水草情迷

因之前買的一對鳳尾死了公魚，為填補心靈(及魚缸)的空虛，所以買了一對荷蘭鳳凰回家...

暫時都見到佢地幾健康，但我發現幾樣o野：
我買了兩條都可能係公魚......(真係啤一聲，連個老闆都唔識分公母要問我....)公魚係唔係背鰭的第二、三節一定會長出來? 母魚就唔會? 因為睇唔到佢地個肚係唔係紅色。

一個11"方缸俾兩條荷蘭公魚(差不多4CM)+一條鳳尾母魚(2CM)會唔會太細....太危險? 因為已經唔係好見到條鳳尾母魚了....真係唔知係呢埋o左定係已經咩o左~

仲有呢，我見到其中一條荷蘭公魚(叫A啦)時常都追打另一條荷蘭公魚(叫B啦)，係唔係應該分開佢地? A係好活躍而B係比較平靜，係唔係正常?

糧我就用自"FULL"的豐年蝦，咁A就比較肯開口，B就麻麻，有沒有咩方法可以令B食多點?

另外，如果我買1-2條工作魚的話...兩條鳳凰會唔會作出攻擊?

想D好胃口D可以試下隔開其中一條^.^
工作魚一般都冇問題,睇下你用邊隻^.^

即係分開A同B會好d? 全時間 / 餵食時間?
可能B成日俾A追，搞到驚驚唔敢食^^
佢地又會唔會有機會打到好傷呢?

工作魚呀.......嗯.....我想買一條鼠魚囉~ 主要都係想佢清o左食剩的豐年蝦^^