&蝦缸)之間最主要o既差別就應該係 PH / KH 值, 但係我其實咁耐都冇 check 過我 D 缸o既 PH / KH 值, 所以純粹推測, 冇實質證據比倒你 lu. 抱歉.....抱歉.....希望幫倒你啦.

補充: o係草缸逝世o既螺就係個殼越來越淺色跟住就去lu...........

哦，無所謂，都係問下者。我缸係紅泥，暫時都生得啦～即本又睇下點！
我都係咩都無check過，check左又要整一大堆野去keep，都係天生天養吧啦～！

_________________
老鬼一隻

我想問問d螺有冇清潔作用.會唔會太多返而令到d水質唔好.定係佢地會食有害物質呢?

有冇清潔作用!? 有~~真係同你清缸包括埋清屍
螺屎多囉~~呢樣唔好....生得好快呢樣仲衰

_________________
~狗會~有興趣可以加入
http://www.hkschnauzer.net

螺屎多就夠死啦.但係水質會好左定差左呢?用來做草缸天然肥制做器都得.......

放左入去幾星期，玻璃上既點點青苔仍有些，我都唔望佢地食清既，在玻璃上既時間只係1/4左右。
因為我得兩隻大唔知幾多粒細既螺，暫時D屎算ok偏多啦；我都分唔出蝦屎同螺屎，都一樣似燒完既香咁一截截。
我每天換水都會順手吸吸明顯見到既屎，我都諗緊做唔做到天然肥！？哈！

_________________
老鬼一隻

我個蝦螺仔缸我都冇理過佢地 D 屎, 個缸正常地得 D 陰性草, 屎就有見倒嫁但係就唔覺越積越多, 疴左新o既舊o個 D 唔知係咪佢地自己食番呢(真環保! )

LEELEE姐姐你真有心機, 日日換水 + 吸屎. 我剩係日日浸水已經覺得幾煩

o既然咁抵玩.幾隻會變幾十仔.又可以做天然肥.買返幾隻玩下先~~~